Црна Хроника

„За три дена ќе наполнеше 25 години“: Татко емотивен по загубата на синот Андреј во ужасниот пожар

Томчо Стојанов го загуби својот син, Андреј, во трагичната несреќа која се случи во дискотеката во Кочани.

Со голема болка, таткото на настраданото момче даде изјава пред новинарите, држејќи ја во раце фотографијата на својот син, кој за само три дена од несреќата ќе го прославел својот 25-ти роденден.

Стојанов сподели дека за пожарот дознал од другарката на својот син која живее во Штип.

„Таму настана катастрофа, мојот син помагаше, спасуваше други, во стампедото беше прегазен и мојот син настрада. За три дена требаше да наполни 25 години, сега на 19-ти, а тој вчера почина.“

„И што да ви кажам, болките наши никој не може да ги спречи. Тоа е трагедија, неорганизирано, во име на парите што се правеше. Ако треба 200 луѓе, таму имаше 1200, сè тоа на црно. Кој ќе ни го врати мојот син, кој“ – вели тој низ емоции.

Томчо изјави дека има и ќерка која живее во Германија. „Таа е сама, како ќе биде и како ќе стигни денес тука. Што ќе види, како ќе ја дочекаме и како ќе ѝ кажеме. Тоа е уште поголема трагедија“ – дополни тој во својата изјава.

Црна Хроника

Опожарен автомобил на паркинг во Скопје

С.Ф. (62) од Скопје пријавил в полиција ноќеска дека на паркинг простор на подрачјето на Бит Пазар било опожарено неговото патничко возило „тојота рав 4“ со скопски регистарски ознаки.

Повредени лица нема, а од екипа на Бригадата за противпожарна заштита Скопје пожарот бил изгаснат.

Извршен бил увид и се преземаат мерки за расчистување на случајот.

Црна Хроника

Разбиена кражба во тетовско – Полицијата со брза интервенција

На 10.12.2025 во 13:00 часот во село Жеровјане, тетовско, полициски службеници од Полициското одделение Жеровјане го лишиле од слобода Б.Е.(30) од с.Жеровјане. Тој се сомничи дека во период од неколку денови извршил кражба во напуштена штала во с.Теново, сопственост на Л.И.(22) од с.Теново, при што одзел повеќе предмети. Тој е задржан во полициска станица и по целосно документирање на случајот, против него ќе биде поднесена соодветна пријава.

Црна Хроника

Полицијата не им дозволи да побегнат: Малолетник и возрасен маж приведени по инцидент со кеса

Полициски службеници од ОВР Делчево, околу 17:40 часот вчера, приведоа две лица од Македонска Каменица, од нив еден 16-годишен малолетник.

Настанот се одвивал на местото викано „Горен водопад“ на реката Каменичка. При службените дејствија, полицијата ги затекнала малолетникот и 27-годишниот А.М., кога едниот во паника фрлил кеса и се обидел да побегне. Брзата реакција на службениците го спречила неговото бегство и тој веднаш бил приведен.

На местото на настанот, пронајдени и одземени се кеса полна со марихуана, како и докази кои упатуваат на трговија – дигитална вага и дробилка.

Но, истрагата не застанала тука. Подоцна, со судска наредба и во присуство на таткото, бил извршен претрес во домот на малолетникот, каде тој доброволно предал пакување со два цвета од растението канабис.

За целиот случај веднаш е известен Јавен обвинител. По комплетно документирање на сите детали, против приведените ќе биде поднесена соодветна пријава за стореното кривично дело.