Масар Омерагиќ беше единствен кандидат и едногласно и со акламација беше избран од највисокото тело на ФФМ за претседател на Фудбалската федерација на Македонија. 

Во продолжение, говорот на првиот човек на македонскиот фудбал откако ја доби довербата од делегатите на Изборното Собрание на ФФМ. 

Масар Омерагиќ – претседател на ФФМ: 

„Не сме овде само да зборуваме за проблемите од минатото – туку да погледнеме напред, кон новата визија и стратегија за македонскиот фудбал. Фудбалската федерација на Македонија има обврска да постави јасен правец, да создаде систем кој ќе гарантира долгорочен развој и да ја врати довербата кај сите што се дел од овој спорт.

Нашата визија е јасна: Силен, организиран и конкурентен македонски фудбал на сите нивоа.

Младински категории кои ќе бидат столбот на идните успеси;

Современа инфраструктура која ќе им овозможи на фудбалерите да напредуваат;

Федерација која работи транспарентно, професионално и во интерес на фудбалот; 

Работиме на нова генерална стратегија: План за иднината!

Без силни млади категории, нема иднина. Ќе вложуваме во подобри услови за тренинг, селекција на таленти и едукација на тренери. Нашата цел е да создадеме млади фудбалери кои повторно ќе бидат конкурентни во европските квалификации.

Во таа насока, една од битните работи е создавањето на скаутинг систем во рамки на нашата федерација кои ќе има единствена цел – македонските таленти од странство да имаат еден избор – дресот на Македонија. 

Подобрување на инфраструктурата

Фудбалот не може да напредува без квалитетни терени. Ќе инвестирамево изградба и модернизација на терените ширум Македонија и тренинг-центри, со реални проекти и јасна финансиска стратегија.

Финансиска стабилност и транспарентност

Секој денар во федерацијата ќе биде инвестиран во вистински проекти. Заврши времето на непродуктивно трошење – парите ќе одат таму каде што се најпотребни. На оваа позиција доаѓам како поранешен фудбалер и успешен бизнисмен, фудбалот доволно ми има дадено, време е да му вратиме за добро на сите. 

Поддршка за клубовите

Клубовите се крвотокот на фудбалот. Новата стратегија предвидува конкретни програми за финансиска и стручна помош, за да им помогнеме да растат и напредуваат. Да бидат конкурентни во Европските натпреварувања или барем на повисоко ниво од тоа што денеска го имаме. 

Унапредување на меѓучовечките односи и професионализација

Федерацијата мора да биде модел на професионалност, транспарентност и ефикасност. Ќе градиме култура на соработка, почит и јасни одговорности.

Фудбалската федерација ќе обезбеди целосна логистичка, стручна и финансиска поддршка за двете најважни селекции – А репрезентацијата и репрезентацијата до 21 година. Впрочем, за нас ќе бидат важни селекциите од најмала возраст до најдобрата репрезентација. 

А репрезентацијата е лицето на македонскиот фудбал, нашиот најголем амбасадор на меѓународната сцена. Ќе направиме сè за да имаат најдобри услови за подготовкии поддршка за големи натпреварувања.

Селекцијата до 21 година е нашата иднина – тие се играчите што ќе ја предводат А репрезентацијата во годините што доаѓаат. 

Затоа, ќе вложуваме во нивниот развој, ќе им обезбедиме врвни услови за тренинг, подобра координација со клубовите и можности за меѓународни искуства.

Многу важен дел од новата Стратегија ќе биде целосната реформа во структурата на Општинските фудбалски Сојузи и реформа на организациската структура на Фудбалската федерација на Македонија. 

Оваа исклучително битна реформа во Општинските фудбалски Сојузи ќе ја работиме во соработка и целосен мониторинг на УЕФА. Со проверка на легитимитет на клубовите кои настапуваат во Општинските фудбалски Сојузи ќе го утврдиме и легитимитетот на самите Општински Сојузи. Мораме да имаме јасна слика за тоа кои клубови учествуваат во организираниот систем на Општинските Сојузи, а потоа и во натпреварување на ФФМ.

Ова не е само моја визија – ова е наша заедничка мисија. Само со чесна работа и со јасен план, можеме да го издигнеме македонскиот фудбал на ниво кое сите го посакуваме.

Време е за нов почеток. Време е за резултати.Одиме напред – за македонскиот фудбал“!

На денешното Редовно Изборно Собрание на Фудбалската федерација на Македонија (ФФМ), претседателот Масар Омерагиќ зборуваше за состојбата во федерацијата и финансиските предизвици со кои се соочуваат.

Омерагиќ истакна дека бил свесен за предизвиците кога ја презел функцијата, но затекнатата ситуација била далеку покомплицирана од очекуваното. Според него, во изминатите две години, федерацијата работела со поголеми расходи отколку приходи, што резултирало со финансиски минус од еден милион евра.

„Факт е дека во изминатите две години федерацијата имала повеќе расходи отколку приходи. Само во реалното работење во последните две години, федерацијата е во минус од еден милион евра“, изјави Омерагиќ.

Сепак, тој нагласи дека приоритет е иднината, а не минатото, и дека ФФМ ќе се фокусира на подобрување на состојбата и стабилизирање на финансиската структура.

„Наместо да се навраќаме на минатото, наша должност е да гледаме напред и да работиме на подобрување на состојбата“, додаде претседателот на ФФМ.

Собранието на ФФМ беше одржано во клучен момент за македонскиот фудбал, со оглед на тоа што финансиската стабилност на федерацијата е важен фактор за развојот на спортот во земјата.

Во врска со масовната тепачка што се случи по натпреварот помеѓу Саутемптон и Тотенхем во 2023 година, денес беа соопштени пресудите на судот. Според Кралскиот суд, 17 лица се осудени за нивното учество во инцидентот што се случи на 18 март 2023 година. Сите 24 осомничени признаа вината на почетните рочишта одржани во текот на 2024 година. Повеќето од нив се во затвор од 6 март 2025 година. Од нив, шест се осудени на казни од над седум години затвор.

На почетокот на 2024 година, малолетникот кој бил дел од групата што учествувала во тепачката, чиј идентитет не се открива, беше осуден на условна казна од една и пол година и 120 часа неплатена хуманитарна работа. За останатите 16 осудени, денес беше објавена нивната казна, додека конечната пресуда ќе биде донесена на 1 април.

Вкупно 22 мажи добија затворски казни од 28 години, како и забрана за влез на стадионите во Англија во времетраење од 142 години. Дополнително, им е забрането патувањето на меѓународни натпревари, а ќе мораат да ги предадат своите пасоши на полицијата за време на натпреварите надвор од Англија.