Во реванш натпреварот од четвртфиналето во Конференциската лига фудбалерите на Јагелонија и Бетис ремизираа 1:1.

Бетис оди во полуфиналната фаза од натпреварувањето откако на првиот меч во Шпанија триумфираше со 2:0.

Непосредно пред крајот на првото полувреме Полјаците постигнаа гол преку Хансен, но истиот беше поништен поради офсајд после ВАР снимката.

Во 78 минута гостите поведоа со голот на Бакамбу, а домаќините го избегнаа поразот благодарение на погодокот на македонскиот репрезентативец Дарко Чурлинов во 81 минута.

Полуфиналист е и тимот на Фиорентина кој иако одигра нерешено (2:2) дома против Целје, во првите 90 минути во Словенија, славеше италијанскиот претставник со 2:1.

Македонската тенисерка Лина Ѓорческа со победа го стартуваше настапот на ИТФ W75 турнирот во Копер, Словенија што се игра за нагарден фонд од 60.000 долари. Во мечот од првото коло Ѓорческа ја совлада 30-годишната тенисерка од Белгија Мари Бено со 2-0 во сетови (75 61) за 101 минута игра.

Во првиот сет се водеше голема борба, а македонската тенисерка прва успеа да дојде до предност од 4:1 во гемови, а по 5:2 ривалката стигна до 5:5. По голема неизвесност во 12-тиот гем Лина направи брејк за водство од 1-0 во сетови откако го доби првиот сет со 7:5 во гемови. Во вториот сет македонската тенисерка имаше целосна контрола и сетот го доби со 6:1 во гемови.

Според програмата за денеска беше предвиден и мечот од 2.коло, но поради дожд мечот беше преместен за програмата во петок. Противничка на Ѓорческа ќе и биде Екатерина Горгодзе од Грузија, која со 2-1 (63 46 10-6 на поени) во сетови ја елиминира втората носителка Селена Јаничијевиќ од Франција.

Во меѓусебните дуели Ѓорческа води со 2:1 во победи и сите мечеви на ИТФ турнирите се одиграни во три сета, додека Ѓорческа има и еден триумф вп БЏК купот кога противничката го предаде мечот.

Репрезентацијата на Македонија до 18 години беше поразена со 3:1 од соодветната селекција на Словачка во рамките на вториот контролен натпревар одигран помеѓу овие две селекции на тренинг центарот „Петар Милошевски”, во Скопје.

Јан Брнула го отвори резултатот на средбата со погодок во 18. минута. На 2:0 зголеми Кристијан Стручка во 28. минута. Филип Трело го постигна третиот погодок за Словачка во 45. минута.

Во продолжението од средбата избраниците на селекторот Ерхан Селими успеаа само да го намалат резултатот. Давид Стојановски беше стрелец на погодокот во 60. минута.

Првиот контролен натпревар помеѓу овие две репрезентации заврши нерешено 1:1.

Македонија: Павел Трајковски, Златко Радески, Абдулах Аслани, Лука Атанасовски, Давид Стојаноски, Адмир Љатифи, Каменчо Андоновски, Али Хисар, Андреј Мурџески, Бојан Затуроски, Стефан Марковскич;

Резерви: Давид Илоски, Онур Бешир, Горазд Ристовски, Марко Киш, Димитар Шаркоски, Назиф Цека, Емир Шаботиќ, Кренар Хоти, Албион Мусли, Џек Едвард Митревски, Игли Хасани, Аритон Мехмед;

Селектор: Ерхан Селими;