Министерката за финансии Гордана Димитриеска-Кочовска соопшти дека покрај зголемената наплата на приходите, има покачување и на наплатата кај даночните приходи. Според неа, реализацијата на капиталните расходи се одвива согласно планираното, а со оглед дека Владата е фокусирана на инфраструктурните проекти, во периодот што следи, може да се очекува поголема реализација на капиталните инвестиции.

Потсетувајќи дека има нова методологија за евидентирање на капиталните расходи, Димитриеска Кочовска напомена дека нема да дозволи вештачко прикажување на капиталните приходи само колку да се покаже пред граѓаните дека наводно нешто се работи.

Има поголема наплата кај даночните приходи, наплаќаме дивиденди од оние институции кои имале добри резултати во 2023 година. Реализацијата на капиталните расходи се одвива согласно планираното, во јануари и февруари веројатноста дека ќе има голема реализација е минимална. Очекувајте во периодот што следи да има поголема реализација на капиталните расходи,истакна Димитриеска Кочовска, одговорајќи на новинарски прашања по одбележувањето на Денот на Царинската управа.

Таа потсети дека има нова методологија во делот на евидентирање на капиталните расходи со податоци за исплатените гаранции во име на некои од јавните претпријатија и акционерски друштва кои во минатото биле евидентирани како капитални расходи.

Како резултат на тоа имавте вештачка слика во однос на тоа што се случува. Денес не ги евидентираме како капитални расходи, туку одат под линијата, долу и како резултат на тоа ќе видите дека кога би ги вратиле во евиденција над линија, имаме поголема реализација во однос на изминатиот период што значи дека имаме реално поголема реализација во однос на претходната година од она што значи реална имплемнетација на капитален проект. Не зборуваме за аванси, плаќање гаранции за акционерски друштва,…, се е тоа под линијата. Кога ќе ги споредите податоците ќе видите дека имаме многу подобра реализација. Нема да дозволам како што беше во минатото, вештачки да ги прикажуваме капиталните приходи само колку да покажеме пред граѓаните дека нешто работиме, а во суштина во изминатите седум гопдини ако излезевме на терен, ќе видевме дека реализација на каков било проект не ни постоеше, речиси е нула,потенцира министерката. 

Полнењето на државната каса се одвива подобро од планираното. Извршувањето на буџетот оди според очекувањата. Биле собрани повеќе приходи во март и април споредено со првите два мееци од годинава. Министерката за финансии Димитриеска- Кочоска вели дека треба да се почекаат финалните извештаи, но дека се прваат напори да се анализира поврзаност на компании, да се зголеми присилната наплата, да се наплатат дивидендите и во крајна мера, вкупно да се зголемат даночните приходи. Министерката уверува дека особено добри биле финансиските резултати за тековниот месец април.

Институциите успеале да реализираат 73 милиони евра или 10% од вкупно предвидените годишни капитални инвестиции до 8-ми април годинава. Министерката Димитриеска-Кочоска вели дека климатските услови биле неповолни за одвивање на инфраструктурните проекти. Ветува дека граѓаните повеќе ќе немаат вештачка слика за реализација на капиталните проекти. Како завршени повеќе нема да се евидентираат платени аванси и гаранции, бидејќи тоа не било градење и обнова, туку вештачко прикажување дека се сработило повеќе од реалното.

Министерката е задоволна од полнењето на државната каса по основ на царини. Во врска со проблемот со наметнатите поголеми царински стапки од страна на САД и нивното стопирање во период од 90 дена, Димитриеска – Кочоска вели дека тоа е шанса за Македонија директно да извезува таму. 10% царини е нешто што е прифатливо за најголем дел од државите. Следната недела Министерката ќе оди на редовните пролетни средби со Светска Банка и ММФ во Вашинтон, кадешто ќе ја искористи приликата да преговара со челниците за олеснување на трговската размена.

Скопје, 14 април 2025 година – Македонската берза го заврши денешното тргување со вкупен промет од 15.650.812 денари. Индексот МБИ10 забележа пад од 0,81%, достигнувајќи вредност од 10.277,47 поени.

Динамика на тргување и пазарни движења

Денешното тргување беше умерено и главно насочено кон официјалниот пазар. Водечкиот индекс МБИ10 забележа пад како резултат на негативното движење кај неколку клучни компании, меѓу кои најголем пад забележа Стопанска банка Скопје. Пазарот на обврзници остана непроменет и без нови трансакции.

Најтргувани акции

1. Комерцијална банка АД Скопје (KMB) – промет од 6.658.790 денари, последна цена 28.700 денари, промена од +0,07%

2. Алкалоид АД Скопје (ALK) – промет од 2.710.320 денари, последна цена 27.350 денари, промена од -0,62%

3. Макпетрол АД Скопје (MPT) – промет од 2.051.880 денари, последна цена 101.600 денари, промена од -1,98%

Најголеми добитници

1. Макстил АД Скопје (STIL) – пораст од +2,61%, последна цена 135 денари

2. Шпаркасе банка Македонија АД Скопје (SPB) – пораст од +0,64%, последна цена 4.250 денари

3. Комерцијална банка АД Скопје (KMB) – пораст од +0,07%, последна цена 28.700 денари

Најголеми губитници

1. Стопанска банка АД Скопје (STB) – пад од -5,63%, последна цена 2.400 денари

2. Тетекс АД Тетово (TNB) – пад од -2,97%, последна цена 2.448 денари

3. Макпетрол АД Скопје (MPT) – пад од -1,98%, последна цена 101.600 денари

Обврзнички пазар

Индексот ОМБ остана непроменет, задржувајќи се на нивото од 124,81 поени. Не беа реализирани нови трансакции со државни, конвертибилни или корпоративни обврзници.

Тргувањето на берзата на 14 април 2025 беше проследено со опаѓачки тренд на индексот МБИ10, со најголем притисок од падот на акциите на Стопанска банка. И покрај тоа, некои хартии од вредност како Макстил и Шпаркасе покажаа позитивен импулс. Пазарната динамика останува умерена, а обврзничкиот сегмент продолжува со слаба активност. 

Овој извештај е подготвен врз основа на официјалните податоци од Македонска берза, а е изготвен од Илирика Инвестментс АД Скопје.