Светлана Колариќ, претседателка на Советот на Општина Кисела Вода од редовите на ВМРО-ДПМНЕ, во интервју за порталот „Локално“ потврди дека партијата спроведува анкети за избор на предлог-кандидат за градоначалник на општината, но одби да навлезе во детали за можните имиња. Таа потенцираше дека одлуката ќе биде донесена по темелна анализа и консултација со сите засегнати страни, и изрази уверување дека кандидатот ќе биде избран според принципите на посветеност, одговорност и чесност.

Иако Колариќ изрази пофалби за актуелниот градоначалник Орце Ѓорѓиевски и истакна дека токму тој ги подигнал стандардите за функционирање на локалната самоуправа, таа не потврди дали тој ќе се кандидира повторно за Кисела Вода. Изостанувањето на директен одговор го остава отворено прашањето за неговите идни чекори, особено имајќи предвид дека Ѓорѓиевски се споменува како можен кандидат за градоначалник на Град Скопје.

„Не би сакала да одговорам на прашање за кое не сум надлежна – за тоа одлучува Извршниот комитет на партијата. Во улога на претседател на Советот, кој се грижи за координација и организација на седниците на комисиите и Советот на Општината, можам да истакнам дека соработката со сите членови на Советот – претставници од коалициските партнери и од опозициските партии – се одвива на највисоко професионално ниво“, децидна е Колариќ.

Во контекст на подготовките за локалните избори, Колариќ нагласи дека сите опции се разгледуваат, но одлуките за кандидатури и коалиции ги носи исклучиво Извршниот комитет на партијата. Таа додаде дека без оглед кој ќе биде избран, ВМРО-ДПМНЕ ќе понуди силен кандидат кој ќе продолжи со развојот на Кисела Вода, и најави уверена победа на претстојните избори.

247 санкционирани возачи денеска во Скопје, еден возач лишен од слобода за безобзирно возење.

Денеска (13.04.2025) од страна на Одделението за безбедност на патниот сообраќај при СВР Скопје во периодот од 12.00 до 16.00 часот беше спроведена засилена сообраќајна контрола по Оперативната акција “Безбеден сообраќај”. При тоа за време на сообраќајната контрола акцентот беше ставен на учесниците во сообраќајот кои управуваат мотоцикли и велосипеди со помошен мотор.

За време на контролата беа контролирани вкупно 1.020 возила, при што биле преземени мерки против 247 учесници во сообраќајот. За безобзирно возење по чл.297 А од кривичниот законик лишено е едно лице од слобода, за возење со брзина поголема од дозволената санкционирани се 53 возачи, 33 мерки за возење без возачка дозвола.

Изречени се 10 мерки за нерегистрирани возила, а санкционирани се и 62 возачи за управување мотоцикл без заштитна кацига, а изречени се 18 мерки за возачи кои управувале возило со несоодветна категорија, пет возачи возеле без возачка потврда, а санкциинирани се и 66 останати учесници во сообраќајот.

Привремено биле одземени три нерегистрирани возила, од кои два мотоцикли и едно патничко возило, а привремено биле одземени под сомнение за техничка исправност две возила, од кои еден мотоцикл и едно патничко возило.

Акциските контроли во рамки на оперативната акција ќе продолжат и во наредниот период со засилен интензитет. Апелираме до сите учесници во сообраќајот да ги почитуваат сообраќајните правила и прописи и со тоа да придонесеме за побезбедни патишта.

На 12.04.2025 година во 22.00 часот во СВР Скопје, С.Б.(30) од Скопје пријавила дека истиот ден околу 17.30 часот во двор од куќа на подрачјето на Бит Пазар, нејзиниот малолетен син додека играл фудбал со другарчиња, удрил со топка повозрасна жена, која потоа физички го нападнала со метална шипка, нанесувајќи му повреда на главата. Се преземаат мерки за расчистување на случајот.