Во здравата врска важно е да се почитува индивидуалноста на партнерот и да се гради однос базиран на меѓусебно разбирање и прифаќање.
Иако компромисите се дел од секоја врска, постојат одредени барања кои можат да создадат напнатост, да ја нарушат довербата и да ја ослабат врската на долгорочен план.
Психологот и терапевт Џефри Бернштајн предупреди на две чести грешки што паровите ги прават кога нешто бараат од својот партнер, а тоа може сериозно да ја загрози врската.
„Како терапевт за парови, често гледам дека темел на секоја врска е љубовта и меѓусебната грижа. Но, без разлика на близината, постојат одредени работи што никогаш не треба да ги барате од партнерот – освен ако не сакате да создадете огорченост, напнатост или долгорочна штета во врската. Ова се најголемите грешки што паровите ги прават кога поставуваат барања“, рече Бернштајн за „Psychology Today“.
Според Бернштајн, овие два барања можат да ја уништат врската.
Не барајте од партнерот да биде некој кој не е
Поддршката за раст на партнерот е позитивна, но барањето да ја промени својата основна природа може да биде штетно.
„На пример, ако некој е интроверт и ужива во мирни викенди дома, додека неговиот партнер е екстроверт кој сака забави, постојаното инсистирање на промена може да создаде чувство на неприфаќање. Кога ќе се обидете да ја промените природата на партнерот, тој може да се чувствува не сакан и недоволно добар“, објаснува терапевтот.
Наместо тоа, подобро е да се најде компромис – наместо притисок, изразувањето на вашите желби на начин кој покажува почит може да помогне во јакнењето на односот.
Не барајте од партнерот да избира помеѓу вас и некој кого го сака
Ултиматум, како барањето партнерот да прекине контакт со пријател или семејство, може сериозно да ја нарушат довербата во врската.
„Присилувањето на партнерот да избира помеѓу вас и друга важна личност во неговиот живот може да создаде долгорочна огорченост“, истакнува психологот.
„Дури и доколкку се согласи, може да почувствува бес или жал, што може да го расипе односот. Наместо тоа, попаметно е искрено и мирно да ги разговарате своите чувства и да се обидете заедно да најдете решение што ќе го почитуваат двете страни.“
„Љубовта најдобро успева во околина на прифаќање, почит и здрава комуникација. Наместо да го притискате партнерот да се менува или да донесува болни одлуки, фокусирајте се на разбирање, компромис и отворен дијалог – тоа се темелите на трајна и среќна врска“, заклучи Бернштајн.
