Две лица се тешко повредени во сообраќајка која вчера се случи на крстосницата од улиците „Веселин Маслеша“ и „Трајко Прокопиев“ во Куманово. Во сообраќајката учествувале патничко возило „опел“ со кумановски регистарски ознаки, управувано од Д.Ј.(44) од Куманово, и мопед со кумановски регистарски ознаки, управуван од Љ.Т. (42) од Куманово.
Во несреќата со тешки телесни повреди се здобил возачот на мопедот и неговиот малолетен сопатник, констатирани во Општата болница Куманово. Извршен бил увид од увидна екипа од СВР Куманово.
