Моли Ава е фитнес инструкторка која редовно се труди да ја прикаже реалноста на женското тело на социјалните мрежи, без филтри и без позите кои ги сокриваат сите недостатоци.
Моли Ава се обидува да покаже како многу често инстаграм е едно, а вистинскиот живот нешто сосема друго, па кога ќе ја видите најзгодната девојка без ниту еден недостаток, не мора да значи дека таа навистина изгледа така.
„Ова е неделна доза на реалност“, напиша таа во описот на објавата во која ја споредува својата фигура кога позира за на инстаграм и кога опуштено одмара дома.
Нејзиниот потег предизвика воодушевување, особено денес кога сме сведоци на бројни искривени идеали на женската убавина, а многу девојки изгубиле самопочит токму поради тоа што гледаат совршени објави на социјалните мрежи.
„Тие фотографии што ги гледате се само еден дел, избрани од стотина неуспешни. Ние сме само луѓе, почитувајте се себе“, напиша таа.
Сите ја гледаме згодната девојка во градот како носи кратки фустани, но не ја гледаме како изгледа додека се подготвува. И тоа, помеѓу другото, го истакна Моли.
