Поранешната германска канцеларка Ангела Меркел изјави дека рускиот претседател Владимир Путин се обидува да ја ослабе Европската унија со средствата кои му се на располагање, но исто така истакнала дека дискусијата за интересите на Русија мора да биде дозволена.
Во интервју за „Берлинер Цајтунг“, на прашањето дали Путин би можел да нападне балтички земји како Германија и Полска, таа изјавила дека дел од „руската воена доктрина“ е да се ослабат другите земји.
„Нема оправдување да се нападне друга земја. Но, дискусијата за интересите на Русија мора да биде дозволена“, истакнала Меркел.
Според неа, за Путин не се релевантни Германија или ЕУ, туку Соединетите Американски Држави, и тоа разбирање потекнува од времето на Студената војна.
„Тие беа и се неговата референтна точка“, додала таа.
Меркел исто така посочила дека се уште не е сигурно дали американскиот претседател Доналд Трамп ќе застане на страната на Путин.
Коментирајќи го состанокот на Трамп и украинскиот претседател Володимир Зеленски во Белата куќа, Меркел изјавила дека тоа ја натажило.
„Пожелно е да не го видов тој состанок“, изјавила таа.
Таа додала дека имала многу малку илузии за Путин, но дека тој сепак ја нападнал Украина во 2022 година, и дека Северен тек 2 не бил во функција во тоа време.
„Тогаш беше донесена погрешна одлука“, изјавила Меркел.
Според неа, потребно е да се размислува за дипломатски иницијативи кои ќе бидат достапни во вистинскиот момент.
