Магазин

Работи од кои се плашат хороскопските знаци

Ќе ви откриеме кои се вашите стравови според хороскопскиот знак.

Овен – Страв од ропство

Овните се луѓе кои не е лесно да ги заплашите затоа што секое застрашување делува како предизвик за нивната вродена храброст. Од време на време Овните стануваат свесни за брзината со која минува времето и затоа често се плашат од старост, губење на телесната сила и моќ.

На психолошки план, Овните се плашат да не бидат игнорирани од околината и ако нивниот труд остане непризнаен.

Во секој Овен постои потсвесен страв од затворање или било какво ограничување на физичката слобода, што кај претставничките на понежниот пол претставува главна препрека за неконтролирано изливање на огнениот темперамент.

За Овните е својствено на стравот да реагираат насилно водени од мотото “нападот е најдобра одбрана“.

Бик – Страв од сиромаштија

Добро испланираниот живот кој го водат биковите не остава многу место за стравови. Но, стравот од сиромаштијата, од губење на имот и лични работи е оној кој не ги заобиколува.

Со оглед на тоа дека Биковите мора да контролираат се, овој страв ги прави поспори и претпазливи, па во склоп на тоа се замислуваат за секоја ситуација во која се очекува да постапат брзоплето.

Во својот „имот“ ја вбројуваат и саканата личност, па затоа се вклучува и страв од губење на љубовта. Бикот спаѓа во најљубоморните знаци во зодиакот, што значи немаат самодоверба.

Близнаци – Играта ги штити од страв

Земајќи предвид дека сè сфаќаат како игра, Близнаците не се особено плашливи. И ако се уплашат од нешто успешно го прикриваат тоа.

Површните Близнаци се плашат од ситуации кога треба да завземат став или да ја изразат својата волја. Тие чувствуваат страв од сериозни, строги, одлучни и систематични луѓе, кои повеќе ги ценат делата од зборовите.

Ситуација која мириса на авантура или опасност, повеќе ќе ги привлече отколку да ги исплаши.

На психолошко ниво, Близнаците се плашат од старост, затоа што сметаат дека заради тоа би биле приковани на едно исто место и би зависеле од другите.

Но, повеќе се плашат од самотијата и затоа цел живот го поминуваат во настојување да не останат сами со своите мисли.

Рак – Фантазиите ги хранат стравовите

Полесно е да се каже од што НЕ се плашат. Со оглед на тоа дека се многу приврзани за фамилијата и домот, на врвот на листата на стравови на типичните ракови е стравот од распаѓање на семејството.

Самата помисла на развод на бракот, брачна невера, губење или заминување на децата од домот на родителите и слични неволји, предизвикуваат депресија кај Раковите.

Сличен, речиси параноичен страв, покажуваат од преселба, губење или оштетување на домот и постојано замислуваат какви се несреќи би можеле да ги снајдат во домот, а имаат богата фантазија.

Раковите исто така се плашат од злоба, одмазда, предизвикување, караници и несогласување, а голем дел од својот професионален живот поминуваат во страв од надредените.

Лав – Страв од предавништво

Заедно со Овенот, Лавот е веројатно најхрабар член на зодиачката заедница. Вистинската причина за нивната значајност во општеството се крие во стравот од туѓиот презир, јавен срам или неуспех.

Бидејќи им е важно туѓото мислење, Лавовите изведуваат јуначки дела само за да не излезат кукавици пред другите. Често изведуваат и некои вистински подвизи за да се направат важни пред околината.

Лавовите се плашат од ситуации кои ги водат кон промена на состојбата, особено ако динамиката на промената неможе да се контролира.

Се плашат од можно издавање од пријателите или соработниците, и тој страв често преминува во параноја.

Девица – Страв од неред

Свесни за недостатокот на храброст, Девиците избегнуваат ситуации во кои треба да се однесуваат храбро.

Темелно и долгорочно ги планираат сите можни проблеми и своите реакции на нив, па кога ќе се појави проблем подготвено излегуваат со решение.

Ако се работи за непредвидлива ситуација, стравот може целосно да ги блокира. Помислата за живот во неред и нечистотија како и дезорганизација е на листата на стравови кај Девиците.

Цел живот мака мачат со хипохондријата и се плашат да ги изразуваат чувствата.

Вага – Страв од караници

Во потрага по животната хармонија Вагата повремено се соочува со луѓе кои не ги делат нејзините животни вредности. Страв од караници, тепачки, навреди и грубости, самотија и изолираност се примарни стравови кај Вагите.

На интимен план, целиот живот се плашат од љубовно одбивање, разочарување и искористување, но тоа не ги плаши доволно и понатаму влегуваат од една во друга промашена врска.

Попрво би прифатиле живот со некој манијак и перверзник отколку да останат сами.

По Девиците, тие се вториот хипохондричен знак во зодиакот и се плашат од цела колекција на болести, почнувајќи од обична настинка па се до умислување на различни опасни пореметувања.

Скорпија – Страв од немоќ

На прв поглед изгледаат храбро, но позади ладнокрвната маска се крие суштество кое не е баш имуно на стравови, иако сакаат да остават таков впечаток.

Нивен одбранбен механизам е мазохизмот, па затоа и не се плашат од насилство и опасности.

Најизразен е стравот од сексуална полова немоќ, а веднаш потоа следат стравот од старост, зависност од другите и ограничување.

Кај Скорпиите постои и страв од издавање и лажење, а во врска со тоа тие се плашат и од ситуациите каде би можеле да бидат жртва на неверство или раскинување.

Стрелец – Страв од притисок (искористување)

Во својот безгрижен и алтруистички свет, Стрелците пронаоѓаат малку работи кои им влеваат страв.

Сепак кога се наоѓаат во ситуации кога им вршат притисок или им ја ограничуваат слободата, и тогаш овие ведри оптимисти чувствуваат страв.

Не се рамнодушни и кога може да бидат жртви на неправда и насилство. Уште еден постојано присутен страв кај овој огнен знак е стравот од непризнавање на нивна заслуга за некој успех на работа или на друго место, доколку тоа им пречи во понатамошното напредување во хиерархијата.

На психолошки план, кај Стрелците постои страв од општ неред, односно непочитување на законите, а во кризни ситуации Стрелците јасно покажуваат страв од загрозување на демократијата и граѓанската слобода.

Јарец – страв од туѓо мислење

Ладната организираност и ефикасност кај Јарците го прикрива долгиот список на стравови. Секој Јарец, помалку или повеќе пати од имагинарни стравови, кои се резултат на нивната песимистичка природа.

Психолошки гледано Јарците се плашат од сплетки, разочарувања и предавства.

На второ место е сепак стравот од несреќни околности кои по негово верување, влијаат само на него.

Се плашат да не станат мета на потсмев од околината ако направат некој погрешен потег или исказ. Не прифаќаат и се плашат од туѓи шеги во нивно име.

Водолија – Грижа за целиот свет

Водолиите може да се вбројат во храбри знаци. Тие се плашат, но пред се за општото добро.

Се ужасуваат од појави кои се дел од секојдневниот модерен живот како – насилство, злочини, војни, глад, загадување, расна нееднаквост, верски проблеми и други состојби, без разлика дали некако влијаат врз нив.

Водолиите ги мачи и стравот дека еден ден ќе треба да ги напуштат своите идеали и да станат подередени во хиерархискиот систем, а покажуваат и голем страв од постојано врзување за еден партнер.

Риби – Страв од сè живо

Дефинитивно најплашливиот знак – збир од стравовите на сите останати знакови. Тука се вклучени: телесно насилство, закани и навреди, самотија и одбегнување, болест и смрт, а посебно се плашат од духови, вампири и други чудовишта.

Во склоп на околината во која живеат се плашат од неред и природни катастрофи, а и обична гужва и галама, предизвикуваат непријатно чувство кое се граничи со паника.

И покрај бројните стравови, Рибите имаат способност за пронаоѓање излез и во најтешките ситуации.

Магазин

Забележете го секој момент како професионалец: алатки на Galaxy камерата

Претворете го вашиот телефон во мини филмско студио – снимајте, уредувајте и создавајте како професионалец

Скопје, 19 декември 2025 – Разбудете го креаторот на содржини во себе, вашата Galaxy камера е подготвена. Со Pro Video Mode рачно прилагодете го фокусот, експозицијата и ISO-вредноста како филмски режисер. Или едноставно користете Single Take и дозволете ѝ на вештачката интелигенција да сними повеќе фотографии и кратки видеа со еден допир.

Ви треба мазно, кинематографско движење? Super Steady Mode ја одржува снимката стабилна дури и на нерамен терен. Подобрете ја вашата фотографија со Expert RAW за уредување во DSLR-стил или снимајте спомени во 8K резолуција, толку остри што можете повторно да ги доживеете на кој било екран.

Од спонтани селфија до филмски кадри, Galaxy ви помага секој момент да го направите посебен, бидејќи секој спомен заслужува да биде во центарот на вниманието. Непотребно е да се каже дека секогаш постои таа потрага по совршениот кадар – да се фати споменот, а некој случаен минувач токму во тој момент да се најде во кадарот. Тогаш на сцена стапува Generative Edit: едноставно заокружете го објектот што треба да се отстрани, избришете го и допрете ја функцијата Generative Edit за да се пополнат празнините. Готово за миг.

Совршена комбинација: Galaxy Z Flip7 ги подигнува фотографиите и снимањето на видеа на повисоко ниво благодарение на надворешниот FlexWindow екран и врвните главни камери, овозможувајќи да се користи и како камкордер.

Скриен бисер: гестови како лесен допир на копчето за вклучување за палење или гасење на екранот ја прават секоја акција едноставна. Иднината на интеракцијата е буквално во вашите раце.

Сè уште немате Samsung Galaxy уред или користите постар модел? Samsung ве поканува да ја преземете апликацијата Try Galaxy и да ги испробате најновите функции на Galaxy уредите директно на екранот на вашиот сопствен телефон.

###

За компанијата Samsung Electronics Co., Ltd.

Samsung го инспирира светот и ја обликува иднината со револуционерни идеи и технологии. Компанијата го редефинира светот на телевизорите, дигиталните екрани, паметните телефони, носливите уреди, таблетите, домашните апарати и мрежните системи, како и решенијата за меморија, системските LSI решенија и производството на чипови (foundry). Samsung напредува и во областа на медицинската визуелизација, решенијата за греење, вентилација и климатизација (HVAC), како и во роботиката, додека преку компанијата Harman создава иновативни производи за автомобилската индустрија и аудио-технологиите. Со својот екосистем SmartThings, отворена соработка со партнери и интеграција на вештачката интелигенција низ целиот производен опсег, Samsung овозможува поврзано и интелигентно корисничко искуство. За најнови вести, посетете ја страницата Samsung вести на news.samsung.com.

Магазин

Баба Ванѓа за 2026: Во ноември доаѓаат вонземјани, а светот ќе се соочува со хаос целата година

Славната македонска пророчица Баба Ванѓа повторно се најде во центарот на вниманието, откако на површина излегоа наводните предвидувања за 2026 година. Според следбениците, таа наводно предвидела историски момент – контакт со нова цивилизација во ноември, заедно со пристигнување на „огромен вселенски брод“ на Земјата.

Но, не е само тоа. Во сенката на вонземските визии, таа наводно предупредила и на можност за Трета светска војна, со ескалација на тензиите меѓу големите сили како САД, Русија и Кина.

И додека човештвото се бори со политичките тензии, Мајката Природа, според предвидувањата, нема да остане рамнодушна. Големи земјотреси, вулкански ерупции и екстремни временски непогоди ќе погодат околу 8% од копното на Земјата, предизвикувајќи хаос и несигурност.

Но, Баба Ванѓа наговестува и позитивни откритија: од напредок во медицината, како тестови за рак на крвта, до забрзан развој на вештачката интелигенција и нови технологии кои би можеле да ја подобрат иднината на човештвото.

Важно е да се потенцира: таа не оставила писмени записи, а повеќето тврдења се од следбениците по нејзината смрт во 1996 година. Научниците предупредуваат дека овие „пророчки“ предвидувања се повеќе шпекулации отколку потврдени факти.

Сепак, според атмосферата што ја создаваат овие наводни визии, 2026 година се очекува како година на големи пресврти – од вонземски средби, преку страв од војна, до сурови „уроци“ од природата.

Да се потенцира: Баба Ванга не оставила писмени записи. Сите овие предвидувања доаѓаат од луѓе кои ја следеле по нејзината смрт во 1996 година, па научниците и експертите ги сметаат за шпекулации, а не за факти.

Сепак, за 2026 година, сигналите изгледаат јасни: вонземјани, страв од војна и суровата моќ на природата.

Магазин

Со Ирина Атанаскова: За уметноста да се биде мајка и уметник и за пријателот што го спасува денот

Креативноста не е нешто што може да чека на „кога се ослободат рацете“. За Ирина Атанаскова, позната на социјалните мрежи и во уметничките кругови како тату-артистот Ina Nameless, таа е основна потреба, неопходен механизам за преживување како утринско кафе или здив меѓу обврските во динамичниот семеен живот. Како мајка на две деца, во свет каде рутината често се смета за светиот грал на родителството, Ирина избира да го прифати хаосот, го бои со оптимизам и наоѓа „мали џебови на време“ за да создаде магија како мајка и како уметник.

„Моите денови никогаш немаат рутина“, вели Ирина. Денот најчесто го диктира најмалиот член на семејството – бебето, а веднаш потоа и кафето. Ако има градинка, обврските се редат во движење, ако не, Ирина го прави истото што би го правела и без децата.

„Правиме појадок, средуваме, вежбаме, креираме. Пробувам да направам нешто во малите џебови на времето, да направам дизајн за тетоважа или да насликам нешто, зависи какво е расположението“, раскажува таа. Во денови кога обврските се премногу, нешто мора да се скрати, а најчесто тоа е подготовката за ручек. „Тогаш само го повикувам мојот ‘пријател’ – Wolt. Многу ме спасува кога има многу работи што треба да се завршат“, додава Ирина.

Времето за тетовирање вообичаено е навечер кога има помош со децата затоа што „тоа е единствената работа што навистина не можам да ја правам со нив“. Во оваа густина на обврски, Ирина се трансформира од мајка во артист во моментите кога бебето заспива или кога постарото дете се губи во игра. За неа, концептот „одмор е само ако сум сама“ не функционира. Таа верува дека уште поважно од изолираното време за себе е да се научиме да бидеме присутни и да не се обидуваме да го контролираме секој момент.

„Додека чекаме децата да легнат или да отидат во градинка за да го најдеме времето за себе, времето ни проаѓа низ прсти. Суштинското е да се опуштиме во една хаотична фаза во животот каде што не сме во контрола, но можеме да бидеме наратори на тоа како ќе се одвиваат деновите“, објаснува Ирина.

Нејзиното студио не е само работно место, туку простор за медитација. Таму, како што раскажува, секогаш има добра енергија и музика што го држи ритамот да се посвети на дизајните и тетоважите. Тука времето добива друга димензија. Музиката, подготовката на дизајните и самиот чин на тетовирање се нејзиниот начин да се поврзе со себе. Кога термините се надоврзуваат еден на друг, испораката на храна повторно влегува во игра, затоа што за неа апликацијата не е луксуз, туку алатка за паметно родителство и професионален успех. Нејзината врска со платформата за испорака започнала кога се вратила од Лондон, а фактот што сервисот функционира беспрекорно во Скопје, за неа било пријатно изненадување.

„Апликацијата секогаш ме спасува со храна кога најмногу ми треба. Брзо се vibe-навме со платформата затоа што навистина не сум fan на јавување на телефон. Како што спомнав, времето е мојот главен ресурс и навистина го ценам. Некогаш е убаво да готвам и да поминам ‘slow’ ден со најблиските. Но, ако пазарењето и готвењето се обврски кои ми крадат од сонот или од времето за игра со постарото дете, тогаш секогаш нарачувам храна“, објаснува таа.

Нејзините избори на апликацијата го отсликуваат нејзиниот стремеж кон баланс. Најчесто избира здрави оброци полни со витамини од места како Vega или Healthysh, додека за децата, тука се омилените пасти и пици од Yes Pasta или Mama Italiana. Тоа е слободата што модерната технологија ѝ ја нуди на една мајка: избор да не мора да биде „суперхерој во кујната“ секој ден, и наместо да жонглира да биде суперхерој во другите аспекти од животот.

„Кога зборувам за мајчинството и професионалниот ангажман можеби очекувате да кажам не си ставајте притисок, дајте си време. Ама искрено мајка – можеш сѐ и повеќе од тоа. Можеби некоја вечер ќе си ненаспана. Наместо наредниот ден да се сожалуваш за лошата вечер пробај пак наредниот ден. Не се откажувај од твоите соништа затоа што имаш други луѓе кои зависат од тебе“, вели Ирина и не ги крие своите сојузници кои и помагаат да го спои во едно креативниот процес, мајчинството и хаосот на секојдневното живеење.

За тату артистката балансот значи „наоѓање мир во несовршеното“, чисто место да седне на подот со истурени играчки, да се гушка и смее со децата: „Ние не можеме да контролираме се што се случува, но можеме да контролираме како реагираме. Дефинитивно мојот распоред се има многу сменето откако станав родител. Порано знаев да работам долги сесии и по многу часови на ден. Но сега, иако работните часови ми се скратени, работам повеќе. Научив и времето да си го ценам повеќе “, вели Ирина.

И кога ќе ја прашате што ја води напред, Ирина се повикува на еден цитат од Франц Кафка, кој стои како потсетник на нејзината фотографија, сумирајќи ја целата нејзина животна филозофија: „Мора да бидете во делузија. Франц Кафка еднаш рекол: Со тоа што страсно веруваме во нешто што сè уште не постои, ние го создаваме.“

Ирина токму тоа го прави, страсно верува во убавината на хаосот, создавајќи своја уникатна реалност, еден цртеж и една нарачка за оброк во исто време.