Германскиот спортски гигант Адидас ја затвори 2024 година со резултати кои ги надминаа сите очекувања! Компанијата забележа рекорден раст на приходите од 12% на годишно ниво, додека оперативната добивка порасна за повеќе од 1 милијарда евра, достигнувајќи 1,337 милијарди евра. Оваа експлозивна експанзија го потврдува статусот на „Адидас“ како еден од најсилните спортски брендови во светот, и сето тоа во година кога многу компании се соочуваа со предизвици на глобалниот пазар.
Четвртиот квартал – Импресивен раст низ сите региони
Во последните три месеци од годината, „Адидас“ постигна раст на приходите од 24% во евра, достигнувајќи 5,965 милиони евра (2023: 4,812 милиони евра). Овој значителен раст го надмина очекуваниот пазарен тренд и докажа дека брендот продолжува да ја зајакнува својата глобална позиција.
Големите пазари како Европа (+26.2%), Северна Америка (+15.7%), Голема Кина (+18.4%), Латинска Америка (+68.5%) и Пазари во развој (+26.3%) покажаа силен раст. Бруто маржата се зголеми на 49.8%, што претставува подобрување од 5.2 процентни поени.
Фудбалски и lifestyle модели – Најголеми двигатели на успехот
Продажбата на спортски обувки порасна за 26%, благодарение на огромниот успех на Оригиналс, фудбалските патики и линиите за тренинг. Новите изданија на култните Samba, Gazelle, Handball Spezial и Campus доминираа на пазарот, додека фудбалската линија забележа рекорден успех со новите верзии на Predator и враќањето на F50.
Во делот на облеката, растот беше 11%, а најпродавани беа ретро третите дресови со култното Trefoil лого како и lifestyle парчињата инспирирани од „adicolor“ и спортските трендови.
Инвестиции во иднината – Што подготвува „Адидас“ за 2025?
Со ваков раст, „Адидас“ не планира да забави! Компанијата најави агресивен маркетинг пристап и подобрен производен асортиман, што треба да доведе до дополнителен висок едноцифрен раст на приходите во 2025. Според прогнозите, оперативната добивка ќе достигне од 1.7 до 1.8 милијарди евра.
Во 2025 година, „Адидас“ ќе продолжи да инвестира во нови технологии, подобрување на онлајн продажбата и дигитализација на искуството за купувачите. Ќе следат и нови колекции и партнерства, кои ќе го засилат брендот и ќе ја зголемат неговата атрактивност кај младите потрошувачи.
Додека многу компании се борат со економските турбуленции, „Адидас“ постави нови стандарди во спортската индустрија. Благодарение на силната стратегија, иновациите и фокусот на локалните пазари, компанијата не само што ја надмина конкуренцијата, туку и влезе во 2025 година со огромен замав.
Дали ќе успее да го повтори овој успех и во 2025? Судејќи според трендовите – шансите се големи!
