Германската пошта најави укинување на 8.000 работни места

Германската пошта, Дојче Пост, соопшти дека ќе укине 8.000 работни места во Германија како дел од својата стратегија за намалување на трошоците. Овој потег следи два дена по постигнувањето нов колективен договор кој вклучува зголемување на платите за вработените. Компанијата, која вработува 187.000 луѓе во Германија, се соочува со пад на обемот на писмата и зголемување на оперативните трошоци. Сепак, намалувањата ќе се спроведат на општествено одговорен начин, изјави извршниот директор на ДХЛ, Тобијас Мајер.

Во рамките на програмата за намалување на трошоците, која ги вклучува и другите сегменти на ДХЛ Групацијата, се предвидува значително заштедување во наредните години, но новиот колективен договор, кој ќе чини околу 360 милиони евра до крајот на 2026 година, ја зголемува финансиската напнатост.