Луѓето кои обожаваат кафе, реагираат за високите цени на кафето во последните месеци. Но дали поскапувањето на кафето е тренд само во Македонија?
Сушите во Бразил, како и очекувањата за 30% послаб род во споредба со лани во земјата која е најголем производител на кафе во светот, се главната причина за поскапувањето на кафето насекаде ширум светот.
Дел од граѓаните на социјалните мрежи реагираа за цените на турското мелено кафе и лименките нескафе во маркетите.
Но, повисоките цени на кафето се реалност за цел свет, не се случува ова само во Макеоднија.
Аналитичарите предупредија дека на почетокот на годинава поскапувањето ќе се почувствува во целиот свет, во сите супермаркети и во угостителството! Сушата во Бразил, најголемиот светски производител на кафе, е толку голема што годинава се очекува дури 30% послаб род во споредба со лани.
Бразил покрива една третина од целата светска побарувачка на кафе, но земјата поминува низ рекордна суша, незапаметена во последните 30 години.
Недостатокот на кафе, како и високата побарувачка во светот, можат драстично да влијаат на зголемувањето на цената на омилениот пијалок за милијарда луѓе.
