Connect with us

Балкан

Србија: Студентите тактички се повлекуваат: Протестот ‘15 за 15’ на нова локација поради закани од насилство!

Published

on

Во главниот град на Србија денеска попладне се очекува голем протест, наречен „15 за 15“ предводен од судентите во блокада, а кој првично беше планиран да се одржи пред Народното собрание во Белград. Но, студентите ја сменија локацијата и тој ќе се одржи на плоштадот Славија.

Како што соопштија студентите на ЕТФ во блокадата, се решиле на овој чекор за да спречат евентуално насилство. Учениците кои синоќа од разни правци во Белград пристигнаа со велосипеди, пеш или со јавен превоз беа пречекани од бројни граѓани на Теразије. Се проценува дека имало околу 31.000 граѓани.

Српското МВР соопшти дека за време на дочекот се уапсени две лица поради нарушување на јавниот ред и мир и дека се оштетени голем број трактори во близина на Пионерскиот парк.

Студентите денеска ќе пристигнат на местото на протестот од четири правци – од Автокоманда, од плоштадот Република, од булеварот Крал Александар и од Нов Белград.

Собирот е најавен на кружниот тек кај општина Нови Београд во 10:00 часот, кај Автокоманда во 11:30 часот, додека во 13:00 часот е планиран собир кај споменикот Вук, како и кај Плоштадот на Републиката.

Студентите од факултетите во Вождовац најавија дека ќе ја блокираат Автокоманда од 11:52 часот, кога ќе одржат 15 минути молк за 15-те загинати во уривањето на настрешницата на Железничката станица во Нови Сад на 1 ноември. Блокадата ќе трае до 13 часот, а потоа ќе се упатат кон централното место на протестот, каде ќе се обединат со другите групи.

Балкан

„Кај еден пациент има подобрување, но претстои голема борба за закрепнување“, се огласија од ВМА во Белград

Published

on

Поминаа четири дена од трагедијата што го погоди градот Кочани во Македонија, кога во пожарот што избувна во дискотеката „Пулс“ загинаа 59 лица, а повеќе од 160 беа повредени.

Во Србија моментално се лекуваат 29 повредени лица од Македонија.

– На ВМА има 10 пациенти, од кои шест се на интензивна нега. Сите се во тешка и сериозна состојба. Единствен позитивен развој е што еден пациент го напуштил одделението за интензивна нега и бил префрлен на Клиниката за пластична хирургија. Што значи дека сепак е чекор кон подобро. Неговиот живот повеќе не е во опасност, но допрва претстои голема борба за закрепнување, истакна за РТС д-р Иван Лековиќ, заменик началник на Воено медицинската академија и главен дежурен хирург, пренесуваат српските медиуми.

Continue Reading

Балкан

СТУДЕНТСКИ ПРОТЕСТИ ВО ТУРЦИЈА ПО АПСЕЊЕТО НА ГРАДОНАЧАЛНИКОТ НА ИСТАНБУЛ

Published

on

На Имамоглу му е одреден притвор во истрага за корупција. Обвиненијата против Имамоглу вклучуваат сомнение за членство во криминална организација, изнуда, поткуп, измама, местење тендери и помагање на забранетата терористичка група Курдска работничка партија (ПКК).

Илјадници студенти синоќа се собраа во кампусот на Универзитетот во Истанбул поради притворањето на градоначалникот на Истанбул, Екрем Имамоглу и покрај четиридневна забрана за јавни собири и протести до 23 март, со цел да се „одржи јавниот ред и да се спречат потенцијални провокации“.

Протестите уследија по апсењето на градоначалникот на Истанбул, Екрем Имамоглу и други високи членови на опозициската Републиканска народна партија (ЦХП).

На Имамоглу му е одреден притвор во истрага за корупција. Обвиненијата против Имамоглу вклучуваат сомнение за членство во криминална организација, изнуда, поткуп, измама, местење тендери и помагање на забранетата терористичка група Курдска работничка партија (ПКК).

Дел од студентите во Истанбул се судрија со интервентната полиција, а голем дел од нив маршираа до Општината, додека главниот турски синдикат ги повика членовите да излезат пред полициската станица, каде е притворен Имамоглу.

И на протестите во Анкара имаше судири со полицијата, а приведени се демонстранти.

Одлуката за негово приведување доаѓа откако Универзитетот во Истанбул објави дека ја поништува неговата диплома поради неправилности. Овој потег, кој се случува само неколку дена пред ЦХП да го избере за свој кандидат на следните претседателски избори, претставува сериозен удар за опозицијата. Според турските закони, без валидна факултетска диплома, Имамоглу не може да се кандидира за претседател.

Имамоглу оцени дека одлуката на Универзитетот е незаконска и дека ќе ја оспори на суд.

Според соопштението на Главното државно обвинителство, истрагата против Имамоглу е поврзана со наводни незаконски тендери и случаи на поткуп.

Имамоглу, кој во 2019 година беше избран за градоначалник на Истанбул, е еден од најголемите политички ривали на актуелниот претседател Реџеп Тајип Ердоган. Следните претседателски избори се планирани за 2028 година.

Утринава 37 лица се приведени во Турција под сомнение дека објавиле провокативни коментари на социјалните мрежи за апсењето на градоначалникот на Истанбул Екрем Имамоглу, кои поттикнуваат злосторства и омраза, соопшти денеска турскиот министер за внатрешни работи Али Јерликаја.

Според него, турските власти идентификувале 261 контроверзна сметка на социјалните мрежи, од кои 62 се од странство. Министерот додаде дека во првите 24 часа по апсењето на Имамоглу, на социјалната мрежа Х биле споделени повеќе од 18 милиони објави за настанот.

Continue Reading

Балкан

Охрабрувачки вести: Двајца повредени во Бугарија почнаа да се движат!

Published

on

Двајца од повредените во пожарот во кочанската дискотека, кои се лекуваат во болница во Бугарија, почнале да се движат, информираше македонското Министерство за здравство.

Во Бугарија се хоспитализирани вкупно 15 пациенти, од кои седуммина се интубирани и шестмина оперирани, со стабилна хемодинамика, а двајца почнуваат од денес да се движат.

Од вкупно 178 повредени, во јавните здравствени установи во државата во моментот се третираат 64 пациенти, кои се во релативно стабилна состојба, во приватните здравствени установи се лекуваат 13 пациенти, а 101 пациент се третираат во странски медицински центри.

Continue Reading
Advertisement
Advertisement

Трендинг

Copyright © 2024 Булевар.мк