Израелските лекари извршиле 23 операции на настраданите од Кочани за еден ден, откриваат македонски здравствени работници кои биле дел од тимовите што работеле на спасувањето на жртвите од трагичната несреќа во дискотеката.

Лекарските тимови од странство кои пристигнале да помогнат во земјава биле одлично подготвени и успеале да спасат многу повредени, но според сведоштвата на колегите од други тимови, израелските лекари и медицински персонал се издвојуваат. Тие истакнуваат дека Израелците се исклучително искусни и професионални.

Во средата, израелскиот медицински тим извршил 23 тешки интервенции за само еден ден, давајќи им шанса за живот на 23 лица.

Израелците работеле во трите скопски болници заедно со македонскиот медицински персонал и тимови од Чешка и Србија, но според очевидци, Израелците се значително позадолжени во однос на искуството со вакви видови на повреди. Покрај тоа, тие донеле најсофистицирана опрема, лекови и покажале исклучителен ентузијазам за спасување на што поголем број животи.

Некои од израелските медицински екипи ја напуштиле земјата вчера наутро, но дел останале за да се подготват за втората фаза на третман на повредените, која е многу сложена и бара големо знаење и искуство.

Скромните Израелци се воодушевени од македонските колеги и брзата интервенција на македонските власти.

Таванот и ѕидовите од запалив материјал биле причина за брзото ширење на пожарот. Недостатокот на алтернативен излез довел до паника и стампедо меѓу присутните, се наведува во видеото на Би-Би-Си.

Би-Би-Си направи детална реконструкција на трагичниот пожар во дискотеката „Пулс“ во Кочани, анализирајќи ги причините за големиот број жртви во несреќата.

Во анализата се потенцира дека објектот, кој претходно служел како магацин за теписи, немал соодветна лиценца за работа како ноќен клуб.

Од Би-Би-Си наведуваат дека два фактори биле пресудни за брзото ширење на пожарот и големиот број загинати.

Според објавеното видео, огнот започнал за време на настапот на групата „ДНК“, кога пиротехнички средства поставени пред сцената предизвикале пламен кој набргу се проширил во објектот.

Присутните веднаш се обиделе да го изгаснат пожарот со противпожарни апарати, но без успех. Првиот фактор кој го издвојува Би-Би-Си е што таванот бил направен од запалив материјал, а ѕидовите од гипс картон немале отпорност на оган, што довело до исклучително брзо ширење на пожарот.

Вториот клучен фактор е недостатокот на доволно излези за евакуација. Иако објектот имал околу 500 гости, властите потврдиле дека постоел само еден функционален излез, и тоа истиот преку кој луѓето влегле во клубот.

Според обвинителството, задната врата, која би требало да биде излез за итни случаи, во тој момент била заклучена и немала рачка од внатрешната страна, со што било невозможно нејзино користење.

Поради тоа, стотици присутни морале да излегуваат низ истиот тесен простор низ кој и влегле, предизвикувајќи паника, стампедо и голем број смртни случаи.

Видеото на Би-Би-Си погледнете го ТУКА.

Поради потребата од итност во уредувањето на тоа прашање, Тошковски рече дека до донесувањето нов закон решение ќе се бара со измени на членови од постоечката легислатива.

Владата има намера целосно да забрани употреба на пиротехнички средства во затворен простор. Службите во рамки на МВР се задолжени да изготват документација со која би се направиле измени на легислативата што го уредува тоа прашање. Тоа денеска пред медиумите го посочи министерот за внатрешни работи, Панче Тошковски.

Одговарајќи на прашања на новинарите, Тошковски истакна дека веднаш со почетокот на истрагата во врска со несреќата во дискотеката во Кочани службите во рамки на Министерството биле задолжени да изнајдат начин за забрана за употреба на такви пиротехнички средства во затворен простор.

Според она што го рече тој, посточеката легислатива што го уредува тоа прашање датира некаде од 78 година од минатиот век така што, како што посочи, ќе се оди на донесување целосно нов закон.

Поради потребата од итност во уредувањето на тоа прашање, тој рече дека до донесувањето нов закон решение ќе се бара со измени на членови од постоечката легислатива.

– Во иднина ќе следи обновување со нов закон. Целокупниот законски текст поврзан со предметниот закон е при крај, но сега поради потребата од итност ќе се оди на директни измени на одредени членови на постоечкиот закон, дали ќе оди тоа праку Влада или преку некој пратеник во Собранието. Службите работат на предлог-законските измени и истите најбрзо што е можно ќе бидат ставени во процедuра. Интенција на Владата e да не се дозволи никогаш повеќе такви пиротехнички средства да бидат употребувани во затворен простор – рече Тошовски.