Како да подготвите совршен грав – без потопување преку ноќ

Без разлика дали повеќе преферирате чорбест грав или пак традиционално гравче тавче, едно е сигурно – гравот останува едно од најомилените јадења во македонската кујна.

Самото готвење на гравот не е нешто комплицирано, но подготовката пред термичката обработка знае да одземе време – особено ако се држите до класичниот метод со потопување преку ноќ. Но, постојат практични трикови кои го скратуваат целиот процес, без да го жртвуваат вкусот.

Трикот на искусните домаќинки

Ако немате време да го потопите гравот од претходниот ден, а сакате брз ручек или подготовка за слава – следете ги советите на искусните домаќинки.

Во голем сад ставете ја потребната количина грав и прелијте со вода. Промешајте и веднаш отстранете ги зрната што ќе испливаат на површината – тие се оштетени и нема да се сварат како што треба.

Потоа, ставете го гравот да зоврие, па прецедете ја водата, исперете го и повторно налејте свежа вода. Оставете повторно да зоврие, па тргнете го од оган, поклопете и оставете го така околу 40 минути. За тоа време, гравот ќе набабри – речиси исто како да сте го оставиле во вода цела ноќ.

По ова, повторно го прецедувате, налевате нова вода и го враќате на оган да продолжи со варење.

Мал совет за побрзо варење

Важно е да не го солите гравот додека се вари – солта го забавува процесот и може да му треба двојно повеќе време да омекне. Најдобро е да го посолите само пет минути пред крајот на варењето.

Откако ќе биде сварен, можете да подготвите гравче тавче, или да додадете суво месо за побогат вкус. Зачините секогаш додавајте ги пред крајот, за да не ги изгубат аромата и силата во текот на долгото варење.

Државата повеќе од пет години пензиите наместо на петнаесети како што беше пред една деценија пензиите ги исплаќа точно на први, па така априлската пензија на сметките на пензионерите може да се очекува на 2 мај 2025.

Три банки одлучија предвреме да ги исплатат пензиите. Нивните фејсбук статуси ви ги пренесуваме во целост.

Фејсбук статус на НЛБ Банка

ИЗВЕСТУВАЊЕ ЗА ИСПЛАТЕНА ПЕНЗИЈА ЗА МЕСЕЦ АПРИЛ

Почитувани пензионери,

Ве известуваме дека вашите пензии се исплатени и вашите средства можете да ги користите уште веднаш. 

Ве советуваме, вашето ценето време да го заштедите преку користење на мрежата на банкомати, поголемо користење на безготовински плаќања во продажната мрежа или преку електронско и мобилно банкарство. 

Пензијата можете да ја подигнете и во експозитурите на нашата Банка.

Со почит, Ваша НЛБ Банка

ФБ статус на ХАЛК БАНКА:

Драги пензионери,

Пензиите се исплатени! Од денес 29.04.2025, вашите средства се достапни на вашите сметки во сите филијали на Халкбанк, на банкоматите и преку електронско и мобилно банкарство.

Доколку сте дале согласност, можете да ги подигнете и во поштенските единици на Пошта на Северна Македонија.

Со почит, Халкбанк АД Скопје

И Комерцијална Банка одлучи предпразнично да ги исплати пензиите.

ФБ статус на Комерцијална банка:

Комерцијална банка ќе започне со исплата на пензиите за април од среда, 30.04.2025 година.

Пензионерите кои имаат активна дебитна картичка со својата пензија ќе може да располагаат од 30.04.2025 година и ќе може да ја подигнат на банкомат или да ја користат за безготовинско плаќање низ трговската мрежа.

Пензионерите кои не користат дебитна картичка, пензијата од 30.04.2025 година ќе може да ја подигнат во широката мрежа на експозитури и филијали на Банката од понеделник до петок, а секако и во сабота, кога филијалите на Банката низ целата земја и дел од експозитурите во Скопје работат од 9 до 12 часот.

Дали сте знаеле дека лубеницата не е само освежителна летна закуска, туку вистинска супер-храна што може целосно да ви го промени телото и расположението?

Можеби звучи неверојатно, но научниците и нутриционистите се согласуваат – лубеницата треба да биде дел од вашето дневно мени! Еве зошто:

1. Го чисти телото од токсини

Лубеницата е природен диуретик! Благодарение на нејзиниот висок процент на вода (над 90%), таа помага во елиминирање на токсините и вишокот на течности од телото. Заборавете на скапите детокс програми – лубеницата е тука!

2. Го подобрува здравјето на срцето

Ова овошје е полно со ликопен, моќен антиоксиданс кој го намалува ризикот од срцеви заболувања. Редовната консумација на лубеница може да го регулира крвниот притисок и да го зајакне кардиоваскуларниот систем.

3. Го зголемува либидото?!

Да, добро прочитавте! Лубеницата содржи цитрулин, аминокиселина што ја подобрува циркулацијата и делува слично како Виагра. Не е чудо што некои ја нарекуваат „природен љубовен еликсир“!

4. Ја подобрува кожата и косата – природен ботокс?

Витамините А и Ц што ги има во лубеницата ја хидрираат кожата и ја прават поеластична, а истовремено го стимулираат растот на косата. Заборавете на скапи креми – доволно е да јадете неколку парчиња лубеница секој ден!

5. Совршена за слабеење

Лубеницата е нискокалорична, а истовремено заситува. Идеална е како ужинка ако сакате да ја контролирате телесната тежина, без да се чувствувате гладни.

Совет плус: Јадете ја лубеницата со малку сол или лимон за дополнителни здравствени бенефити и уникатен вкус!