На социјалните мрежи е објавено видео од инцидентот во Белград каде автомобил влетал во група која денеска се придружи на најавениот голем протесте „15 Март за 15-те“ (загинати во Нови Сад .

Од утрово веќе почнаа да се собираат студенти и граѓани кои се движат од правец на Чукарица кон центарот на градот.

Сепак, иако мирно се собраа, се случи инцидент кога непознат возач со автомобил влета низ толпата, при што наводно повреди неколку лица.

На видеото се гледа како автмобилот продолжува со женско лице на хаубата

Големиот протест свикан од српските студенти во Белград кулминира денеска (15.03) пред Народното собрание.

Пред протестот имаше најава во форма на шпекулации од властите дека „се подготвува насилство“ и големи надежи од друга страна дека тоа е „почеток на крајот“ на владеењето на Александар Вучиќ, пишува „Дојче веле“.

Претседателот на Србија, Александар Вучиќ, се обрати на јавноста во петокот вечерта, во пресрет на големиот протестен митинг во Белград, во врска со наводните планови за предизвикување конфликт за време на протестот. Вучиќ вели дека државата ќе обезбеди ресурси за, како што нагласи, ненајавениот собир да се одвива мирно. Секој што ќе ги нападне учесниците на протестите, како и кој ќе нападне некој друг или институција, ќе биде уапсен, пишува ДВ.

Србија е во петтиот месец на протести по смртта на петнаесет лица под крошна во Нови Сад на 1 ноември 2024 година.

Студентските блокади на универзитетите траат речиси четири месеци. Студентите тврдат дека нивните барања се уште не се исполнети, а надлежните го велат спротивното.

Студенти од цела Србија пристигнуваа во Белград, каде на Теразије им беше приреден дочек.

Како изгледаше тоа од воздух, погледнете во неверојатното видео кое беше објавено на социјалните мрежи.

Видео:

Министерот за внатрешни работи, Ивица Дачиќ, изјави дека во текот на ноќта во близина на Пионирскиот парк имало неколку инциденти и дека биле приведени 13 лица. Тој нагласи дека сите инциденти биле насочени кон Пионирскиот парк, каде што се наоѓаат студентите кои сакаат да учат.

Дачиќ за РТС изјави дека некои лица биле приведени поради нарушување на јавниот ред и мир, дека поголемиот дел од тракторите поставени околу Пионирскиот парк биле оштетени, како и дека имало обиди да се запалат тракторите, обиди за нивно тргање од патот и гаѓање на учесниците на собирот и на припадниците на полицијата.

Според процената на полицијата, на синоќешните собири на повеќе локации, кога пристигнувале студентите од цела Србија, имало околу 31.000 учесници, меѓу кои биле студенти и граѓани кои ги дочекаа.

„Меѓутоа, не се разбиравме сите, имало неколку стотици лица кои правеле проблеми во текот на ноќта, но без оглед на сите тие инциденти, можеме да заклучиме дека синоќешните настани поминаа без поголеми инциденти и нарушување на јавниот ред и мир и се надеваме дека така ќе биде и денес“, рече Дачиќ.

Тој додаде дека полицијата ги легитимирала и привела сите кои предизвикувале инциденти, а дека некои од нив биле во видлива алкохолизирана состојба и дека биле задржани во притвор.

„Како што рековме, ние нема да дозволиме нарушување на јавниот ред и мир“, нагласи Дачиќ.

На прашањето дали имало повредени, Дачиќ изјави дека имало некои инциденти на други локации низ градот, но дека не било поголеми судири.

Тој нагласи дека некои екстремисти се искачиле на зградите околу Пионирскиот парк и гаѓале студенти во паркот. Исто така, од Електротехничкиот факултет било пријавено дека две непознати лица дошле во алкохолизирано стање и се судриле со редарите.

„Мислам дека едно од нив доби шамар од редарите. Ги идентификувавме тие лица и трагањето за нив продолжува“, рече Дачиќ.

Тој исто така нагласи дека имало и гаѓање и навреди упатени кон полицијата, но изрази уверување дека, без оглед на јавните најави дека полицијата некого ќе удри, никој не планира такви постапки.

„Никој не смее да удира други, никој не смее да упаѓа во институции. Никој не смее да напаѓа полиција. Овде се работи за тоа да се зачува јавниот ред, стабилноста на земјата и безбедноста на сите граѓани, животите на луѓето и имотот“, истакна Дачиќ.

Тој повика сите да обрнат внимание и да вложат максимални напори за да се обезбеди дека нема да има инциденти.