Одделението за прекуграничен криминал, миграции, странци и реадмисија Гевгелија поднесе кривична пријава против Д.Т. (32), У.К. (24), Л.А. и В.Т. (50), сите од Гевгелија, поради постоење основи на сомнение за сторено кривично дело „криумчарење мигранти“.

На 17 април во својство на водач, првопријавениот на подрачјето на Гевгелија прифатил четири лица мигранти, од кои едно дете од Кина и ги предал на второпријавениот.

Додека, третопријавената, мајка на првопријавениот, за време на извршувањето на кривичното дело по телефон им давала информации за движењето на полициските патроли.

Од судија на претходна постапка од Основен кривичен суд Скопје на првопријавениот и второпријавениот им е изречена мерка притвор во траење од 30 дена и на третопријавената мерка домашен притвор во траење од 30 дена.

Триесет и четиригодишен прилепчанец со иницијали А. Е. е лицето кое вчера попладне починало од удар од гром во селото Мажучиште, информираат од Министерството за внатрешни работи (МВР).

Тој бил пронајден кај местото Кисела Вода во атарот на селото, по што на местото интервенирала екипа на Итната медицинска помош, која констатирала смрт.

Телото на загинатиот во вчерашнатапрестрелка на Бит Пазар е предадено на обдукција, а од лице место прибрани се траги кои ќе бидат предмет на вештачење.

Основното јавно обвинителство соопшти дека извршен е увид на местото на вчерашната вооружена престрелка. 

– По наредба на јавен обвинител се обезбедуваат снимки од видео надзор од околните објекти. Се издаваат сите потребни наредби и насоки за идентификација на инволвираните и целосно расчистување на настанот, велат од ОЈО.