Тоа вклучува: неутралност на Украина и гаранции дека Киев нема да влезе во НАТО, забрана за странски трупи во Украина и меѓународно признавање на фактот дека Крим, Запорожје, Херсон, Луганск и Донецк се дел од Руската Федерација.

Иако официјалната реакција на Кремљ на преговорите во Џеда, на кои Киев се согласи на прекин на огнот што треба да трае 30 дена, сè уште не е пристигната, Москва веќе ги има подготвено своите услови за долгочекуваниот мир, пренесува Sky News.

Извори упатени во преговорите за мир во Украина велат дека Русија ги доставила своите услови за мир. Според овие извори, условите не се премногу променети од почетокот на инвазијата.

Тоа вклучува: неутралност на Украина и гаранции дека Киев нема да влезе во НАТО, забрана за странски трупи во Украина и меѓународно признавање на фактот дека Крим, Запорожје, Херсон, Луганск и Донецк се дел од Руската Федерација.

Посебно внимание привлекува забраната за странски трупи во Украина, имајќи предвид дека САД, ЕУ и Украина постојано ги споменувале странските трупи како гаранција за безбедноста. Во Киев сè уште постои страв дека ова не се однесува на траен мир, туку на пауза помеѓу војните која Москва ќе ја искористи за закрепнување и нови напади во иднина.

Москва веќе децении ја обвинува американската империјалистичка политика и проширувањето на НАТО на исток, особено кон поранешните членки на Варшавскиот пакт, како главна причина за инвазијата на Украина.

Путин уште во 2007 година на безбедносната конференција во Минхен изјави дека Русија е загрижена поради проширувањето на НАТО на исток, а особено распоредувањето на американски проектили и противракетни штитови во Полска и Унгарија.

Јасно е дека Русија поранешниот Варшавски пакт го гледа како своја зона од интерес. Грузија и Украина на своја кожа ја почувствуваа цената ако одлучат да влезат во НАТО.

Некои американски официјални лица, законодавци и експерти се плашат дека Путин, поранешен офицер на КГБ, би можел да го искористи примирјето за да го интензивира, како што велат, обидот да ги подели САД, Украина и Европа и да ја поткопа сета дипломатска активност.

Москва поставила слични барања во последните две децении, а некои од нив биле дел од официјалните преговори со САД и Европа. Порано, Москва ги разгледувала овие барања со администрацијата на Бајден во низа состаноци крајот на 2021 и почетокот на 2022 година, додека десетици илјади руски војници стоеле на границата со Украина, чекајќи наредба за инвазија.

Тие барања вклучувале услови кои би ги ограничиле воените операции на САД и НАТО од источна Европа до централна Азија.

Американскиот претседател Доналд Трамп денеска се закани дека ќе воведе царини од 200 отсто за вино, шампањ и други алкохолни пијалоци од Европската унија.

Трамп во објава на социјалните мрежи предупреди дека ќе воведе царини за европскиот алкохол доколку Европската унија не го укине данокот на американското виски, пишува Блумберг.

Властите во Брисел го оданочија американското виски како одмазда за царините на Трамп за челик и алуминиум кои стапија на сила вчера.

– Доколку оваа тарифа не биде веднаш отстранета, САД наскоро ќе воведат царина од 200 отсто за сите вина, шампањ и жестоки пијалоци кои доаѓаат од Франција и другите земји од Европската унија, напиша Трамп за европските давачки за вискито на „Truth Social“.

Тој додаде дека овој потег ќе биде „одличен“ за американските компании кои произведуваат вино и шампањ.

Помошникот на рускиот претседател, Јуриј Ушаков, изјави дека на американскиот советник за национална безбедност, Мајк Волц, му го пренел ставот на Русија во однос на потребата од долгорочно решение на конфликтот во Украина. Според него, Русија не е заинтересирана за прекин на огнот како што го предложија Украина и САД. Ушаков зборуваше за ова во интервју за програмата „60 минути“ на каналот Русија-1.

„Јас, се разбира, ги коментирав договорените мерки за привремен прекин на огнот и го изразивме нашето гледиште дека тоа не е ништо повеќе од привремен одмор за украинската армија, ништо повеќе“, изјави Ушаков.

„Нашата цел е постигнување на трајно и мирно решение кое ќе ги земе предвид легитимните интереси на нашата страна. Нашите грижи се познати. Мислам дека никому не му се потребни такви чекори кои само ќе ја имитираат мировната динамика“, нагласи тој.

Неговата изјава доаѓа по пристигнувањето на американските преговарачи во Москва, кои разговарале за можни решенија на конфликтот.

Ушаков исто така рече дека „постои нормално разменување на мислења меѓу Русија и САД на мирен начин“ и дека Москва очекува Вашингтон да ја земе предвид нивната позиција во понатамошните преговори. Според него, Вашингтон е свесен дека „членството на Украина во НАТО не е опција“.

„Договоривме дека овие контакти ќе останат затворени за јавноста“, додаде Ушаков.

Според извори во руските медиуми, рускиот претседател Владимир Путин денеска се очекува да даде поконкретни и посуштински оценки за предлогот за привремен прекин на огнот.