Connect with us

Македонија

НЕ САМО ДИЛЕРИТЕ, ТУКУ И УЖИВАТЕЛИТЕ НА ДРОГИ ЌЕ БИДАТ САНКЦИОНИРАНИ – казни до 250 евра, ќе помогнат ли за заштита на општеството

Published

on

Не само оние што продаваат и препродаваат, туку казнети ќе бидат и оние што ќе бидат фатени со дрога за да ја уживаат.

За волја на вистината, прекршочните казни нема да бидат високи, и ќе се движат од 100 до 250 евра, но барем од некаде да се почне во заштита на граѓаните кои често, на овој или на оној начин, стануваат жртви на оние кои ги уживаат овие дроги.

Инаку, оваа новина е предвидена во предлог измените и дополнувањата на Законот за прекршоците против јавниот ред и мир.

Нацрт законските измени веќе се најдоа и на националната платформа ЕНЕР, откако поминаа консултациите за таа проблематика, а таму предлагачите, односно Министерството за внатрешни работи, го дале своето образложение зошто треба да се донесат овие законски измени. 

Инаку, како што е познто, со Законот за прекршоците против јавниот ред и мир, кој има претрпено неколку измени, се уредуваат прашањата што се однесуваат на прекршоците против јавниот ред и мир, прекршочните санкции, надлeжниот прекршочен орган за изрекување на тие санкции, посебните прекршочни мерки за повреда на јавниот ред и мир, како и се пропишуваат условите и постапката за приредување огномет, бакљада или слични приредби.

Како што објасниле предлагачите, односно од МВР, со овие измени ќе се смени битието на прекршочното дејствие утврдено во членот 20, при што се утврдува правен основ за санкционирање и на поседување на наркотични дроги, психотропни супстанци и прекурзори.

„Со законските измени се предлага санкционирање на лицето кое поседува за лична употреба или се оддава на уживање на наркотични дроги, психотропни супстанци и прекурзори, изрекување на глоба во износ од 100 до 250 евра во денарска противвредност. Видот и количината на наркотичните дроги, психотропните супстанции и прекурзорите се утврдуваат со тестови за прелиминарна анализа и ваги за мерење.Наркотичните дроги, психотропните супстанции и прекурзорите се одземаат од лицето и се уништуваат согласно закон“, објасниле предлагачите во овие законски измени. 

Како причини за проблемите од оваа проблематика се навеле и проблемите при документирање на кривично правните настани, во случај кога од слобода се лишени лица кои поседуваат мала количина на дрога.

Значи, практично со овие законски зиемни ќе се утврди ново прекршочно дејствие.

А, еве како прецизно ќе гласи сега изменетиот член од овој закон. 

„Кој поседува наркотични дроги, психотропни супстанции и прекурзори за лична употреба или се оддава на уживање на наркотични дроги, психотропни супстанции и прекурзори ќе му се изрече глоба во износ од 100 до 250 евра во денарска противвредност.Видот и количината на наркотичните дроги, психотропнитесупстанции и прекурзорите од став 1 на овој член, се утврдува со тестови за прелиминарна анализа и ваги за мерење.Наркотичните дроги, психотропните супстанции и прекурзорите од став 1 на овој член, се одземаат од лицето и се уништуваат согласно закон“, се вели во изменетиот законски член.

Од МВР објаснуваат и дека оваа измена, од една страна ќе овозможи санкционирање на сторителите кои поседуваат наркотични дроги, психотропни супстанци и прекурзори, а од друга страна може позитивно да влијае на рецидивистите на овој вид на прекршок, посебно во одвраќање на нивната намера да поседуваат ваков тип на дроги, супстанци и прекурзори, со што ќе се зајакне и залагањето на правосудните органи во борбата против овој вид на криминал.

Инаку, со овие измени се предвидува и кога сторител на прекршок се големи трговци, прекршочната постапка да ја води и прекршочната санкција да ја изрекува надлежен суд.

„Со усвојување на предложените решенија ќе се прошири основот за санкционирање во членот 20 од Законот за прекршоците против јавниот ред и мир и на поседување на наркотични дроги, психотропни супстанци и прекурзори, како и ќе се надминат одредени недоследности од технички карактер“, објаснуваат од МВР.

Надлежни органи за спроведување на предложениот закон се Министерството за внатрешни работи, Јавно обвинителство и надлежен суд. 

Министерство за внатрешни работи ќе преземе активности за целосна имплементација на овој закпон. 

Извор: faktor.mk

Македонија

Избегната поголема трагедија: Склад за гориво имало во близина на дискотеката „Пулс“

Published

on

Склад за гориво имало во близина на дискотеката „Пулс“ каде во неделата рано сабајле во пожар загинаа 59 лица, а над 150 се повредени. Резервоарот за нафта бил на друг објект, а бил откриен од страна на крим техника.

Од Противпожарната бригада на Кочани за МИА потврдија дека во близина на дискотеката има резервоар за нафта, но дека тој бил на друг објект. Оттаму не знаат точно дали и колку нафта имало во резервоарот.

Информацијата ја потврдија и од Обвинителството.

– При увидот е констатирано дека постоел склад за гориво во близина на објектот. Сите други околности се испитуваат, информираа од Обвинителството

Continue Reading

Македонија

Српски медиуми: Македонија реагираше брзо, за разлика од српската Влада

Published

on

Српските медиуми нагласуваат дека чекорите преземени од македонските институции не само што ја сфаќаат сериозноста на настанот, туку и дејствуваат во согласност со принципите на владеење на правото и одговорноста.

Српските медиуми денеска известуваат за трагедијата што го погоди Кочани, и ја нагласуваат брзата реакција на македонските власти.

Како резултат на несреќата, градоначалникот на Кочани, Љупчо Папазов, поднесе оставка. Оваа оставка, како што истакнуваат српските медиуми, е редок пример во регионот, каде што функционерите ретко преземаат лична одговорност за вакви настани.

-Градоначалникот на Кочани, Љупчо Папазов, поднесе оставка по трагедијата во тој град, кога во пожарот во дискотеката загинаа 59 лица, а повеќе од 150 беа повредени. Папазов ја образложи својата оставка на социјалните мрежи и наведе дека многу од нив ги познавал, а родителите на некои од насрoдалите беа негови семејни пријатели. Тој побара од сите надлежни да ја испитаат одговорноста на сите кои имаа врска со трагедијата. Го повика обвинителството да испита и да постапи во согласност со законот, доколку постои било каков основ за неговата одговорност, известува медиумот Н1.

Српските медиуми исто така нагласуваат дека македонските институциите не дозволија трагедијата да помине несанкционирано. Судот во Кочани веднаш постапи по барањето на обвинителството, одредувајќи притвор за неколку лица.

-Судот во Кочани го прифати барањето на обвинителството да се упатат Бектеши, со уште седум осомничени, на „краткотраен притвор“, додека се чека да се утврди во кој затвор ќе бидат упатени. Поранешниот директор на Управата за заштита и спасување, Беким Максути, исто така беше задржан до 48 часа. Приведени се и неколку лица кои беа обезбедување во дискотеката и бараат нивно ослободување, објавува медиумот Н1.

Српските медиуми нагласуваат дека чекорите преземени од македонските институции не само што ја сфаќаат сериозноста на настанот, туку и дејствуваат во согласност со принципите на владеење на правото и одговорноста.

Владата во Македонија веднаш изрази сочувство до семејствата на жртвите и најави темелна истрага за утврдување на сите околности на несреќата. Оваа транспарентност и институционална ефикасност претставуваат пример за тоа како една држава треба да реагира во вакви критични моменти.

За разлика од други земји во регионот, каде што често нема оставки или санкции по слични трагедии, Македонија покажа дека одговорноста и правдата се приоритет.

Continue Reading

Македонија

Тошковски разреши 7 началници и командири во Штип и Кочани

Published

on

Министерот за внатрешни работи Панче Тошковски по несреќата во Кочани со одлуки за разрешувања. 

Првиот човек на македонското МВР поради трагедијата во дискотеката во Кочани одлучи да бидат разрешени: 

1. Началник на Сектор за внатрешни работи Штип

2. Помошник началник на СВР Штип

3. Началник на Одделение за полиција Штип

4. Началник на Одделение за криминалистичка полиција Штип

5. Началник на Одделение за внатрешни работи Кочани

6. Командир на Полициска станица од општа надлежност Кочани

7. Началник на Надворешна канцеларија за криминалистички работи Кочани.

Од Министерсвото за внатрешни работи повеќе детали за разрешувањата најавија за подоцна во текот на денот на прес конференција.

Continue Reading
Advertisement
Advertisement

Трендинг

Copyright © 2024 Булевар.мк