Балкан

ММДЧП: Ние ќе ги платиме адвокатите за одбрана на македонската партија во Албанија во спорот со бугарски ултранационалисти

Македонската aлијанса за eвропска iнтеграција (МАЕИ), политичката партија која ги застапува правата на Македонците во Албанија, е тужена од страна на бугарска ултра-националистичка организација која отворено вели дека нејзина цел е да го избрише македонското малцинство во Албанија, како и македонската нација во целина. Македонското мmеѓународно движење за човекови права (ММДЧП) ги покрива трошоците за одбрана на МАЕИ во овој клучен судски спор, кој ќе влијае на опстанокот на македонското малцинство во Албанија, а ќе ја покриеме и тужбата што МАЕИ планира да ја поднесе против нив, како и тужбите против сите кои го напаѓаат македонското малцинство, соопшти организацијата.

ММДЧП и МАЕИ ја повикуваат македонската заедница ширум светот да се обедини во одбрана на македонското малцинство во Албанија и на заедничката македонска кауза така што ќе донираат тука: https://mhrmi.org/donations.

„Организацијата која што ја тужи МАЕИ е таканаречената фондација ‘Бугарска меморија’, која изгради криминална структура со цел присилино да ги асимилира Македонците во Албанија, да ги фалсификува резултатите од пописот, да учествува во нелегални активности во врска со бугарските пасоши и да издава лажни потврди за бугарско потекло.

МАЕИ повеќе пати од албанските власти побара да се забранат нелегалните активности на фондацијата ‘Бугарска меморија’ и нејзините напади врз македонските права, и токму тоа е причината зошто се најдоа предмет на тужба.

Бугарската Влада во целост ги насочува и финансира овие напади, додека македонските влади само стојат и гледаат“, соопшти Македонското меѓународно движење за човекови права од Канада.

Балкан

Рама поддржува ограничување на правото на вето за новите членки на ЕУ

Албанскиот премиер Еди Рама оцени дека предложената идеја на Европската Унија за ограничување на правото на вето на новите членки на почетокот од нивното членство е „добра“. Предлогот има за цел да ги смири скептичните главни градови кон проширувањето на Унијата.

„Мислам дека е добра идеја“, изјави Рама за „Политико“ пред самитот ЕУ-Западен Балкан. Тој додаде дека несогласувањата во ЕУ се неизбежни, но дека пристапот на Албанија ќе се разликува од оној на Унгарија кога станува збор за блокирање на политиката на Унијата.

Рама потенцираше дека новите членки треба отворено да ги искажуваат своите ставови, но на крајот да се придржуваат кон колективните одлуки. Албанија се смета за еден од фаворитите за полноправно членство, со цел да стане членка на ЕУ до 2030 година.

Балкан

ЕУ ја укинува блокадата кон Косово: 205 милиони евра помош наскоро достапни

Европската Унија одлучи да ги укине сите санкции против Косово до крајот на јануари 2026 година, што ќе овозможи на земјата да добие 205 милиони евра помош на почетокот на новата година. Одлуката следи по мирната транзиција на локалната власт во северните општини со мнозинство Срби.

Санкциите, кои досега предизвикаа штета од над 613 милиони евра, се однесуваа на клучни сектори како животната средина, енергетиката, дигитализацијата и културата.

Претседателката на Косово, Вјоса Османи, преку социјалните мрежи изрази благодарност до лидерите на ЕУ и сите партнери на Косово за признавањето на посветеноста на земјата во овие процеси.

Балкан

Масовни дојави за бомби во училишта низ БиХ, учениците евакуирани

Утрово повеќе основни и средни училишта во Тузланскиот кантон во Босна и Херцеговина добија дојави за бомби, што доведе до прекин на наставата и итна евакуација на учениците и персоналот. Полициските екипи се на терен и преземаат мерки за проверка на заканите. Според неофицијални информации, пријавите главно биле испраќани преку електронски адреси.

Владата на Тузланскиот кантон и Министерството за образование и наука соопштија дека сите активности се спроведуваат во согласност со законските и безбедносните протоколи. „Училишните администрации и наставниот кадар дејствуваат одговорно, а безбедноста на учениците, наставниците и другите вработени е апсолутен приоритет“, велат од Владата. Учениците беа безбедно евакуирани и испратени во своите домови.

Покрај Тузла, дојави за бомби беа пријавени и во училишта во Република Српска, вклучувајќи градови како Бања Лука, Приједор, Прњавор, Лакташи, Требиње и Добој. Полицијата веднаш започна контрасаботажен преглед и обезбедување на објектите.