Денеска во Будимпешта ќе се одржи втората меѓувладина седница помеѓу Македонија и Унгарија.
Македонската делегација ја предводи премиерот Христијан Мицкоски, а во истата се и министертот за надворешни работи и надворешна трговија, Тимчо Муцунски, вицепремиерот и министер за транспорт, Александар Николоски, министерот за внатрешни работи Панче Тошковски, министерката за енергетика, рударство и минерални суровини Сања Божиновска, министерот за култура Зоран Љутков, министерот за локална самоуправа Златко Перински, министерот за земјоделство, шумарство и водостопанство Цветан Трупуновски… како и вицепремиерот за политички систем Љупчо Димовски, шефот на Кабинетот на Мицкоски, Владимир Нелоски, генералниот секретар на Владата, Игор Јанушев…
Преставници од ЗНАМ и коалицијата Вреди, кои се дел од Владата во делегацијата нема. Сите се од ВМРО-ДПМНЕ, освен Димовски, кој е од Социјалистичката партија, дел од коалицијата „Твоја Македонија“, предводена од ВМРО-ДПМНЕ.
Првата меѓувладина седница помеѓу двете земји се одржа лани во Охрид.
