Магазин

Најљубоморните хороскопски знаци – кој е на врвот на листата?

Љубомората е речиси неизбежен дел од секоја врска, а кај некои таа е поизразена отколку кај останатите.

Прочитајте какви се хороскопските знаци кога станува збор за љубомората.

Овен

Овните не поднесуваат лаги, прикривање на намера и лицемерие. Кога е љубоморен, Овенот најчесто има добра причина за тоа. Но, понекогаш може да стане жртва на неподнослива љубомора и поради недоверба и поради чувство на несигурност. Во такви ситуации е најдобро отворено да се разговара со партнерот и да не се бега од проблемите.

Бик

Тој мечтае за среќен свет, средено семејство и ред. Доколку наиде и на најмала причина за сомнеж, станува недоверлив, па истражува, а притоа понекогаш на партнерот му приредува љубоморни сцени. Сепак, тоа не мора да значи крај, иако многу ми е тешко на Бикот да има доверба во некој кој го изневерил.

Близнаци

Родените во овој знак не се склони кон сцени на љубомора, иако понекогаш ги прават без причина. Близнаците се свесни дека самите се склони кон „излети“ во љубовта, па претпоставуваат дека другите не се ништо помалку неверни. Токму тој сомнеж понекогаш ги тера да бараат докази за неверство и се многу несреќни доколку ги пронајдат.

Рак

Раковите како да не знаат за љубомора. Тие се, всушност, слепи од љубов. Во својата преданост кон партнерот не можат ни да замислат дека може некој да ги изневери. А кога сепак ќе пронајдат причина за љубомора, длабоко се потресени. Од такво сознание можат и да се разболат. Кога би научиле да забораваат, Раковите би биле многу среќни.

Лав

Лавовите се најчесто љубоморни поради повредена гордост, но и од страв да не не се сакани доволно, што воедно за нив значи дека партнерот не ги цени и почитува доволно. Кога Лавот ќе здиви, тогаш тоа е најмалку поради изгубена љубов, повеќе поради изгубена власт.

Девица

Девиците понекогаш воопшто не се однесуваат невино. Некој дури и уживаат додека провоцираат љубомора кај другите. Нивниот проблем е што и самите провоцираат со погледи и комплименти. Партнерот на Девиците , порано или покасно, ќе добие впечаток дека тој игра споредна улога, па станува или љубоморен или искомплексиран.

Вага

Таа го обожава партнерот. Притоа нема ни трага од љубомора. Но, ако тој се обиде да ја искористи нејзината толеранција, Вагата станува непресметлива, непредвидлива и опасна. Каде и да удри, остануваат само рушевини.

Скорпија

Скорпијата зрачи љубомора. Без разлика дали постои причина за тоа моментално, или таа постоела пред неколку месеци, па дури и години. Родените во овој знак се љубоморни на секој кој некогаш стоел во близина на нивниот партнер. Проблемот е со тоа што Скорпијата тешко покажува чувства, па дури и во случај на љубомора.

Стрелец

Тој ќе ја покажува на светот неговата среќа дури и кога во себе врие од љубомора. Никогаш нема да ја признае, а нема да постави ниту индискретни прашања, тоа е под неговото достоинство. Но, проблем е во тоа што тој ниту ќе го заборави неверството, ниту ќе го прости, иако тоа можеби не го покажува. Сепак, најдобро со Стрелецот е веднаш да се разреши и најмалиот повод за љубомора, за да не премине во нерешлив проблем.

Јарец

Јарците, обично, влечат со себе многу лоши искуства. Тие исто така не забораваат, ниту простуваат. За чудо, сепак љубомората кај нив е слабо изразена, па никогаш не ги истражуваат постапките на партнерот. Но, ако навистина се докаже неверство, Јарецот ќе ја затвори вратата, и тоа засекогаш.

Водолија

Љубомора, што е тоа?На Водолиите не им се познати маките кои другите знаци ги имаат со ова чувство. Тие не патат, а ако патат, настојуваат да го скријат тоа. Еднаш изневерени, тие не бараат причини, тие заминуваат и точка. Но, тоа не значи дека чувствата на Водолијата се стабилни.

Риби

Љубомората е вечен сопатник на Рибите. Често тоа е мачно и тешко чувство, кое може Рибите и партнерот да ги доведе до лудило. Припадниците на овој знак, всушност, најчесто премногу бараат и од љубовта и од партнерот. А кога нивните очекувања не бидат задоволени, Рибите се повлекуваат. Често се неспособни да простат и најмала грешка.

Магазин

САД се закани со жестоки мерки поради острата казна на ЕУ за X на Маск

Администрацијата на американскиот претседател Доналд Трамп упати предупредување за можни протумерки кон европските компании поради „дискриминаторни“ мерки против американските услуги.

Во објава на платформата X, Уредот за трговски претставници на САД (USTR) го обвини Европскиот сојуз и некои членки за „дискриминаторни и проблематични тужби, даноци, казни и директиви против американските услуги“. Во исто време, USTR посочи дека европските компании како Accenture, DHL, Siemens и Spotify „слободно работат“ во САД.

„Ако ЕУ и земјите членки инсистираат на продолжување со ограничувањата и дискриминирачките мерки, САД нема да имаат друг избор освен да користат сите расположливи алатки за да се спротивстават на овие неправедни мерки“, се наведува во соопштението.

Ова следува по казната од 120 милиони евра што Европската комисија ја изрече на платформата X на Елон Маск за кршење на правилата за транспарентност според Актот за дигитални услуги. По казната, X го укина акаунтот за реклами на Европската комисија, а Маск спореди ја Унијата со нацистичка Германија.

ЕУ нагласи дека казната е изречена поради обесхрабрување на корисниците, оневозможување на истражувачите да дојдат до податоци и недостаток на транспарентност во документацијата за реклами. Трамп претходно ја критикуваше казната, велејќи дека „Европа се движи во погрешен правец“.

Магазин

Влад Илиќ од Куманово: Најдобар стенд ап комичар во Велика Британија за 2025

Во „бастионот“ на светската комедија, култниот Comedy Store во Лондон, македонското знаме симболично се развеа на највисокото скалило. Во конкуренција на дури 700 комичари од целото Обединето Кралство, на 3 декември 2025 година, Македонецот Влад Илиќ ја понесе престижната титула „Најдобар стенд-ап комичар во Велика Британија за 2025“.

По првиот голем блесок на ББС пред три години, овој успех е круна на една десетгодишна фасцинантна транзиција. Патот на Илиќ започна како актер во Кумановскиот театар, каде што под влијание на домашните мајстори како Сашко Коцев и Тони Михајловски, почна да го бруси својот талент за подоцна да се лансира меѓу светските ѕвезди.

„Среќен сум што годините поминати на сцена се крунисани со ова признание. Тоа е потврда за сиот влог, но најмногу за хуморот кој е специфичен и веќе препознаен. Она што ме издвојува е нашиот менталитет – тој уникатен македонски ген кој ни овозможува на животот да гледаме малку понесериозно и пообјективно. Можеби во фудбал секогаш ќе губиме од Англичаните, ама во хуморот не ни можат ништо!“, вели расположениот Илиќ веднаш по триумфот.

Зад блескавиот пехар стојат илјадници непроспиени ноќи, аматерски настапи во зачадени клубови и неуморно пишување материјали. Влад денес е вистински полиглот на сцената, изведувајќи ги своите шоуа на четири јазици: македонски, англиски, српски и италијански.

„Ништо не е случајно во ваков натпревар,“ објаснува тој. „Ме грее љубовта кон професијата, поддршката од семејството и гордоста што ја претставувам мојата татковина. Тој пламен е посилен од студот на овој дождлив остров.“

Покрај статуетката, Илиќ доби и парична награда од 10.000 фунти. На прашањето каде ќе завршат средствата, тој во свој препознатлив стил одговори: „Ќе ги дадам во хуманитарни цели – на братучедите.“

Магазин

Конструирање и одржливост: како Samsung Galaxy S и Z сериите предничат во оваа област

Немаме резервна планета – нашата земја и вода мора да останат чисти и просперитетни за идните генерации. Одржливоста не е избор, туку обврска. Samsung ја разбира оваа одговорност и затоа ги создаде сериите Galaxy S и Galaxy Z, кои го застапуваат овој принцип. Овие врвни паметни телефони се повеќе од најсовремени уреди; тие се доказ за развој на технологија што ја почитува нашата планета. Ајде да погледнеме како Samsung ја комбинира извонредноста во конструирањето со одржливоста во своите Galaxy S и Z серии.

Galaxy Z серијата: Иновации со еколошко срце

Моделите Galaxy Z Fold7 и Flip7 се доказ за целосната посветеност на Samsung кон одржливостa без компромис во перформансите. Еве како овие уреди се конструирани за да бидат и моќни и еколошки прифатливи:

Рециклирани материјали: Fold7 и Flip7 содржат девет рециклирани материјали, меѓу кои пластика, стакло, алуминиум, кобалт, ретки природни елементи, злато, бакар, челик и литиум. Овој пристап го намалува еколошкото влијание од производството, а истовремено го задржува врвниот квалитет.

100% рециклиран кобалт и литиум: Батериите кај моделите Fold7 и Flip7 користат 100% рециклиран кобалт и литиум, што значително го намалува еколошкиот отпечаток.

Одржлива амбалажа: Амбалажата за овие уреди е изработена од 100% рециклирана хартија, со што се елиминира потребата од пластика за еднократна употреба и се поттикнува поодржливо искуство при пакување.

Slim Actuator технологија: Slim Actuator кај моделот Fold7 овозможува камера со високи перформанси во потенок форм-фактор, гарантирајќи дека иновациите не доаѓаат на сметка на дизајнот.

Ултра-високoгустинска печатена плоча: Во моделот Flip7 се вградени компоненти со висока густина, со што максимално се искористува внатрешниот простор и се намалува отпадот од материјали.

Компактен модул на камерата: Модулот на камерата кај Flip7 е унапреден за да биде помал, а притоа да ги задржи врвните перформанси, што ја потврдува способноста на Samsung да воведува иновации на одржлив начин.

Систем со двојна батерија: Системот со двојна батерија кај Flip7 нуди зголемување од 300 mAh во споредба со претходната генерација, подобрувајќи ги перформансите, а истовремено задржувајќи компактен дизајн.

Galaxy S серијата: моќ во комбинација со цел

Серијата Galaxy S25 ја продолжува традицијата на Samsung да ги спојува најсовремените технологии со одржливите практики. Еве како серијата S25 е конструирана за да биде и моќна и еколошки прифатлива за нашата планета:

Прилагоден Snapdragon® 8 Elite чипсет: Samsung, во соработка со Qualcomm, го унапреди Snapdragon® 8 Elite чипсетот, што резултира со подобрен квалитет на екранот, поголема ефикасност и подобрени перформанси на камерата – дури и во услови на слаба осветленост.

Рециклирани материјали: Серијата Galaxy S25 содржи рециклирани материјали, меѓу кои пластика, стакло, алуминиум, кобалт, ретки природни елементи, злато, бакар и челик, со што се придонесува за поодржлив животен циклус на производите.

Циркуларен синџир на снабдување со батерии: Серијата Galaxy S25 користи рециклиран кобалт од претходно користени Galaxy уреди или од батерии отфрлени за време на производството, со што се подобрува циркуларноста и се намалува електронскиот отпад.

Користење обновлива енергија: Samsung премина на 100% обновлива енергија во осум од десет фабрики за производство на мобилни уреди, вклучително и оние во кои се развиваат компонентите за серијата Galaxy S25.

Намалување на јаглеродниот отпечаток: Моделот Galaxy S25 Ultra емитува вкупно 48,9 kg CO₂ во текот на целиот свој животен век, според пресметките направени преку системот за процена на животниот циклус на производите на Samsung.

Зошто е ова важно?

Суштината на пристапот на Samsung кон конструирањето и одржливоста не лежи само во исполнување на потребите на денешницата, туку и во обликување подобро утре. Со користење рециклирани материјали, оптимизирање на потрошувачката на енергија и намалување на јаглеродниот отпечаток, Samsung гарантира дека уредите од сериите Galaxy S и Galaxy Z не се само моќни, туку и одговорни.

Без разлика дали го истражувате иновативниот дизајн на склопливите уреди од Z серијата или модерната елеганција на S серијата, едно е јасно: Samsung е лидер во создавање технологија што е подеднакво одржлива и напредна.

Во последниот текст од оваа серија ќе се осврнеме на третиот темел на гаранцијата за квалитет на сериите Galaxy S и Z.