Црна Хроника

Седумдесет и петгодишен пешак загина во сообраќајката што вчеравечер се случи на патот Битола – Прилеп

„Пешакот починал на самото место на несреќата откако бил удрен од товарно моторно возило со скопски регистарски таблички. Наредена е обдукција на починатото лице“, изјави обвинителот Стевчо Биноски, кој изврши увид на несреќата, пренесува МИА

Седумдесет и петгодишен жител на прилепското село Беровци е жртвата во синоќешната сообраќајна несреќа што се случи на регионалниот пат Битола – Прилеп кај местото викано „Беровци“ во близина на бензинската пумпа на „Макпетрол“, информира МИА.

Јавниот обвинител Стевчо Биноски, кој извршил увид на местото на несреќата, во изјава за МИА, посочи дека сообраќајката се случила вчеравечер околу 20 часот.

„Пешакот починал на самото место на несреќата откако бил удрен од товарно моторно возило со скопски регистарски таблички. Наредена е обдукција на починатото лице“, изјави обвинителот.

Увид на сообраќајната несреќа е направен од страна на прилепската полиција.

Поради сообраќајката, вчеравечер оваа делница беше затворена, а возилата се пренасочуваа по стариот пат.

Од утрово е нормализиран сообраќајот на овој патен правец.

Црна Хроника

Лажел дека е туристички агент и украл 6.080 евра

Кривична пријава за измама поднел СВР Куманово против Е.Б.(33) од Куманово.

Како што соопшти полицијата, тој се претставил како вработен во туристичка агенција во Куманово и на измама од едно лице, за резервација за летување за две семејства во Турција, зел 373 890 денари (6.080 евра), соопшти СВР Куманово.

Црна Хроника

Кривична за багеристот што го остави Тетово без струја

СВР Тетово поднесе кривична пријава против Б.А. (44) од с. Боговиње, како и против Ф.А. (45) од с. Боговиње, управител на правен субјект, товарејќи ги за сторено кривично дело „уништување или оштетување на јавни инсталации“.

На 29 септември, првопријавениот во дворот од Клиничка болница Тетово, додека работел со багер во сопственост на правното лице, оштетил електрични кабли за струја, по што, голем дел од градот Тетово останал без електрична енергија.

Црна Хроника

Интервентната полиција приведе тежок криминалец – МВР со детали

Лишено од слобода лице барано со потерница за издржување казна затвор

Денеска (18.12.2025) во 16:30 часот полициски службеници од Единицата за интервентна полиција при СВР Скопје по издадена судска наредба го лишија од слобода Е.Т. (26) од Скопје во врска со сторено кривично дело “Тешка кражба” за издржување на казна затвор во времетраење од три години.

По целосно документирање на случајот лицето ќе биде предадено во казнено-поправна установа.