Започнаа долгоочекуваните градежни работи на „Градскиот стадион“ во Тетово, каде што се гради втора трибина според највисоките стандарди на ФИФА и УЕФА, со цел стадионот да може да биде домаќин на меѓународни натпревари.

Првата стара трибина беше срушена во април, а активностите официјално почнаа по добивањето на градежната дозвола. Според фотографиите што ги доби нашиот медиум, веќе е започната изградбата на првата нова трибина.

Новиот стадион ќе има капацитет од 10.000 до 12.000 седишта и ќе располага со модерни простории за тимови, службени лица, ВИП гости и новинари. Целиот проект е проценет на 9,7 милиони евра и според договорот треба да биде завршен во рок од три години, иако се очекува работите да завршат и пред предвидениот рок.

Градскиот стадион во Тетово е изграден во 1981 година, кога ФК Тетекс влезе во Првата југословенска лига. Тогашниот капацитет надминуваше 15.000 гледачи, а изградбата ја финансираше текстилниот гигант „Тетекс“, со поддршка од државата.

Новата изградба ќе му даде на Тетово стадион достоен за идни фудбалски предизвици.

АЛЕКСАНДАР ТРАЈКОВСКИ беше херојот на Хајдук. Со гол во 98 минута го спаси од пораз својот тим во мечот против Локомотива Загреб.

ДАРКО ЧУРЛИНОВ ја продолжува фантастичната форма. Реализираше против Легија, а погодокот беше единствениот на мечот – вреден три бода.

ТИХОМИР КОСТАДИНОВ го постигна првиот сезонски гол за Пјаст во победата против Погон (2:1).

Мбапе под закана да го пропушти финалето со Барса? Одлуката е во рацете на Дисциплинската комисија

Фудбалска Шпанија внимателно ја следи ситуацијата со Килијан Мбапе, кој би можел да го пропушти финалето од Купот на кралот против Барселона, закажано за 26 април.

Францускиот ас на Реал Мадрид доби директен црвен картон на натпреварот со Алавес, по интервенција на ВАР, поради опасен старт врз Антонио Бланко. Сега се чека одлуката на Дисциплинската комисија на Фудбалската федерација на Шпанија – дали суспензијата ќе биде две, три или четири средби.

Иако казните најчесто важат само во рамки на натпреварувањето каде се изречени, за потешки прекршоци може да се пренесат и во други натпреварувања. Тоа значи дека, доколку стартот се оцени како особено опасен, Мбапе може да го пропушти и финалниот дуел со Барса.

Сепак, поранешниот познат судија Едуардо Итуралде Гонзалес смета дека казната најверојатно ќе биде две средби – што би значело дека Мбапе ќе биде отсутен против Атлетико Билбао и Хетафе во Ла Лига, но ќе биде подготвен за големото финале.

Реал и Барселона ќе се сретнат уште еднаш и на 11 мај во рамки на шпанското првенство, а меѓу двата „класика“, „кралскиот клуб“ ќе се соочи и со Селта Виго.