Симптомите на покачен шеќер во крвта лесно можат да се занемарат или погрешно да се протолкуваат. Ова е особено вообичаено за дијабетесот тип 2, кој понекогаш може да остане неоткриен многу години.
Диететичарката Џеки Топол истакнува дека многу луѓе со благо или умерено висок шеќер во крвта, особено во фазата на предијабетес или раниот дијабетес тип 2, не покажуваат јасни симптоми. Покачениот шеќер во крвта се развива постепено и во почетните фази не е доволно сериозен за да се јават типичните симптоми.
Еве седум симптоми на кои треба да се обрне внимание:
1. Постојана жед и често мокрење
Вишокот шеќер во крвта ги оптоварува бубрезите, кои работат посилно за да го излачат, што може да доведе до често мокрење. Оваа загуба на вода предизвикува зголемена жед. Понатамошно консумирање засладени пијалаци може дополнително да го зголеми нивото на шеќер во крвта.
2. Постојана глад
Кога организмот не може да ја користи глукозата ефикасно, може да се појави постојана глад. Тело што не произведува доволно инсулин или не го користи правилно не може да ја пренесе глукозата во клетките, што резултира со недостаток на енергија и поголема глад.
3. Заматен вид
Високиот шеќер во крвта може да влијае на крвните садови во очите, што предизвикува заматен вид. Овој симптом може да се јави и да исчезне и е еден од раните знаци на дијабетес, а со текот на времето може да доведе до оштетување на мрежницата.
4. Постојан умор
Недостатокот на инсулин или инсулинска резистенција го спречуваат телото да користи глукоза како извор на енергија. Ова резултира со чувство на умор и исцрпеност.
5. Чести инфекции на уринарниот систем
Дијабетесот често е поврзан со зголемено излачување на шеќер во урината, што може да поттикне раст на бактерии и доведе до инфекции на уринарниот систем.
6. Темни дамки и кожни израстоци
Темните дамки на кожата, особено на местата како што се вратот, пазувите и прстите, може да бидат знак за дијабетес или инсулинска резистенција. Оваа состојба се нарекува acanthosis nigricans.
7. Проблеми со кожата
Покачениот шеќер во крвта може да предизвика различни кожни проблеми, како што се израстоци, дерматитис, бактериски и габични инфекции, како и сува и чешлива кожа.
Додатни симптоми кои може да укажуваат на висок шеќер во крвта вклучуваат губење на коса, сува кожа, гадење, рани кои не заздравуваат, трпнење во прстите и нозете, и сува уста. Проблемите со сексуалната функција, како што се еректилната дисфункција кај мажите и вагиналната сувост кај жените, исто така можат да бидат знаци на дијабетес.
Ако забележите некои од овие симптоми, важно е да се консултирате со лекар за да добиете соодветна дијагноза и третман.
