Магазин

Ова сигурно го правите секој ден и со тоа си ја уништувате вашата коса

Многу често за оштетената коса сме виновни ние самите. Независно дали поради недостиг на време или игнорирање на правилата за одржување на здрава коса.

Косата е незанемарлив елемент од женската убавина. Но, додека здравата привлечна коса се карактеризира со сјај, разиграност и волумен, оштетената коса се одликува со распукани врвови, безживотен изглед и текстура која не е пријатна на допир.

Многу често за оштетената коса сме виновни ние самите. Независно дали поради недостиг на време или игнорирање на правилата за одржување на здрава коса, секоја жена прави одредени грешки кои влијаат негативно врз убавината на нејзината коса. Сепак, важно е да се спомене дека дури и интензивната нега понекогаш може да ѝ нанесе штета на косата и да има обратен ефект од посакуваниот. Еве со кои навики ѝ го крадете блесокот на косата и ја уништувате нејзината убавина:

Постојано врзувате коњско опавче на истото место од главата

Жените се големи љубителки на фризурата „коњско опавче“ затоа што таа е најбрз и најлесен начин да се постигне среден женствен изглед. Но, секојдневното врзување на коњско опавче на истото место на главата може трајно да ја оштети косата.

Стегнатото коњско опавче ја оштетува фронталната линија на косата и косата на местото каде што е врзано. Лошите ластици (гумени ластици или ластици со метални спојки) како и напорите да се врзе косата што постегнато, ги оштетуваат фоликулите на влакната и неизбежно водат до оштетени прамени, а во некои случаи и до опаѓање на косата.

Совет: Ако не можете да го промените стилот на средување на косата, врзувајте ја секој ден по еден сантиметар повисоко од претходно, а потоа започнете да слегувате со врзување на опавчето надолу по главата. Избегнувајте го престегнатото врзување и пуштајте ја косата слободно да паѓа на вашите рамена секогаш кога имате можност. Користете свилени, мазни и меки ластици.

Ги откинувате расцветаните врвови на влакната

Имате навика да ја допирате косата, разгледувајќи ја детално? Веројатно, како и многу жени, кога ќе наидете на расцветан врв, го откинувате за да ви остане влакното здраво. Но, тоа е голема грешка. Со откинувањето, вие го тегнете влакното непотребно, а тоа влијае негативно не само на неговиот изглед, туку и на самата фоликула од која расте.

Совет: Ако не можете да го игнорирате распуканото влакно до наредното потстрижување, земете мала ножичка и отсечете го расцветаниот дел.

Триете агресивно со крпата за побрзо да ви се исуши косата

Нема ништо лошо во тоа по бањање да ја завиткате косата во крпа, но агресивното триење на косата со крпа е уште една од грешките кои ги прават повеќето жени. Косата е најчувствителна кога е мокра, па силното триење со крпата може да ја оштети кутикулата на влакното, т.е. да ѝ ја одземе на косата потребната заштита и да ја направи посклона кон кинење.

Совет: По миењето, прво нежно потстегнете ја косата за да истече вишокот на вода од неа, а потоа завиткајте ја со крпа и оставете ја да стои така околу 10 минути. Не ја стегајте крпата премногу, бидејќи во тие моменти косата е најранлива. Со овој процес вие ќе ја потсушите косата на природен начин, без употреба на силна топлина.

Ја миете косата секој ден

Многу жени ја мијат косата буквално секој ден. Некои го прават тоа поради неопходноста да ги отстранат стилизирачките средства од косата и скалпот, други за да се разладат од жешкото време, трети пак, затоа што секојдневното миење им преминало во навика. Она што треба да го знаете е дека со секојдневното шампонирање само ѝ правите контра услуга на косата.

Косата изгледа најдобро кога природните масла од скалпот ги достигнуваат врвовите на влакната. Честото миење на косата води до сушење. Всушност, во моментот кога го нанесувате шампонот, вие го миете природниот сјај на косата, ѝ ја одземате хидратацијата и непотребно ја сушите, што води до пукање на кутикулите. Запомнете, колку почесто ставате шампон на вашата коса, толку помалку таа ќе блеска. Ова е причината што треба да се користи регенератор по миењето на косата со шампон.

Совет: Мијте ја косата секој втор или трет ден, во зависност од нејзиниот тип, затоа што таа е најубава кога има природни масла на неа. Единствено треба да ја миете секој ден ако ви се валка на работното место или ако спортувате активно.

Доколку ви е потребно само освежување, прснете малку вода во коренот на влакната и исушете со фен. Обидете се да ги сведете факторите кои го сушат влакното на минимум, а пречестото миење дефинитивно е еден од нив.

Пречесто и премногу ја чешлате косата

Верувате во митот дека косата треба да се чешла по 100 пати секоја вечер за поблескав изглед? Време е да престанете. Претераните движења со чешелот низ косата ги истоштуваат и оштетуваат влакната и водат до појава на расцветани врвови и тенка коса.

Совет: Кога се чешлате, поминете со чешелот низ косата неколку пати за да се разнесат природните масла од скалпот кон врвовите на влакната, но не претерувајте.

Чекате да помине цела вечност пред да се потстрижете

Ова е еден од непростливите бјути гревови кој го прават жените кои мечтаат за што подолга коса. Но, по одреден период од последната посета на фризер, врвовите стануваат суви и започнуваат да расцветуваат, давајќи ѝ на косата нездрав изглед. Фризурата има максимален рок од 8 седмици пред да започне да ја губи својата форма и да стане тешка за стилизирање.

Совет: Закажувајте си потстрижување на секои 6-8 недели. Добро негуваната и навреме потстрижувана коса е сјајна и полна со живот.

Користите несоодветен шампон

Иако често додека избирате шампон си велите „Не е важно кој ќе го изберам, сите шампони се исти“, тоа не е точно. Поради игнорирањето на напишаното на етикетите, но и непознавањето на сопствениот тип на коса, многу жени користат погрешни продукти. Да го познавате својот тип на коса е важно за правилна нега на истата. На пример, шампоните наменети за сува и оштетена коса се премногу агресивни за нормалната и мрсната коса. Од друга страна, шампоните наменети за мрсна коса премногу ја сушат косата и не се соодветни за сувата коса.

Совет: Секогаш читајте што пишува на етикетата пред да купите шампон и изберете го оној кој е најсоодветен за вашиот тип на коса. Доколку не можете да одредите каква е вашата коса, следниот пат, наместо да разговарате за најновите трачови во градот со вашиот фризер, побарајте стручно мислење.

Напнувате со чешелот на местата каде косата е заплеткана

Точно е дека денешниот динамичен начин на живот нè притиска да брзаме во сè што правиме, но кога станува збор за заплетканата коса, трпението е најважно. Ако чешлате на местата каде е заплеткана косата, вие ризикувате да ги искинете влакната и да ја оштетите косата.

Совет: Чешлајте ја косата започнувајќи од врвовите, па нагоре кон коренот. Кога ќе наидете на заплеткани прамени, прво расплетете ги со помош на врвовите од вашите прсти. Чешлањето од скалпот кон врвовите може да предизвика кинење, особено кога косата е премногу заплеткана.

Ја сушите косата со фен додека од неа течат капки вода

Сушењето на косата со фен додека од неа капат капки вода не само што го отежнува стилизирањето, туку и прави штета, бидејќи тогаш влакната се најчувствителни и најнежни, а вие ќе треба да сушите подолго време. Секое тргање на прамените може да доведе до кинење на незаштитените влакна. Друга грешка е сушење со фен сè додека косата не биде 100% сува. Пресушувањето на косата ја прави склона кон кинење и ѝ го одзема сјајот.

Совет: Фенот треба да се користи за влажна, а не за коса од која тече вода. Секогаш прво виткајте ја косата во крпа 5-10 минути за да се потсуши, а потоа сушете со фен околу 5-10 минути. Држете го фенот оддалечен 30cm од косата и сушете додека косата не биде 80-90% сува. Оставете воздухот да ја доврши работата која вие ја започнавте.

Магазин

Голем пресврт во хороскопот – два знака добиваат силен финансиски подем

Астролозите најавуваат дека два хороскопски знака влегуваат во исклучително поволен период, во кој се очекува значителен финансиски прилив. Според нив, универзумот им испраќа можности што можат да донесат вистински бум на приходите во следните неколку недели.

Лав: период на профит и нови можности

За родените во знакот Лав се отвораат шанси што носат високи финансиски добивки – од профитабилни проекти и успешни инвестиции, до потенцијални ненадејни приходи, како што е наследство. Иако позитивната енергија носи силен импулс, астролозите предупредуваат дека импулсивното трошење може да биде ризично. Дел од приходите, велат, треба да се насочат кон долгорочни и стабилни инвестиции.

Стрелец: неочекуван прилив од повеќе извори

Стрелците во овој период може да очекуваат пари што ќе пристигнат од различни насоки: дополнителни работни ангажмани, патувања, соработки, лични проекти или дури и поволни случајности. Нивната природна отвореност и авантуристички дух, според астролозите, привлекуваат финансиска среќа. Сепак, советот е дел од добивката да се вложи во посигурни опции.

За двата знака следува период на олеснување и исполнување на желби. Финансиските приливи, покрај материјална добивка, се гледаат и како можност за остварување на одамна посакувани планови. Астролозите додаваат дека е важно среќата да се пречека со мудри одлуки, бидејќи стабилниот пристап е клучен за долготраен успех.

Магазин

Поранешен агент на ЦИА предупредува – Ова се најопасните земји во светот

Поранешниот агент на ЦИА, Џон Киријаку, предупредува дека нестабилноста во одредени региони ширум светот може да има катастрофални последици и за дипломатите и за цивилните патници. Според него, ситуацијата е толку напната што патувањето во некои земји претставува екстремен ризик.

Стејт департментот веќе има издадено предупредувања од „ниво 4“ за повеќе земји, вклучувајќи ги Иран, Украина, Судан, Сирија и Русија, каде опасностите од војни, немири, тероризам, киднапирања и неоправдани притворања се зголемени.

Киријаку, кој за време на неговата служба посетил 72 држави, изјави за LADBible Stories дека „скоро сите биле ужасни“, додавајќи дека никогаш немал можност да оди на безбедни или пријатни дестинации. Како најопасни денес ги издвојува Јемен, Сомалија, Газа, Авганистан и делови од Пакистан.

Како пример за ризиците, тој се навраќа на своите пет патувања во Јемен, од кои секое, според него, било „полошо од претходното“. Земјата е под предупредување од ниво 4 поради немири, криминал, здравствени ризици, киднапирања и тероризам. На оперативците им бил дозволен престој само во строго обезбеден хотел со деветметарски бомбоотпорен ѕид.

За време на неговата последна мисија, група јужнокорејски дипломати биле убиени во заседа веднаш по нивното пристигнување во земјата, а неколку дена подоцна и разузнавачки службеници кои дошле да го истражат нападот исто така биле ликвидирани. Поради ова, Јужна Кореја ја затворила својата амбасада.

Киријаку предупредува дека глобалната безбедност денес е во критична состојба и дека односите меѓу државите се исклучително напнати. Според него, многу е тешко да се предвиди во која насока ќе се движи светската ситуација, што дополнително го зголемува ризикот за патување во нестабилни региони.

Магазин

Црква од 6 век во тетовскиот „Стар манастир“

„Стар манастир“ се смета за еден од најстарите сакрални објекти за кого први записи се пронајдени во 1326 година

ТЕТОВО – На локалитетот Лешочко Кале започнуваат археолошки истражувања на стар манастирски комплекс од пред повеќе векови. Истрагите што ги иницираше Музејот на тетовски крај, а се реализираат преку Националниот конзерваторски центар, финансирани од Министерството за култура, се насочуваат кон објекти што во 14 век претставувале епископски центар, но истовремено црквата „Св. Атанасиј“ која се’ уште опстојува, ќе се утврдува дали била градена на стар црковен објект од 6 век. Подготовките за почеток на археолошките истражувања веќе се завршени, па според најавите од Националниот конзерваторски центар наскоро ќе започнат. Годинава се планирани сондажни истражувања кои ќе траат околу еден месец. Во наредни фази кои според проектот би се одвивале од наредната година, ќе се пристапи кон конзервација. На овој комплекс забележани биле и поранешни истражувања во два-три наврати, а тогашните и сегашните наоди ќе послужат за поставување сонди до самата здравица, заради заштита и создавање услови на некогаш подигнатите објекти.

Со организираните археолошки истражувања ќе се стави крај и на беснеењето на дивите копачи од кои една група откриени минатата година, им беше судено и им беа изречени затворски казни.

Манастирскиот комплекс „Стар манастир“ се смета за еден од најстарите сакрални објекти за кого први записи се пронајдени во 1326 година. Јеромонахот Јоаникиј како единствен ктитор најнапред ја подигнал манастирската црква со пари, што ги обезбедил продавајќи го целиот имот на својот татко. Црквата била подигната на стари темели и градба од шестиот век, што е потврдено со пронаосот, на кој на десниот ѕид до неодамна биле видливи фреските. Во двориштето Јоаникиј изградил и конаци, келии и други објекти, а манастирот „Св. Атанасиј“ останал седиште на Полошката епископија како управен, духовен и културен центар на 14 век под јурисдикција на Охридската архиепископија. Создадени биле услови за живот на монаси и членови на манастирското братство, но и како место каде се школувале свештеници. Манастирскиот комплекс под разни влијанија неколку пати бил разурнуван, а најмногу последици имал во наездата на турските башибозуци во 1689 година. Први ископини биле вршени во 1927 година, кога биле откриени остатоци од разурнатата црква, три саркофази од кои еден бил на јеромонахот Јоаникиј, осамен гроб, две гробници и други објекти.

Од фрескоживописот очигледни биле делови на свети маченици, свети војници како и фреската насловена како „Угостувањето на праведниот Аврам“, но и делумни истраги биле вршени во 1981 година.Меѓутоа, очигледно е дека целиот простор бил оставен и запуштен, објектите оштетувани и од луѓе, но и од забот на времето, а свое влијание извршиле и дивите копачи кои во потрага по закопаното благо, нанеле огромни штети на просторот.

Извор: preminportal