Балкан

Нови Сад ќе издвои 80.000 евра за семејствата на настраданите во Кочани

Published

22 hours ago

March 18, 2025

Советниците во Собранието на Нови Сад денеска одлучија да доделат донација од 10 милиони динари (околу 5 милиони денари или 80.000 евра) за помош на семејствата на жртвите во трагичниот пожар во дискотеката во Кочани.

Оваа информација беше објавена од страна на градоначалникот на Нови Сад, Жарко Миќин, пред почетокот на седницата на градското собрание. Според него, средствата ќе бидат издвоени од буџетот на градот.

Седницата на градското собрание беше под знакот на неизвесност, бидејќи синоќа студенти-демонстранти го блокираа влезот во зградата на општината, обидувајќи се да ја спречат седницата на која беше разгледуван буџетот на градот за оваа година. Демонстрантите ја поминаа ноќта пред Градската куќа, а полицијата на крајот насила ги отстрани и седницата продолжи. Советниците на владејачката коалиција го изгласаа буџетот и останатите точки на дневниот ред.

Нови Сад, покрај трагедијата со падот на настрешницата на железничката станица во ноември, има и други слични искуства. Во 2008 и 2012 година, во два одделни пожари во угостителски објекти, загинаа вкупно 14 млади луѓе.

Балкан

Тензии и инциденти на протестите на турските студенти по апсењето на Екрем Имамоглу

Published

2 hours ago

March 19, 2025

Арлингтон

На Универзитетот во Истанбул каде вчера му беше поништена дипломата на градоначалникот на Истанбул Екрем Имамоглу, попладнево избија инциденти на протестот кој го организираа студентите, откако утрово беше уапсен градоналникот и кандидат на опозициската Републиканска народна партија (ЦХП) за претседател на Турција.

Гувернерот на Истанбул издаде забрана за протести и собирања на граѓаните во траење од 4 дена но студентите на Универзитетот сепак се собраа да протестираат. Полицијата се обиде да го блокира маршот, но илјадници демонстранти, извикувајќи продемократски слогани, успеаја да го разбијат.

Надвор од главната капија, студентите ги повикаа другите студенти да ги бранат своите демократски права и слободи. Маршот потоа се упати кон градското собрание во областа Сарачане.

На протестот се приклучија и студенти од други универзитети во Истанбул. Полицијата ги запре демонстрантите пред Економскиот факултет. Ситуацијата и понатаму е тензична, додека студентите изјавуваат дека ќе продолжат со протестите.

Балкан

Втор ден десетици студенти и млади луѓе даруваат крв во Софија за повредените од ужасната трагедија што се случи во Кочани

Published

6 hours ago

March 19, 2025

Арлингтон

Втор ден десетици студенти и млади луѓе даруваат крв во Софија за повредените од ужасната трагедија што се случи во Кочани.

Извор: republika.mk

Балкан

Бугарски пратеник собра над 34.200 евра за настраданите во Кочани!

Published

7 hours ago

March 19, 2025

Арлингтон

Во периодот од 21:30 часот на 16 март до 09:30 часот на 19 март 2025 година, хуманитарната кампања за поддршка на настраданите во Кочани успеа да собере значителни средства. Иницијатор и организатор на донациите е Манол Пејков, пратеник во бугарското собрание, кој ја координира оваа акција преку фондацијата „Манол Пејков и пријатели“.

Во текот на овие 60 часа пристигнаа вкупно 423 донации во следниот износ:

Вкупно собрани средства: 34.225 евра

Пејков објави дека очекува до крајот на денот да стапи во контакт со семејствата на настраданите, кои во моментов се сместени во Софија и Варна, додека во Пловдив веќе има воспоставен контакт.

Во петок, заедно со својот соработник Чило, планира да отпатува во Кочани, каде ќе се сретне со локалното население и ќе ги координира следните чекори за распределба на собраните средства.

Дополнително, во текот на неделата ќе се обиде да оствари средба со амбасадорот на Северна Македонија во Софија, за да изрази сочувство и да понуди поддршка од фондацијата.