Во текот на светиот месец Рамазан, во скопски Чаир се делат бесплатни ифтари со цел да им се помогне на семејствата кои имаат најмногу потреба за помош.
-Иницијативата „Раката на милоста“ дели бесплатни ифтари спроти џамијата Јахја Паша. Сите тие кои имаат потреба треба само да се регистрираат и ќе им се обезбеди храна за цел месец Рамазан, пренесува репортерката на ТВ21, Фазиле Халили.
Има 14 волонтерки кои никогаш не чувствуваат замор за да им служат на оние на кои им е потребна.
-Не чувствуваме воопшто замор бидејќи кога ги гледаме среќните лица на тие на кои што им е најпотребно тоа е поттик за нас за да продолжиме понатаму и секој ден на Рамазан така делиме бесплатни ифтари, а исто така ги снабдуваме и со прехранбени пакети тие семејства. Сакам да нагласам дека во текот на празникот Бајрам им купуваме и облека на децата, изјави Канита Синани, волонтерка од „Раката на милосрдието“.
Околу 300 лица секој ден во текот на Рамазан добиваат топол бесплатен оброк-ифтар. За да земаат бесплатен оброк, прво треба да се регистрираат.
-Секој доаѓа за да се регистрира и потоа доколку ние потврдуваме дека тоа семејство не е како што се претставува, има случаеви кога им кажуваме дека не им следува. Ифтарите/оброците првично се делат за сираците, потоа сиромашните кои и покрај тоа што работат сепак имаат финансиски проблеми, изјави Анила Исмаили, волонтерка од „Раката на милосрдието“.
Инаку, оваа храна ја обезбедуваат печалбари, но и луѓе од земјава кои по случаен избор поминуваат на улица и помагаат колку што можат.
Иницијативата „Раката на милосрдието“ петта година по ред дели бесплатни ифтари.
