Дневен хороскоп за понеделник – 24 февруари

Овен

Не дозволувајте незавршените деловни обврски да ви го одвлечат вниманието од плановите кои ги имате со семејството.

Ако сте во брак, комуникацијата со партнерот денес ќе ви оди тешко.

Некои Овни ќе „откријат“ ново место за пиење кафе кое веднаш ќе им го препорачаат и на пријателите.

Бик

Наградата и напредокот на работа се сосема сигурни, само треба да почекате уште малку време.

Ако сте сингл, можно е лесно да влезете во врска, но исто така лесно и да ѝ ставите крај.

Денес опуштете се во друштво на вашите драги луѓе.

Близнаци

Само што помисливте дека можеби нема решение и дека залудно се обидувате, некој колега ќе ви помогне.

Денес дружете се што е можно повеќе, друштвото дури и на луѓето кои не ви се блиски ќе ви годи.

Некои Близнаци е можно да почувствуваат дека имаат проблеми со синусите.

Рак

Продолжете со стабилно темпо и работата што ја знаете најдобро, затоа што ќе имате можност за напредок.

Слободните Ракови е можно да почнат љубовна врска со личност што ја запознале преку работа.

Денес и во следните неколку дена се можни проблеми со циркулацијата.

Лав

Денес некои Лавови ќе влезат во конфликт со претпоставените поради разликите во ставовите и идеите.

Можно е да се заљубите, но и да страдате, бидејќи ќе мислите дека вашиот партнер не може да ги разбере вашите чувства и потреби.

Здравјето ви е променливо – можна е мала кашлица.

Девица

Денес ќе имате недоразбирање со колегите кои мислат дека сте премногу директни и искрени за нивниот вкус.

Дома избегнете сериозни дискусии, кои сигурно ќе ве доведат во конфликти со вашата сакана личност.

Недостигот на пари ве прави нервозни, но издржете уште некој ден до плата.

Вага

Желбата за промена на работното опкружување станува сè понагласена.

Слушајте ги вашите инстинкти во комуникацијата со некој сосед.

Љубовта ви се насмевнува со помлада личност – иако постои значителна разлика во возраста, ќе бидете задоволни и сполнети.

Скорпија

Некои Скорпии сериозно ќе размислат за дополнително школување или курс за дообразование.

Ако сте во искушение да влезете во тајна љубовна врска, размислете дали ќе повредите некого со тоа.

Не го прескокнувајте вежбањето – времето поминато во теретана ќе влијае добро на вашето физичко здравје.

Стрелец

Денес е особено поволен ден за работа, а напредок може да очекуваат оние што се занимаваат со уметност и хумани професии.

Повеќето Стрелци денес ќе ги очекуваат радикални промени на љубовен план.

Можни се мали проблеми со притисокот.

Јарец

Вашата енергија денес ќе ја насочите кон другите и грижата за нив, па нема да имате време за себе.

Ако сте сингл, со прифаќање на некој што е моментално пред вас, ќе си отворите нови видици и можности.

Денес не е најдобар ден за трошење пари – воздржете се.

Водолија

Денес пред вас ќе се појават некои нови деловни можности, кои ќе ви се добредојдени ако размислувате за промена на работното место.

Можно е да бидете сосема нетолерантни со партнерот, без да размислите за последиците.

Ќе се чувствувате „посилни“ – нагласено е подобрување на имунитетот.

Риби

Конечно ќе ви се зголеми ентузијазмот, ви се подобрува животната енергија, а вие ќе станете поотворени.

Искористете го овој ден за да ја подобрите комуникацијата со вашиот партнер.

Обрнете внимание колку внесувате шеќер во организмот, бидејќи е можно да имате вишок тежина, но и висок шеќер во крвта.

Евровизија 2026 во Израел доби зелено светло, но четири земји веќе најавија бојкот

Најголемиот европски музички спектакл е погоден од невидена политичка бура, која ја доведува во прашање неговата иднина. Откако Европската радиодифузна унија (ЕБУ) му даде „зелено светло“ на Израел да настапи во 2026 година, четири земји – Ирска, Шпанија, Холандија и Словенија – официјално објавија бојкот на натпреварот!

Одлуката беше донесена на Генералното собрание на ЕБУ, каде што членките не гласаа за исклучување на Израел, туку усвоија нов пакет правила за наводна „заштита на интегритетот и неутралноста“ на натпреварот. Овој маневар, кој практично го задржа Израел во игра, го предизвика гневот на неколку јавни сервиси.

Ирска (рекордерот по победи!), шпанската РТVE, холандскиот Авротрос и словенечкиот РТВСЛО го спроведуваат своето претходно ветување. Тие едногласно сметаат дека учеството на Израел, во услови на војна во Газа и хуманитарна катастрофа, е некомпатибилно со мисијата и јавните вредности на медиумите!

Холандија се огласи за нејзиното учество на Евровизија: „во сегашните околности е некомпатибилно со јавните вредности што се важни за нас“. Шпанија оди до крај, РТVE не само што се повлекува, туку најавува дека нема да ги емитува ниту финалето, ниту полуфиналните вечери во 2026 година!

Бојкотот е мотивиран од двоен фронт: хуманитарната трагедија во Газа и сериозни сомнежи за злоупотреба на Евровизија за политички цели! Јавните сервиси зборуваат за притисоци, несразмерни кампањи и нефер практики во гласањето, а новите правила на ЕБУ ги сметаат за недоволни за враќање на довербата.

Додека едни бојкотираат, други силно ја поддржуваат одлуката на ЕБУ. Германија претходно предупреди дека ќе ја преиспита својата улога ако Израел биде исклучен. Овие земји инсистираат дека натпреварот мора да остане исклучиво културна арена, осудувајќи го бојкотот како непотребно политизирање.

Со повлекувањето на четири големи земји, вклучувајќи ја и моќната Ирска, и најавата за медиумски бојкот на преносите, ова е најсериозниот потрес за Евровизија во последните децении! Наместо да ја слави својата 70-годишнина со еуфорија, натпреварот во 2026 година започнува во сенка на длабоки поделби, прашања за интегритетот на гласањето и жешка дебата – дали е воопшто можно да се одвои културата од политиката кога во позадина беснее војна?!

Магазин

Русија го забрани Snapchat – Ова се причините

Рускиот регулатор за комуникации Роскомнадзор го блокира пристапот до Snapchat, апликацијата за привремено споделување фотографии и видеа, објави државната новинска агенција РИА.

Властите наведуваат дека една од причините за забраната е наводната злоупотреба на Snapchat „за организирање и извршување терористички акти и за регрутирање сторители“ во земјата.

Оваа одлука следува по слични ограничувања на други странски технолошки платформи, вклучително FaceTime на Apple, YouTube на Google, WhatsApp и Telegram на Meta, како дел од засилената кампања на Русија против апликации за кои властите тврдат дека се користат за криминални активности.

Магазин

Четири нови животи: Тројца браќа станаа татковци во ист ден

Тројца браќа од Израел доживеале редок и емотивен момент откако нивните сопруги родиле вкупно четири бебиња во еден ден. Среќниот настан се случил во вторник во медицинскиот центар „Мајанеи Хајешуа“ во Бнеи Брак, во близина на Тел Авив.

Бебињата се родиле во интервал од неколку часа, а меѓу нив има и пар близнаци, што значи дека семејството за еден ден добило четири нови членови.

Портпаролката на болницата за германската новинска агенција ДПА го опиша повторното обединување на тројцата браќа во породилното одделение како „посебен и изненадувачки момент“.

„Никаква статистика не можеше да нè подготви за овој уникатен момент. За миг застанавме, се насмевнавме и повторно бевме трогнати од магијата што се случува тука секој ден“, рече таа.

Медицинскиот центар „Мајанеи Хајешуа“ е познат по големиот обем на работа, особено со религиозната заедница во Бнеи Брак. Статистиките покажуваат дека стапката на фертилитет во Израел е 2,9 деца по жена, што е највисока меѓу земјите членки на ОЕЦД, нагласува ДПА.