Технологија

Мајкрософт претстави иновациски квантен чип: нова ера за квантните компјутери

„Мајкрософт“ го претстави чипот „Мајорана 1“, заснован на нова архитектура на тополошко јадро. Клучната иновација е специјален материјал наречен тополошки спроводник, кој овозможува создавање и контрола на честичките „мајорана“. Овие честички се уникатни во квантната физика бидејќи истовремено дејствуваат како честичка и своја античестичка, што ги прави различни од обичните честички како електроните.

Пробивот вклучува создавање и контрола на овие честички, кои може да се користат за создавање постабилни кјубити за квантни компјутери. За разлика од класичните компјутери кои користат ботови (0 и 1), квантните компјутери работат со кјубити, кои можат да бидат во повеќе состојби истовремено. Оваа својство им овозможува на квантните компјутери да решаваат одредени сложени задачи многу побрзо од конвенционалните, но кјубитите се многу нестабилни и чувствителни на интерференција од околината.

Решението на „Мајкрософт“, кое ги вклучува честичките „мајорана“, би можело да доведе до постабилни кјубити и да ја приближи квантната компјутерска технологија до практична употреба. Новата архитектура на чипот може да поддржи милион кјубити, што е клучно за практична употреба на квантни компјутери. За споредба, денешните најнапредни квантни компјутери имаат само неколку стотици кјубити.

Во практични термини, компјутер со милион кјубити би можел да ја револуционизира науката за материјали, еколошкото чистење и земјоделството, создавајќи материјали што се самопоправаат, наоѓајќи ефикасни начини за разградба на микропластика или развивајќи ензими што ќе помогнат за раст на културите во потешки климатски услови.

Сепак, ова достигнување не е без предизвици. Експертите апелираат на претпазливост, напоменувајќи дека иако развојот е значаен, следните чекори во квантното пресметување се сложени и вистински успех ќе биде потврден само кога технологијата ќе се покаже сигурна во пракса.

Технологија

Google ја укинува омилената апликација – еве со што ќе биде заменета

Google ќе го укине Google Assistant на повеќето Android уреди почнувајќи од почетокот на следната година, како дел од планот за замена на гласовниот помошник со новата вештачка интелигенција Gemini.

Google Assistant, лансиран во 2016 како конкурент на Apple Siri и Amazon Alexa, ќе биде надграден со Gemini, кој ќе се користи и на таблети, автомобили, слушалки, часовници и паметни куќни уреди. Новиот систем ќе овозможува природно гласовно управување и исти команди како претходниот помошник.

Google исто така претстави Gemini Home AI за паметни куќни уреди, а новиот Google Home Speaker се очекува во пролет 2026. Google Assistant ќе остане активен до март 2026, по што корисниците ќе бидат целосно префрлени на Gemini.

Претходно услугата се викала Bard, но беше ребрендирана во Gemini почетокот на 2024, кој сега покрива и AI модели и домашни уреди.

Технологија

На ChatGPT и требаат 200 милијарди долари да продолжи со операциите

Според најново истражување на HSBC, OpenAI, сопственикот на ChatGPT, би можел до 2030 година да треба да обезбеди околу 207 милијарди долари за продолжување на своето работење, поради растечките трошоци за компјутерска инфраструктура и глобалната трка во областа на вештачка интелигенција.

Приходите се очекува да достигнат околу 129 милијарди долари, додека трошоците за cloud инфраструктура би можеле да достигнат 800 милијарди долари. ChatGPT би можел да достигне три милијарди редовни корисници, споредено со 800 милиони минатиот месец.

OpenAI во последните три години привлече големи инвестиции, а во октомври стана највредната приватна компанија во светот, проценета на околу 500 милијарди долари. Трошоците за раст се зголемуваат побрзо од приходите, што претставува ризик за компанијата и за технолошките партнери како Microsoft, Amazon и Oracle.

Технологија

Еве што најмногу ја троши батеријата на вашиот телефон

И покрај поефикасните процесори, подобрените батерии и напредните системи за управување со енергијата, батеријата на смартфоните и понатаму брзо се празни – најчесто поради начинот на кој ги користиме уредите.

Апликации во позадина

Најголеми „скриени“ потрошувачи се апликациите што работат во позадина – социјални мрежи, фитнес-тракери, па дури и тастатури. Проверете во Поставки > Батерија кои апликации трошат најмногу енергија и ограничете ја нивната позадинска активност. Намалете ја и автоматската синхронизација кај мејлови, календари и облак-сервиси.

Екранoт – најголемиот потрошувач

Осветлувањето и високата стапка на освежување значително го скратуваат траењето на батеријата. Користете адаптивна светлина наместо рачна и ограничете го освежувањето на 60Hz кога не играте игри. Темниот режим е особено ефикасен кај OLED екрани, бидејќи исклучува дел од пикселите и штеди енергија.

Паметно полнење

Современите телефони нудат функции за заштита на батеријата кои го забавуваат полнењето над 80% за да се намали долгорочното оштетување – вклучете ја оваа опција. Користете полнење со кабел кога можете и избегнувајте честo брзо полнење, освен кога сте во итност.

Со внимателни поставки и неколку навики, батеријата може да трае значително подолго без разлика на моделот на телефонот.