Младата македонска тенисерка Сара Митевска имаше одличен настап на турнирот во Нови Сад Јејсон Куп 2025 за тенисерки до 16 години (турнир со категорија 2). Митевска беше финалистка во сингл конкуренција и триумфираше во двојки заедно со Нина Тепиќ од Србија.

Во поединечна конкуренција македонската тенисерка постигна пет победи до пласманот во финалето каде беше поразена од Романката Сара Козма со 2-0 во сетови (60 64), но претходно во полуфиналето ја надигра првата носителка Никол Нунева од Бугарија со 2-0 во сетови (62 61), а со истиот резултат оствари победа и над осмата носителка Антониа Станева (Бугарија) 2-0 (62 61) во четвртфиналето. Во првото коло Митевска беше поуспешна од Романката Раиса Алексиа Мада 2-0 во сетови (60 63), а во второто коло ја победи Верица Зрниќ од Србија со 2-0 (61 75), додека во трета рунда славеше победа од 2-0 во сетови (76(2) 64) над Мина Марковиќ од Србија.

Во конкуренција на двојки со Нина Тепиќ каде беа рангирани како втори носителки во финалниот меч остварија победа на Мина Марковиќ (Србија) и Гала Тешиќ (Швајцарија) со 2-0 во сетови (75 63).

Сара Митевска е пријавена за настап на турнир и оваа недела во Панчево во рамки на Печин куп (турнир со категорија 2).

Женската репрезентација на Македонија до 19 години загуби со 2:0 од соодветната селекција на Хрватска во натпреварот од 3. коло на квалификацискиот турнир од Б лигата (втора рунда) за пласман во А лигата на квалификации за Е.П.

Репрезентацијата на Хрватска ја забележа и третата победа на овој турнир и со максимален број на бодови го освои првото место во групата. Нашата млада селекција го забележа првиот пораз, по воведната победа во првото коло против Литванија и нерешениот резултат во второто коло со Ерменија.

Весели во 13. минута ја донесе репрезентацијата на Хрватска во предност со 2:0. Петковиќ во 74. минута ги постави конечните 2:0.

Македонија: Комненова, Јованоска, Петкова, Ѓорѓиева, Василева, Конева, Дика, Димитриоска, Велиу, Димитриоски, Илиевска;

Селектор: Астрит Мерко

Македонскиот репрезентативец, Елиф Елмас, продолжува со фантастични натпревари во Серија А. На натпреварот против Верона, тој постигна нов гол за Торино.

Во 67. минута од натпреварот, Елмас изведе еден-два со Влашиќ во казнениот простор, по што македонскиот фудбалер со прецизен удар по земја го погоди голот. Голманот на Верона остана неподвижен, а топката од стативата заврши во мрежата. Ударот на Елмас беше маестрален, а снимката која Торино ја објави на социјалните мрежи само го потврди тоа.

Откако пристигна во Торино, Елмас досега има постигнато четири гола во Серија А, а ова беше неговиот прв гол на домашен терен.

Погледнете го видеото во продолжение:

Primo gol davanti al pubblico granata per Elif Elmas pic.twitter.com/aWBoiHubxv

— Torino Football Club (@TorinoFC_1906) April 7, 2025