Утрово се вршат апсења низ Скопје. Според неофицијални информации, апсењата се на поранешни и сегашни вработени во затвори кои работеле на црно и биле дел од организирана криминална мрежа.
Неофицијално, меѓу осомничените е и поранешниот директор на затворот „Шутка“, Филип Андонов-Сокол и бившиот заповедник во затворот. За првопријавениот Андов и второпријавениот Сашко Крстевски-„Зверот“, постојат основи на сомнение од Кривичниот законик: член 353 Злоупотреба на службената положба и овластување; Член 372: Спречување на бегство на лице лишено од слобода и член 373: Спречување на законско ослободување на лице лишено од слобода, с.в. Член 22 Соизвршување.
Лицата опфатени со оваа акција се сомничат за злоупотреба на службената положба и овластување. Засега од МВР нема официјална потврда.
Според Управата за извршување на санкции, отворена е истрага за злоупотреби во „Шутка“ со која се опфатени повеќе затворски полицајци, надзорници, но и дел од поранешното раководство на затворот.
Андов пред да биде именуван за директор на затворот „Шутка“ во 2020 година му беше советник на екс-премиерот Зоран Заев за креирање политики кои се од посебен интерес за граѓаните на Град Скопје.
