Скопје

Кисела Вода финансиски посилна од било кога: Инвестираме, не позајмуваме!

Градоначалникот на Кисела Вода, Орце Ѓорѓиевски, објави историски економски резултати, истакнувајќи дека 2024 година е година со највисоки капитални инвестиции и најголеми остварени приходи во историјата на општината.

За прв пат, финансиските средства на општинската сметка се значително повисоки од долговите, а Кисела Вода не позајмува – туку инвестира! Реализираните приходи во консолидираниот буџет за 2024 година се за 38% повисоки во однос на 2020 година, што изнесува 287.541.464 денари повеќе. Дополнително, општината сега ги враќа кредитите кои претходната власт ги користела во минатото.

Со рекордна реализација на капитални проекти во износ од 155.898.143 денари, без вклучени проекти што ќе завршат во 2025 година, Ѓорѓиевски нагласува дека Кисела Вода е на пат кон стабилност и раст. Некои од клучните проекти во тек вклучуваат:

📚 Изградба на Основно училиште „Климент Охридски“

👶 Доградба на детска градинка „8-ми Март“

🎓 Доградба на Основно училиште „Кирил Пејчиновиќ“

⚠️ Реконструкција на ул. „Ѓорѓи Димитров“

🛣️ Изградба на пат кон манастир „Пеленица“

🧱 Изградба на потпорни ѕидови и уредување на речното корито „Мала Рада“

„Ги срушивме старите лоши навики на непланирани трошења и создадовме модел на развој кој гарантира стабилност и просперитет. Нашиот народ заслужува општина која не само што не позајмува, туку и создава нови можности за подобар живот“, истакна Ѓорѓиевски.

Со рекордни капитални инвестиции, скратени непродуктивни расходи и зголемени приходи, буџетот за 2025 година ќе донесе уште повеќе проекти, субвенции и финансиска стабилност за жителите на Кисела Вода.

Скопје

Скопската железничка станица се враќа во живот по две децении

Еден од приоритетите на новата влада е вложувањето во инфраструктурата, вклучително и железничкиот сообраќај, како товарен така и патнички. Покрај набавката на нови локомотиви и вагони, значајна инвестиција е обновата на железничката станица во Скопје, која ќе ја врати својата функција од пред 15-20 години, кога објектот се руинираше и стана нефункционален.

Почна чистењето и средувањето на станицата, информираше директорот на Железница Инфраструктура, Синиша Ивановски. „Со цел враќање на автентичниот изглед на станицата, започнавме со отстранување на сите билборди, светлосни реклами и други информативни панели кои години наназад го нарушуваа изгледот на објектот“, напиша Ивановски на својата Фејсбук страница и им се заблагодари на компаниите кои се согласиле да ги тргнат билбордите.

Проектот ќе се реализира во фази и ќе заврши со генерално чистење на надворешниот изглед на станицата и поставување соодветна илуминација.

Скопје

Започна редизајнот на железничката станица во Скопје

Скопје – Почна чистењето и средувањето на железничката станица во Скопје, информираше директорот на Железница Инфраструктура, Синиша Ивановски.

„Со цел враќање на автентичниот изглед на станицата, започнавме со отстранување на сите билборди, светлосни реклами и други информативни панели кои години наназад го нарушуваа изгледот на објектот“, напиша Ивановски на својата Фејсбук страница. Тој им се заблагодари на компаниите кои се согласиле да ги тргнат билбордите.

Проектот ќе се одвива во фази и ќе заврши со генерално чистење на надворешниот изглед на станицата и поставување соодветна илуминација, посочи директорот.

Скопје

Голем дефект на „Крсте Мисирков“ – утре без вода клучни институции и делови од центарот на Скопје

Утре од 7 часот наутро значаен дел од централното градско подрачје ќе остане без вода поради дефект на водоводната линија на булевар „Крсте Мисирков“, соопшти ЈП „Водовод и канализација“ – Скопје.

Прекинот ќе ги опфати објектите на МАНУ, Основен суд 2, Младинскиот културен центар, Универзитетската библиотека „Св. Климент Охридски“, Универзитетот „Св. Кирил и Методиј“, трговскиот центар „Мавровка“, делови од Старата скопска чаршија, Саат-кулата, улицата „Отокар Кершовани“, Адвокатската улица и дел од булевар „Крсте Мисирков“.

Од претпријатието информираат дека екипите ќе работат интензивно на терен и дека водоснабдувањето ќе биде вратено веднаш по отстранување на дефектот.