Нејмар (33) во последните денови сè почесто се споменува во контекст на можен трансфер назад во Барселона, клубот за кој настапуваше по доаѓањето од Сантос во 2013 година, пред да се пресели во ПСЖ во 2017 година.
Според каталонскиот медиум „Спорт“, враќањето на бразилскиот напаѓач во Барселона би било возможно ако ги исполни условите поставени од каталонскиот клуб.
Барселона долго време бара решение за позицијата на лево крило, при што беа споменувани неколку имиња, како што се Нико Вилијамс, Рафаел Леао и Луис Дијаз. Нејмар исто така бил на списокот, но се чини дека одлучил да се врати во Сантос по заминувањето од Саудиска Арабија.
Менаџерот на Нејмар, Андре Кари, потврди за „RAC 1“ дека постои можност напаѓачот да се врати во Барселона и дека би бил многу возбуден ако добие таква понуда.
„Спорт“ пишува дека Барселона му поставила јасен услов на Нејмар: „Дај 15 гола и ќе разговараме за твоето враќање“.
Нејмар има три гола и три асистенции на седум првенствени натпревари откако се врати во Сантос, а неговиот договор трае до летото. Тој би можел да се врати во Барселона како слободен играч.
Во периодот кога настапуваше за Барса, Нејмар освои девет трофеи, меѓу кои два титули во Ла Лига и една во Лигата на шампионите. На 186 натпревари за клубот, постигна 105 голови и запиша 76 асистенции.
