Македонија

Божиновска: Жените не ја чекаат иднината – тие ја создаваат!

„Вашите приказни се моќни. Вашите достигнувања се инспиративни. И вашите соништа се остварливи. Продолжете да ги кршите бариерите и да инспирирате! Заедно, можеме се! “, порача министерката Сања Божиновска.

Во Europe House Скопје, се одржа настанот „Енергија на успехот: Таму каде што жените создаваат, иднината се менува“, организиран од Министерството за енергетика, рударство и минерални суровини и министерката Сања Божиновска. Овој настан беше посветен на жените кои ја обликуваат иднината на енергетиката и рударството, индустрии кои традиционално се сметаат за „машки“, но кои денес се сведоци на промени кои ги водат токму жените.

„Жените не се иднината на енергетиката и рударството. Жените се сегашноста. Кога жените се дел од одлуките, енергетските стратегии се попаметни, а ресурсите се поефикасно искористени. Ова не е борба за да бидеме признати – ова е борба за резултати. Како министерка, мојата работа не е само да „мотивирам“ жени да влезат во секторот – туку да обезбедам услови тие да напредуваат во него.“ истакна министерката Сања Божиновска во своето обраќање.

Таа ги нагласи и конкретните чекори што Министерството ги презема за поддршка на жените во овие сектори, вклучувајќи професионален развој, менторски програми и родов баланс во управувањето.

На настанот присуствуваше и постојаната координаторка на ОН во Македонија и признат меѓународен експерт за родова еднаквост, г-ѓа Рита Колумбија, која говореше и за нејзиниот пат како жена.

„Целта пред себе и одлучноста да бидам во можност да им помогнам на жените во светот е она што ме движеше напред. Како жена добро знам што се ни стои на патот. Клучно е да не го одиме патот сами, да имаме вистинска поддршка и партнерство во нашите семејства и опкружување, но и да се поддржуваме ние жените меѓу себе, да играме тимски и да напредуваме заедно.“, истакна Колумбија.

Настанот вклучуваше две инспиративни панел-дискусии, каде над 50 жени-лидери од индустријата ги споделија своите искуства и визии.

Учесничките, меѓу кои Катерина Новакова (Рудник САСА), Кристина Крстева (рудник Бучим) Ана Мешко (АД ЕСМ) Кика Шпритова, раководител на одделение за рударство и Магдалена Даскалова (Сектор за обновливи извори на енергија) МЕРМС, разговараа за Разбивање на бариерите, нивните искуства во секторот, Родовата еднаквост – дали има значителен напредок и што треба да се подобри.

Во вториот панел, Соња Лепиткова (Македонско геолошко друштво), Александра Крколева (ФЕИТ), Симона Домазетовска (МЕПСО) Маја Аначкова (ЕСМ), Валентина Старделова (МЕРМС) дискутираа за: Клучните фактори за напредок во кариерата, како до лидерски позиции и успех, потребата од поддршка, менторство и вмрежување и како да се зголеми бројот на жени во STEM професиите.

„За да создадеме заедница на жени во секторот, треба да инвестираме во менторство и да ги подигнеме гласовите на оние кои веќе се успешни. Нивните приказни се најмоќната инспирација и ќе охрабрат, ќе го отворат патот“, порачаа учесничките.

Настанот „Енергија на успехот“ не беше само прослава на достигнувањата на жените во енергетиката и рударството, туку и повик за акција. Тој ја истакна потребата од родова еднаквост, поддршка и инклузија во овие сектори, како и важноста на колективната обврска за поддршка на жените во STEM професиите -да се биде инспирација повеќе млади девојки да ја одберат оваа професија.

Македонија

Снежна покривка до 10 см и поројни врнежи дожд во Македонија

Под влијание на влажни воздушни бранови, од утре навечер и во текот на 24 и 25 декември 2025 година, Македонија ќе биде погодена со повремени локални врнежи од дожд, кои на некои места ќе бидат пообилни и над 25 литри на квадратен метар за 24 часа.

На планинските предели врнежите ќе бидат од снег, со формирање на снежна покривка од 5 до 10 сантиметри. Со спуштањето на постуден воздух од север, снег ќе се појави и на повисоките места во низинските региони. Од петок се очекува стабилизирање на времето.

Во Скопје, утре навечер и во следните два дена се предвидуваат повремени врнежи од дожд, кои на моменти ќе бидат пообилни. Граѓаните се советуваат да бидат внимателни на патиштата и да ги следат официјалните предупредувања за времето.

Македонија

Ахмети: Ако излезам на улица, нема враќање!

Лидерот на ДУИ, Али Ахмети, денеска на брифинг со новинарите испрати жестоки пораки до политичките опоненти, но и до „незадоволните“ во своите редови. Тој најави нови, ригорозни услови за влез во идна влада, вклучувајќи промена на начинот на избор на Влада и Уставни судии, а истовремено упати отворена закана доколку биде приморан да го активира „Планот Б“.

„Не сум претставник на мачки, туку на лавови“

Можеби најсината порака од брифингот беше неговото предупредување за тоа што би се случило доколку политичката ситуација не се развива според „Планот А“ (развој и напредок).

„Ако излезам на улица, никогаш нема да се вратам дома. Јас не сум претставник на мачки, туку на лавови“, дециден беше Ахмети.

Во свој стил, тој се осврна на своето минато, тврдејќи дека никој во Македонија не го познава национализмот подобро од него.

„Нема никој во Македонија кој знае подобро од мене како да прави национализам. Јас ја уништив Југославија и 20 години го спроведував проектот 1981 – 2001“, рече лидерот на интегративците.

Нови услови: Бадентер во Уставен и двојно мнозинство за Влада

Ахмети постави нови „црвени линии“ за идните коалицирања. Тој бара нов „Национален договор за развој“, но со конкретни системски измени:

Избор на Влада: Да се воведе принцип на „двојно мнозинство“ (Бадентер) при изборот на владин кабинет.
Уставен суд: Бадентеровиот принцип да се применува и при одлучувањето во Уставниот суд.

Според него, ова ќе биде услов за учество во какво било идно управување со државата. Тој додаде дека Охридскиот договор е компромисен и не е совршен, оставајќи простор за негова надградба.

„Кој сака нека си оди“

Во однос на внатрепартиските турбуленции по 5-тиот Конгрес, Ахмети покажа ноншалантност. Тврди дека незадоволството е сведено на „две-три лица“ кои останале без функции.

„Оние кои си одат затоа што немаат функции, нека си одат“, порача Ахмети, додавајќи дека Абдил Селам Селами веќе се извинил и останува лојален на партијата.

За Села, Тачи и бизнисмените

Ахмети ги коментираше и односите во „Европскиот фронт“:

За Мендух Тачи: Има договор и тоа не му штети на Фронтот.
За Зијадин Села: Ахмети смета дека Села се обидува да изгради сопствениот идентитет бидејќи се чувствува во сенка на ДУИ, но не верува во шпекулациите дека Села ќе го поддржи Невзат Бејта за градоначалник на Гостивар.

Лидерот на ДУИ упати критики и кон стопанските комори, обвинувајќи ги дека „создаваат поделби и ги поддржуваат олигарсите“.

За напролет, ДУИ најави нов, тематски конгрес, на кој ќе се дефинира новата идеолошка матрица на партијата по консултациите со базата.

Извор: 4news.mk

Македонија

Згасна позната телевизија во Македонија – престана да емитува програма

Македонскиот телевизиски етер остана посиромашен за еден канал. Телевизија Сонце, која години наназад емитуваше програма со национална концесија преку кабелските оператори, престана со работа.

Гледачите кои се обидуваат да го најдат каналот сведочат за „црн екран“ или известување дека нема сигнал.

ТВ Сонце беше препознатлива по својата специфична програмска шема, фокусирана на македонската историја, културното наследство и прашањата поврзани со македонската дијаспора. Телевизијата беше основана од бизнисменот Ѓорѓија – Џорџ Атанасоски.

Останува непозната и судбината на вработените во овој медиум.