Република

КОЊАНОВСКИ: ЖЕНАТА Е СТОЛБ НА СЕМЕЈСТВОТО И ОПШТЕСТВОТО

Во организација на Советот за женско претприемништво, со поддршка на Општина Битола и Комисијата за еднакви можности во Советот на општината, во Утопиа-Бизнис клубот се одржа настанот „Жена 360 степени – инспирација во сите улоги“. Настанот собра голем број жени со докажан успех во бизнисот, претприемништвото, политиката, образованието и други општествени сфери.

Градоначалникот на Битола, Тони Коњановски, ја поздрави иницијативата, истакнувајќи ја важноста на жените во сите аспекти на општеството и нагласувајќи ја поддршката што општината ја дава во оваа насока.

„Со својот труд и ангажираност, жената е вистински столб на семејството, но и на општеството. Таа е истовремено мајка, сопруга, професионалец, лидер и визионер, внесувајќи посебна движечка сила во сите области каде што е вклучена. Нашата обврска како локална самоуправа е да создадеме услови во кои жените ќе можат целосно да ги реализираат своите потенцијали во образованието, спортот, културата и претприемништвото,“ изјави Коњановски.

Градоначалникот потсети дека Општина Битола минатата година го формираше Советот за женско претприемништво преку Програмата за еднакви можности, со цел да се поддржат жените кои сакаат да започнат сопствен бизнис.

„Верувам дека резултатите од оваа иницијатива ќе покажат успешни приказни кои ќе ја зајакнат нашата соработка и ќе инспирираат нови активности,“ додаде тој.

Коњановски истакна дека Општина Битола преку Стратегијата за еднакви можности (2021-2026) активно работи на вклучување на жените на раководни позиции и создавање политики базирани на родова еднаквост.

„Продолжуваме со поддршка на иницијативи кои промовираат еднакви можности, женскиот спорт, но и активности за елиминирање на сите форми на насилство, преку советодавниот центар против семејно и родово базирано насилство,“ заклучи градоначалникот на Битола.

Република

„Шпанец“ се враќа на пругите: Модернизиран и подготвен за патници

Легендарниот воз „Шпанец“, некогаш заборавен и речиси отпишан, се враќа на пругите со целосно нов лик. Денес беше тестирана обновената верзија на возот, кој сега располага со модерен дизајн, телевизори, озвучување, алармни системи и видео надзор.

Одговорните најавуваат дека подготовките за поудобно и побезбедно патување се во полн ек, со цел патниците да уживаат во современо и безбедно патување.

Следуваат уште новости за враќањето на овој легендарен воз – останете со нас за сите детали.

Видеото може да го погледнете тука

Република

После многу години конечно Тетово ќе се украсува

На онлајн седница одржана денеска, 12 декември 2025 година, Советот на Општина Тетово со мнозинство гласови донесе одлука за украсување на градот за претстојните новогодишни празници.

„За оваа програма „за“ гласаше советничкото мнозинство составено од Коалицијата „Вреди“ и ВМРО-ДПМНЕ, додека против беа советниците од коалицијата НАИ. Воздржани беа од Подобро за Тетово, Левица и СДСМ. Со оваа одлука, Општина Тетово ја потврдува намерата градот да добие празничен сјај за крајот на 2025 година“, изјави претседателот на Советот, Јусуф Абдули.

Истовремено, изгласана е измена на Програмата за активности на Општина Тетово во областа на културата за 2025 година. Според новата програма, за празничното украсување се предвидени еден милион и петстотини илјади денари, што е над 24 илјади евра.

Република

Коњановски ги прими просветните работници на годината од Битола

Градоначалникот на Битола, Тони Коњановски, денеска оствари средба со добитничките на признанието „Просветен работник на годината“ за учебната 2024/2025 година – Наташа Тодоровска, наставник по одделенска настава во ОУ „Ѓорѓи Сугарев“, и Аница Б. Златевска, психолог во ОУ „Коле Канински“.

Коњановски им честиташе за значајното признание доделено од Министерството за образование и наука и Сојузот на просветни работници, нагласувајќи дека ваквите награди се симбол на поширока општествена заложба за почит и вреднување на улогата на наставниците, воспитувачите и стручните соработници во образованието.

Тој истакна дека трудот на просветните работници е фундаментален за формирањето на идните генерации и дека локалната самоуправа ќе продолжи да ја поддржува нивната работа.

Признанијата се доделуваат во рамките на кампањата „Магијата е во знаењето“, која Министерството ја реализира по повод 5 Октомври – Светскиот ден на учителите, со цел истакнување на незаменливата улога на учителите и зголемување на општествената почит кон нив.