Во Македонија бројот на корисници на водечката светска платформа за размена на криптовалути Binance е за 40 отсто повисок во споредба со 2023 година, а околу 11 проценти од македонската популација се корисници на крипто валути. 

Ова беше соопштено вчера во Скопје, во преполната сала на собирот за вмрежување што го организираше Binance, каде што присуствуваа повеќе од 400 луѓе заинтересирани да се сретнат со претставниците на Binance, да научат нешто повеќе за криптовалутите, да ги истражат најновите трендови во индустријата и да разговараат за иднината на дигиталните средства. 

„Успехот на Binance не беше ништо помалку од магија. Нашиот екосистем расте и горди сме што сме ја имаме довербата од корисници низ целата планета. Воедно, сметам дека е извонредно тоа што македонските граѓани одлично го разбираат криптото, особено ако се спореди со одредени држави од регионот“, изјави Сандро Слукан, маркетинг лидер во Binance.

Полина Бротиер, маркетинг менаџер во Binance, пред присутните го претстави eкосистемот на платформата за тргување, a акцент беше ставен и на тоа дека нивни топ приоритети се безбедноста и транспарентноста.

„Постојано организираме тренинзи, а фокусирани сме и на донаторски проекти, како на пример за поплавите во Босна и Херцеговина, за Украина беа изработени специјални крипто картички од Binance, помагавме и кога се случуваа поплавите во Италија. Освен што помагаме на многу луѓе во многу држави, се фокусираме и на едукативниот дел, преку формирање на Академијата Binance, која овозможува бесплатна и локална едукација за блокчејн технологијата. Таму се објавени 800 написи на 31 јазик, а корисниците имаат пристап и до бесплатни видео курсеви “, изјави Бротиер. 

На големиот собир беше претставена и Angels програмата, каде што можеа да се слушнат и сведоштва од корисници во однос на вмрежувањето, организирањето тренинзи, настани и вебинари кои овозможуваат корисниците да го продлабочат своето знаење за берзата за размена на криптовалути. 

Стотиците учесници на собирот воедно имаа можност да учествуваат во наградна игра и да го тестираат своето знаење за Binance, како и можност да разговaраат со претставниците на најголемата платформа за тргување со криптовалути. 

Вчерашниот собир беше уникатна можност на едно место да се соберат крипто-ентузијастите, експертите од оваа индустрија и инвеститорите заинтересирани за дигиталните средства и за блокчејн технологијата.

Според годишниот извештај на Binance за 2024 година, платформата има над 260 милиони регистрирани корисници до крајот на годината, што ја истакнува значајната експанзија и популарност на оваа платформа во криптоиндустријата.​

Електричните машини за урбана хигиена на БРАКО беа изложени на големиот саем Експо Резидуос 2025 (Expo Residuos) кој се одржа во главниот град на Мексико од 25 до 27 март. Застапникот на Грин Машинс, мексиканската компанија Мегамил, и претставниците на фирмата-ќерка на Грин Машинс во Калифорнија, САД,  во прв план ги понудија електричните компактни машини од моделот 400ze,  кои се управуваат рачно и овозможуваат чистење на пешачки површини, паркови, градски јадра, трговски центри, аеродроми и сл., притоа нула бучава и со нула загадување на околината. Изложен беше и моделот 636 на класичен погон, кој е многу баран на мексиканскиот пазар.

Саемот во Мексико Сити се одржува по осми пат и претставува најголем настан во земјата за вмрежување на сите субјекти во индустријата за јавно чистење и постигнување циркуларна економија во собирање, управување, уништување или рециклирање на отпад.

Инаку, Грин Машинс на БРАКО неодамна го извади на пазарот најновото, деветто возило за чистење, електричниот 720ze, за кој производителот очекува да биде многу баран поради неколку предности во својата категорија, пред се, постигнувањето значајно поголем капацитет на контејнерот, а вкупна тежина под 3,5 тони, што прави да може да биде управуван со возачка дозвола Б-категорија, во услови кога општините и комуналните претпријатија се потешко наоѓаат возачи со повисока категорија за управување на поголемите возила за чистење.

Според најновите податоци од Индексот за економска политичка несигурност, глобалната неизвесност повторно е во пораст и достигнува еден од највисоките нивоа во 2025 година. Индексот, кој ги следи 21-те најголеми економии во светот според БДП, покажува дека економската политика станува сè понепредвидлива, со сериозни последици врз глобалната стабилност.

Најновиот пик е поврзан со нови трговски тарифи воведени од страна на САД, што предизвика силна реакција на пазарите и зголемен страв од нови економски конфликти. Ова е само последниот во низата настани што предизвикуваат глобална нестабилност, покрај пандемијата од COVID-19 во 2020, изборот на Доналд Трамп во 2016, светската финансиска криза во 2008, дот-ком балонoт во 2001 и азиската финансиска криза во 1998 година.

Индексот покажува остар пораст секогаш кога има геополитички тензии, големи избори или глобални здравствени и економски шокови. Тоа е сигнал дека пазарите и инвеститорите стануваат сè почувствителни на политичките одлуки и глобалните настани.

Овие податоци ги потенцираат предизвиците со кои се соочуваат креаторите на политики и укажуваат на потребата од поголема транспарентност, координација и предвидливост во глобалната економија.