Магазин

Пет здравствени навики кои ќе ви помогнат да живеете долг и здрав живот, правете ги овие работи секој ден

Стареењето е природен процес, но начините на кои се грижите за своето тело и ум можат да направат голема разлика во вашето здравје и квалитетот на животот. Одржувањето на добрата здравствена состојба по 50-та е можно ако ги примените овие 5 клучни навики:

1. Редовна физичка активност – Движењето е клучно

По 50-та, физичката активност е основа за здраво срце и коските. Вежбањето го подобрува метаболизмот, го намалува ризикот од дијабетес и го зајакнува имунолошкиот систем. Било која активност која ја правите со задоволство – било тоа да е пешачење, пливање или јога – ќе има големи бенефити за вашето здравје. Не треба да бидете спортист, важно е да бидете редовни.

2. Здрава исхрана – Природни и нутритивни намирници

Исхраната е основен фактор во превенцијата на болести. Потрудете се да се храните со свежи, органски производи, богати со витамини и минерали. Омега-3 масните киселини кои се наоѓаат во рибата, семињата и оревите, помагаат во здравјето на мозокот и срцето. Исто така, избегнувајте преработена храна, сол и рафинирани шеќери.

3. Ментална активност – Одржувајте го мозокот во форма

Мозокот, како и мускулите, треба редовно да го тренерирате. Вежби за мозок, како решавање на укршени зборови или учење нови јазици, ја подобруваат концентрацијата и го намалуваат ризикот од деменција. Важно е да го стимулирате умот со нови предизвици и активности.

4. Добар сон – Обновете се преку квалитетен одмор

Невозможно е да го одржите здравјето ако не спиете добро. Секојдневниот квалитетен сон е основа за оптимално функционирање на сите телесни системи. Неспиењето или прекинатото спиење може да доведе до проблеми со концентрацијата, па дури и до сериозни здравствени проблеми. Поставете редовна рутина на спиење и избегнувајте стимуланси како кафе пред спиење.

5. Управување со стресот – Психичкото здравје е подеднакво важно

Долготрајниот стрес може да има сериозни последици по здравјето, особено по 50-та. Научете техники за релаксација како медитација, вежби за длабоко дишење или едноставни прошетки на природа. Разговарањето со пријатели или стручни лица исто така може да помогне да се намали стресот и да се одржи емоционалната рамнотежа.

Применувањето на овие пет навики може да ви помогне да живеете поздраво, среќно и долго, дури и по 50-та година!

Магазин

Евровизија 2026 во Израел доби зелено светло, но четири земји веќе најавија бојкот

Најголемиот европски музички спектакл е погоден од невидена политичка бура, која ја доведува во прашање неговата иднина. Откако Европската радиодифузна унија (ЕБУ) му даде „зелено светло“ на Израел да настапи во 2026 година, четири земји – Ирска, Шпанија, Холандија и Словенија – официјално објавија бојкот на натпреварот!

Одлуката беше донесена на Генералното собрание на ЕБУ, каде што членките не гласаа за исклучување на Израел, туку усвоија нов пакет правила за наводна „заштита на интегритетот и неутралноста“ на натпреварот. Овој маневар, кој практично го задржа Израел во игра, го предизвика гневот на неколку јавни сервиси.

Ирска (рекордерот по победи!), шпанската РТVE, холандскиот Авротрос и словенечкиот РТВСЛО го спроведуваат своето претходно ветување. Тие едногласно сметаат дека учеството на Израел, во услови на војна во Газа и хуманитарна катастрофа, е некомпатибилно со мисијата и јавните вредности на медиумите!

Холандија се огласи за нејзиното учество на Евровизија: „во сегашните околности е некомпатибилно со јавните вредности што се важни за нас“. Шпанија оди до крај, РТVE не само што се повлекува, туку најавува дека нема да ги емитува ниту финалето, ниту полуфиналните вечери во 2026 година!

Бојкотот е мотивиран од двоен фронт: хуманитарната трагедија во Газа и сериозни сомнежи за злоупотреба на Евровизија за политички цели! Јавните сервиси зборуваат за притисоци, несразмерни кампањи и нефер практики во гласањето, а новите правила на ЕБУ ги сметаат за недоволни за враќање на довербата.

Додека едни бојкотираат, други силно ја поддржуваат одлуката на ЕБУ. Германија претходно предупреди дека ќе ја преиспита својата улога ако Израел биде исклучен. Овие земји инсистираат дека натпреварот мора да остане исклучиво културна арена, осудувајќи го бојкотот како непотребно политизирање.

Со повлекувањето на четири големи земји, вклучувајќи ја и моќната Ирска, и најавата за медиумски бојкот на преносите, ова е најсериозниот потрес за Евровизија во последните децении! Наместо да ја слави својата 70-годишнина со еуфорија, натпреварот во 2026 година започнува во сенка на длабоки поделби, прашања за интегритетот на гласањето и жешка дебата – дали е воопшто можно да се одвои културата од политиката кога во позадина беснее војна?!

Магазин

Русија го забрани Snapchat – Ова се причините

Рускиот регулатор за комуникации Роскомнадзор го блокира пристапот до Snapchat, апликацијата за привремено споделување фотографии и видеа, објави државната новинска агенција РИА.

Властите наведуваат дека една од причините за забраната е наводната злоупотреба на Snapchat „за организирање и извршување терористички акти и за регрутирање сторители“ во земјата.

Оваа одлука следува по слични ограничувања на други странски технолошки платформи, вклучително FaceTime на Apple, YouTube на Google, WhatsApp и Telegram на Meta, како дел од засилената кампања на Русија против апликации за кои властите тврдат дека се користат за криминални активности.

Магазин

Четири нови животи: Тројца браќа станаа татковци во ист ден

Тројца браќа од Израел доживеале редок и емотивен момент откако нивните сопруги родиле вкупно четири бебиња во еден ден. Среќниот настан се случил во вторник во медицинскиот центар „Мајанеи Хајешуа“ во Бнеи Брак, во близина на Тел Авив.

Бебињата се родиле во интервал од неколку часа, а меѓу нив има и пар близнаци, што значи дека семејството за еден ден добило четири нови членови.

Портпаролката на болницата за германската новинска агенција ДПА го опиша повторното обединување на тројцата браќа во породилното одделение како „посебен и изненадувачки момент“.

„Никаква статистика не можеше да нè подготви за овој уникатен момент. За миг застанавме, се насмевнавме и повторно бевме трогнати од магијата што се случува тука секој ден“, рече таа.

Медицинскиот центар „Мајанеи Хајешуа“ е познат по големиот обем на работа, особено со религиозната заедница во Бнеи Брак. Статистиките покажуваат дека стапката на фертилитет во Израел е 2,9 деца по жена, што е највисока меѓу земјите членки на ОЕЦД, нагласува ДПА.