Балкан

ПТИЧЈИ ГРИП ВО АЛБАНИЈА: Инфекцијата се прошири и на една од најголемите живинарски фарми, досега се уништени 68.000 кокошки

Птичјиот грип Х5Н1 продолжува да се шири во Албанија, а во една од најголемите живинарски фарми во земјата заразата била присутна во четири објекти. До сега се уништени 68.000 кокошки, а блокирани се 415.000 јајца.

Ермира Ѓечи, шефица на кабинетот на Министерството за земјоделство, изјави дека јајцата на пазарот се безбедни, бидејќи инспекторите на Агенцијата за ветеринарство и храна ја повлекле целата количина јајца од оваа фарма. Таа исто така нагласи дека на пазарот нема заразени кокошки или месо.

За да се спречи ширење на инфекцијата, Министерството за земјоделство воведе строги мерки за биосигурност во живинарските фарми во областа Рашбул во Драч. Ѓечи додаде дека кокошките не можат да даваат јајца кога се заразени со овој грип, а сите движења во објектот се строго ограничени.

Птичјиот грип Х5Н1 е присутен во 21 европска земја, што резултирало со забрана за увоз на јајца од овие земји во Албанија. Во САД, оваа инфекција предизвика големи штети на живинарските фарми, што доведе до зголемена цена на јајцата, кои сега се продаваат по цена од 1,4 долари.

Балкан

Пијан возач фатен со 200 км/ч

Припадници на Министерството за внатрешни работи на Србија денес околу 14 часот го запреа Д.В. (39) во Лозница, кој управуваше возило „суди“ со брзина од 200,8 километри на час на дел од патот Лозница – Шабац, каде што ограничувањето е 100 км/ч.

Со алкотестирање е утврдено дека возачот бил во тешка алкохолна интоксикација, со 1,41 промили алкохол во крвта.

Возачот веднаш бил исклучен од сообраќај и задржан во службените простории, а против него е поднесена прекршочна пријава за насилно возење и возење под дејство на алкохол.

Балкан

Вучиќ: Србија има гориво до 15 јануари

Српскиот претседател Александар Вучиќ увери дека Србија има обезбедено доволно керозин, мазут, дизел и бензин најмалку до 15 јануари, а можеби и до 25 јануари, обидувајќи се да ги смири граѓаните по информациите за проблеми во нафтената индустрија.

Иако државата веќе 70 дена функционира без увоз на нафта, Вучиќ истакна дека енергетскиот систем е стабилен и дека нема причина за паника пред претстојните празници. Тој сепак призна дека ситуацијата е комплицирана, особено поради статусот на Нафтната Индустрија Србија (НИС), за што Белград следната недела ќе испрати итни барања до американската канцеларија за контрола на странски средства (ОФАК) за добивање оперативна лиценца.

„Доволно керозин, мазут, дизел и бензин обезбедивме најмалку до 15 јануари, можеби и до 25 јануари. Никој не треба да се грижи, имаме безброј технички проблеми, но државата знае како да ги реши“, рече Вучиќ.

Претседателот потенцираше дека Србија нема да дозволи колапс на енергетскиот сектор и им се заблагодари на граѓаните за поддршката. „Ве уверувам дека ќе имате доволно од сè што е потребно за празниците. Ќе добивате навремени информации за секоја промена“, додаде тој.

Балкан

Тешка несреќа на Дурмитор: Турист загина по пад од жичара, жена тешко повредена

Трагичен инцидент се случи денеска на ски-центарот Савин Кук на Дурмитор, кога две лица – странски туристи – паднале од корпа на ски-лифт, при што едно лице го загуби животот, а друго се здоби со тешки повреди.

Несреќата се случила на жичара број два, во стрмниот втор дел од трасата што води кон Савин Кук. Според првичните информации, загинал маж, додека повредената жена е во свесна состојба и комуникативна.

На терен се ангажирани спасувачки и надлежни служби, кои вршат увид и ја утврдуваат причината за инцидентот. Првичните сознанија укажуваат на можен технички дефект во вториот дел од жичарата, по што корпата во која се наоѓале туристите започнала да се движи наназад.