Инфлуенсерката и авторка Ешли Клер го обвини Елон Маск за старателство над детето за кое тврди дека е негово. Со тоа се објавени и пораките за кои Ешли тврди дека ги разменила со Маск.
26-годишната инфлуенсерка минатата недела на социјалните мрежи тврдеше дека најбогатиот човек на светот е татко на нејзиното петмесечно бебе, а на 21. февруари поднесе барање за законско старателство до Врховниот суд во Њујорк.
Судските документи го идентификуваат детето како РСЦ, а Ешли претходно ги замоли медиумите да ја почитуваат нејзината и приватноста на нејзиното детe, и да се воздржат од интензивно известување.
Пораките кои наводно ги разменувале се доставени до судот како доказ. Во еден од разговорите, кои се случил непосредно пред Доналд Трамп да победи на изборите во ноември, Маск ја замолува Ешли да молчи.
“Ова не е време за чувства на штета на безбедноста. Доколку погрешам во поглед на безбедноста, Р (целосното име е затемнето) никогаш нема да го запознае својот татко”, се гледа во разговорот.
Во судското барање Ешли тврди дека Маск не присуствувал на раѓањето на своето 13. дете. Покрај тоа, вели дека генералниот директор на Тесла, го сретнал своето дете само три пати, и не бил вклучен во неговото одгледување.
Освен барањата за старателство поднесени до судот, Ешли исто така поднела барање за утврдување на татковството во кое објаснува дека парот ја започнал романтичната врска во или околу мај 2023. година.
После раѓањето на детето, Ешли наведува дека на Маск му пратила фотогорафија на која тој наводно одговорил: “Се радувам што ќе ве видам тебе и него овој викенд”.
