Светот со нетрпение го очекува говорот на Доналд Трамп, кој најави дека ќе го изнесе својот став без резерви.
Додека точните детали за неговото обраќање во Конгресот се уште не се откриени, лица блиски до Трамп веќе го наговестуваат неговиот говор. Трамп, кој се очекува да зборува околу 21 часот вечерва во преполната сала на Конгресот, се подготвува да се пофали со тврдиот пристап кој го презеде во односите со светските лидери по времето на неговиот 43-дневен мандат, особено по минатонеделната пресметка со украинскиот претседател Володимир Зеленски.
Тензиите достигнаа врв со одлуката на Трамп да ја прекине привремената помош за Украина, земја која е разрушена од војна.
„Тој ќе зборува за големите достигнувања: за границата која е безбедна, но и за корупцијата што ја откри во Одделот за владина ефикасност, кој го води Илон Маск (DOG)E“, изјави пратеникот од Охајо, Џим Џордан, претседател на Правосудниот комитет на Конгресот.
„Трамп ќе продолжи да ја презентира својата визија за тоа каде сака да ја види земјата“, додаде Џордан, кој редовно се консултира со претседателот.
Многумина очекуваат Трамп да објави сензационални откритија кои досега не биле обелоденети, а меѓу нив се и шокантните информации што ги изнесе Такер Карлсон.
