Русија не мора да го „прифати или отфрли“ испраќањето на сојузничките сили во Украина, доколку Киев побара да се гарантира евентуалниот мировен договор, изјави францускиот претседател Емануел Макрон во интервју за француските медиуми.

Во интервјуто објавено денеска, францускиот претседател наведува дека засега нема намера да се „меша“ во дијалогот меѓу САД и Русија.

Од друга страна, „од моментот кога ќе влеземе во оваа фаза од прекинот на огнот“ предложена од Вашингтон и Киев, според Макрон, ќе бидат неопходни директни контакти со неговиот руски колега Владимир Путин и меѓу француските и руските преговарачи за да се разјасни прашањето за безбедносните гаранции што треба да и се дадат на Украина.

Откако на 20 јануари се врати во Белата куќа американскиот претседател Доналд Трамп ја истакна својата желба да стави крај на конфликтот, три години по нападот на Русија врз Украина, и направи импресивно зближување со господарот на Кремљ. По фазата на максимална тензија, Американците и Украинците го продолжија дијалогот оваа недела, предлагајќи едномесечно примирје, кое Кремљ сè уште не го прифати, потсетуваат француските медиуми.

„Ова е моментот на вистината, бидејќи ако Русија не е искрено посветена на мирот“, изјави Макрон, „претседателот Трамп ќе ги заостри санкциите и контрамерките и така целосно ќе ја промениме динамиката“.

Шефот на француската држава додаде дека „неколку европски и неевропски земји изразиле подготвеност да се приклучат“ на можното распоредување на војници во Украина за да се обезбеди иден мировен договор со Русија. Ова би вклучило неколку илјади луѓе да бидат распоредени „во клучните точки, да спроведуваат програми за обука“ и „да ја покажеме нашата поддршка на долг рок“, додаде тој.

Француските медиуми потсетуваат дека досега Москва цврсто беше противб ваквото распоредување мировни сили во Украина

Речиси 1.500 луѓе се заробени, а 248 луѓе се евакуирани поради големите поплави во централниот дел на Италија. Во регионот Емилија Ромања на сила е црвен метео аларм, додека во Тоскана е жолто предупредување, а најкритична е ситуацијата во општината Ваља, пренесува Раи. Водостојот на реката Арно значително се зголеми, што предизвика поплави, а властите предупредуваат на ризикот од излевање на реката Ламоне во Фаенца. Во некои централни општини затворени се училишта и цркви, оштетени се неколку железнички линии, а натпреварот меѓу Пиза и Мантуа е одложен за утре. Во петокот властите издадоа црвено предупредување во Тоскана и Емилија Ромања поради поројните дождови кои доведоа до поплави и лизгање на земјиштето, додека поумерени предупредувања беа издадени во другите региони на централна Италија, пренесува Танјуг.

Министерството за надворешни работи на Германија изразува скептицизам во однос на изјавите на рускиот претседател, Владимир Путин, во врска со прекинот на огнот во Украина и смета дека тоа е, во најдобар случај, одложување на преговорите, пишува Дојче веле.

По воздржаната реакција на Русија на предлогот на САД за прекин на огнот во Украина, германската Ввлада го обвини Путин за одложување на преговарачкиот процес.

 „Во најдобар случај, можеме да зборуваме за тактика на одложување во врска со прекинот на огнот, доколку има такви услови и резерви“, изјави вчера портпаролката на германското Министерство за надворешни работи.

 Таа изјави дека мора да се постави прашањето дали има сериозен интерес да се работи на траен прекин на огнот и решение.

 Германската министерка за надворешни работи Аналена Бербок претходно изјави дека Путин намерно не влегува во мировни преговори.

 „Путин намерно ја држи отворена вратата за мировни преговори, но тој сè уште не е подготвен да помине низ тоа“, рече таа.