Црна Хроника

Заедно седеа во клупа, заедно заминаа кај ангелите – Наставничката Елена се прости од Никола и Матеј кои загинаа во пожарот

Наставничката Елена Накова од Злетово со емотивна објава на Фејсбук се прости од нејзините ученици Никола и Матеј, кои вчера загинаа во пожарот во дискотеката во Кочани.

Таа напиша:

-Драги деца, не можам да поверувам на сопстветните очи и уши дека повеќе ве нема, не можам да го заборавам моментот кога бевте IX В одделение, кога бев ваша наставничка, моментот кога седевте во иста клупа. Николче, мило дете со твојата мила насмевка и посветеност секогаш ме воодушевуваше, од вчера ми звони во ушите твојата рецитација на песната „Која ја љубев Дениција“, која ја вежбавме за една училишна активност. Ах ах ах , Матејче уште во понеделник па последователно секој ден на излегување од училница ме испраќаше со зборовите „Убав виќен наставничќе“ иако видендот беше далеку, рече наставничката Елена Накова од Злетово и додаде:

-Еее токму овој викенд беше најлошиот викен за мене бидејки ја слушнав кобната случка и уште покобното сознаение дека многу млади деца и нечии мили деца нема да бидат веќе со нас! Патувајте мирно кон ангелите, нека Господ Бог ве приме во царството небесно и да продолжите да ја ширите позитивната енергија кај ангелите ! Патувајте безгрижно кон вашиот нов дом, бидејки ние за Вас имаве и ќе имаме само убави спомени, а спомените никогаш не заминуват како што и вашата присутност мегу најбиските, напиша наставничката.

ММС.мк

Црна Хроника

Кривични пријави против полицајци Штип – МВР со детали

Одделот за внатрешна контрола при МВР поднесе кривична пријава до надлежното јавно обвинителство против Е.П., адвокат од Штип, како и против Д.Д., И.А., Г.Т. и Х.С., полициски службеници од Штип и Кочани, поради основано сомнение за кривичното дело „попречување на правдата“.

Според соопштението во полицискиот билтен, пријавените во текот на септември 2025 година преземале дејствија со кои било отежнато и спречено прибирањето докази во рамки на кривична постапка.

Од МВР информираат дека покрај кривичната пријава, против полициските службеници ќе биде поведена и дисциплинска постапка.

Црна Хроника

Уапсен млад човек од Тетовски по агресивно однесување кон полицијата

На 12.12.2025 година во 23:45 часот полициски службеници од Полициска станица за Граничен надзор Рогачево на локален пат за с. Јажинце, тетовско го лишиле од слобода Б.М.(25) од с. Јажинце кој се движел со патничко моторно возило ,,хундаи” со тетовски регистерски ознаки. Откако на лицето му бил констатиран сообраќаен прекршок истиот агресивно се однесувал и упатувал закани кон полициски службеник кој извршувал службени дејствија. Тој бил задржан во полициска станица за понатамошна постапка и против него ќе следува соодветен поднесок.

Црна Хроника

ВИДЕО: Тепачка во училишниот двор во Сарај – Дел од учениците снимаат со телефони

Вознемирувачко видео од групна тепачка на ученици во училишниот двор на основното училиште „Дитурија“ во скопското село Сарај се шири на социјалните мрежи. На снимката се гледа како неколку ученици се пресметуваат со боксови и клоци, додека околу нив стојат други деца кои не интервенираат туку снимаат со мобилни телефони.

Се уште не е познато кога точно е снимено видеото, ниту дали училиштето или надлежните институции презеле мерки по инцидентот. Случајот ја поттикнува потребата за поголема контрола и превенција на насилството меѓу учениците.

Видеото може да го погледнете на Слободен Печат