Овен

Денешниот ден може да донесе контакт со личност од минатото која може да биде клучна за некоја нова идеја или проект. Ако сте во врска, можно е да се отворат прашања околу важни ставови или вредности. Ќе се чувствувате стабилно и енергично.

Бик

Обврските се насобираат – дел и од порано, дел сосема нови – но вие сте навикнати на теретот. Ако сте започнале ново познанство, немојте да губите фокус – трпението и вниманието ќе ве однесат подалеку отколку што мислите.

Близнаци

Самодовербата денес ве води кон иницијатива и нови идеи. Ова е ден кога поддршката од вистинските луѓе може да направи огромна разлика. Во љубовта, важно е да се прилагодите и да покажете разбирање за другата страна.

Рак

Комуникацијата ви оди од рака и денот може да биде особено продуктивен. Ако сте заљубени – време е за конкретен потег. Нема место за чекање или калкулации, следете го срцето.

Лав

Неделата почнува со многу обврски, а вие – како и секогаш – сакате сè да биде под контрола. Но, денес размислете двапати пред да реагирате импулсивно. Бидете тактични, особено во приватниот живот.

Девица

Можеби ќе се соочите со мали проблеми при договарање или комуникација, но имате сила и трпение сè да заврши во ваша полза. Без потреба од форсирање – поминете го денот мирно, во друштво на саканите.

Вага

Се отвораат нови можности – и за проширување на тековните проекти, и за целосно нови иницијативи. Не очекувајте лесен пат, но резултатот ќе вреди. Емоционалниот дел е стабилен, што ви дава дополнителна сила.

Шкорпија

Бидете претпазливи со новите деловни договори – не преземајте повеќе отколку што можете да носите. Во љубовта, денот ќе помине без значителни промени – што не мора да биде лошо, напротив. Понекогаш, мирот е најголемиот подарок.

Стрелец

Иако не започна според планот, денот ќе ви покаже дека сте на прав пат. Ентузијазмот ќе ве турка напред. Во врската, намалете го темпото и дајте време на блиските – токму тие ви се најголем извор на сила.

Јарец

Некои работи може да се одвиваат побавно од очекуваното, но вие знаете дека стабилноста се гради со трпение. Бидете внимателни со распоредот и емоциите на блиските – особено ако сакате хармонија да преовладува во денот.

Водолија

Можно е да се променат некои од навиките или пристапот во работата – но не гледајте на тоа како на закана, туку како на прилика. Во љубовта, денес имате шанса да изградите цврста врска преку искрена комуникација.

Риби

Денот е малку нестабилен, со можни доцнења или промени во плановите, но тоа не е причина да се повлечете. Друштвениот живот ви носи интересни моменти – време е за нови познанства и свежа енергија. Излезете и вдишете слободно.

Девијација на носот – проблем што го имаат повеќето луѓе, но малкумина го решаваат

Повеќе од 80 отсто од луѓето на планетата имаат одреден степен на девијација на носната преграда, а многумина, поради страв од операција, со години трпат здравствени проблеми. Наместо да го решат основниот проблем, тие се потпираат на лекови што даваат само привремено олеснување.

Можеби цел живот дишете неправилно, а тоа ни не го знаете?

Честите настинки, хронична замореност, проблеми со спиење, рчење или постојана затнатост на носот – сите овие симптоми може да бидат последица токму на девијацијата.

За оваа тема, за српската ТВ Прва зборуваа пациентката Бојана Костиќ, која неодамна ја направила операцијата на носната преграда, и проф. д-р Иван Баљошевиќ, специјалист по оториноларингологија.

Искуство од прва рака

– На операцијата се решив првенствено поради здравствени причини. Имав потешкотии со дишењето, кое ми го попречуваше искривената преграда. Се беше изведено одлично, без компликации, и дури и постоперативниот тек – кој сè уште трае – минува многу добро – изјави Костиќ, додавајќи дека на сите што имаат слични проблеми би им препорачала да не одложуваат и да направат корекција.

Како самите да препознаете симптоми?

Проф. д-р Баљошевиќ објаснува дека носната празнина е поделена со септум – преграда која ретко кај кого е сосема права.

– Девијацијата претставува искривување на оваа преграда во левата или десната страна. Над 80% од луѓето имаат одреден степен на девијација, што може повеќе или помалку да им пречи – вели тој.

Интересно е и тоа што, според докторот, човекот никогаш не дише рамномерно на двете ноздри.

Функцијата на носот – многу повеќе од само дишење

– Носот има задача да го филтрира воздухот што го внесуваме. На влезот има влакненца, а внатре милиони мали трепки кои го прочистуваат и загреваат воздухот. Без разлика дали надворешната температура е +40 или -20, кога ќе стигне до белите дробови, воздухот е веќе соодветен на телесната температура – објаснува проф. Баљошевиќ.

Девијацијата не е само естетски проблем, туку здравствен – кој, за среќа, има решение.

Не е лошо да се знае: Дали ѕвездите имаат врска со ненадејните прекини во врската?

Понекогаш мислиме дека сме ја пронашле „вистинската личност“ – онаа со која ќе го поминеме остатокот од животот. Но, реалноста знае да нè изненади со ненадеен крај на врската. Иако има многу фактори, можеби дел од одговорот лежи и – во нивниот хороскопски знак.

Лав

Лавовите се познати по тоа што обожаваат да бидат заљубени и немаат проблем јавно да го покажуваат своето восхитување кон партнерот. Но, како што објаснува астрологот и духовен тренер Тара Бенет, нивната страст не секогаш веднаш се претвора во вистинска љубов.

„Да се врзеш за Лав пред да созрее љубовта е како да играш со оган“, вели таа. Иако ретко изневеруваат, Лавовите се способни да продолжат понатаму одеднаш – и без предупредување.

Астрологот Инбаал Хонигман ги опишува како горделиви, самоуверени и со силна потреба сè да изгледа совршено. Доколку не се вклопуваш во нивната визија – веројатно нема да останеш покрај нив. Сепак, кога ќе им се даде време, врската со Лав може да биде топло и стабилно партнерство.

Шкорпија

Кај Шкорпиите, сè е интензивно – и љубовта и прекините. Во својата најекстремна форма, тие можат да бидат вешти манипулатори. Иако се лојални, знаат да изневерат ако почувствуваат дека не се задоволени – особено на сексуален план.

Со силен сексуален набој и природна таинственост, тие се тешки за вистинско запознавање. Контролата и длабоката емоционалност се нивниот штит, но ако успееш да им се доближиш, Шкорпијата станува неверојатно посветен партнер. Оние кои ќе ја добијат нивната доверба, добиваат и љубов што може да трае цел живот.

Водолија

Водолиите се познати по тоа што размислуваат надвор од кутијата. Но, тие исто така се и емоционално дистанцирани кога нешто не оди како што сакаат. Иако уживаат во удобноста на врска, еден погрешен потег е доволен да си заминат без двоумење.

„Ако еднаш поверуваат дека ќе им биде подобро без вас – ќе си заминат“, предупредува Бенет. Водолиите се бунтовни по природа, не сакаат да бидат предизвикани и сакаат работите да ги прават по свое. Дури и ако тоа значи ненадеен крај на долга врска – тие нема да се двоумат.