Екс-премиерот на Бугарија и лидер на владејачката партија ГЕРБ, Бојко Борисов, смета дека НАТО без учеството на САД е многу слаба организација. Во изјавата пред самитот во Лондон, на кој Бугарија не беше поканета, Борисов нагласи дека Европа се наоѓа во сложена ситуација.
Тој верува дека, иако имаат различни ставови, американскиот претседател Доналд Трамп и претседателката на Европската комисија, Урсула Фон Дер Лајен, ќе успеат да најдат заеднички јазик за продолжување на стратешкото партнерство, бидејќи без Америка, НАТО ќе биде многу многу слаба организација.
Борисов исто така изрази очекување дека новата европска политика за Украина ќе доведе до зголемување на буџетите за одбрана. Тој посочи дека ЕУ треба да дозволи дополнителните средства за оружје да не се сметаат како дел од буџетскиот дефицит според правилата на Унијата.
Според Борисов, новата геополитичка ситуација ќе има влијание и на социо-економските услови во земјите-членки на ЕУ. Тој истакна дека Европската инвестициона банка треба да ја поддржи финансирањето на новите проекти за одбрана.
Погледнете ја изјавата на Борисов.
