Црна Хроника

“ГАЗДАТА ГИ СОБРА ПАРИТЕ И ИЗБЕГА“ – и рекол Иле, починатиот возач на Брза помош од Кочани

Сопругата на починатиот возач на Брзата помош, Иле Гоцевски, кој пожртвувано ги превезуваше повредените во трагичниот пожар во Кочани, во кој загинаа 59 лица, во потресна исповед за српски медиум открива детали за тоа што се случило тој ден и што ѝ рекол нејзиниот сопруг кога тргнал на задачата.

Пожарот во дискотеката „Пулс“ избувнал во ноќта меѓу саботата и неделата. Загинаа 59 лица, претежно млади, додека повеќе од 150 беа повредени. Еден од сопствениците на дискотеката е уапсен, како и уште 13 лица.

Иле Гоцевски, возач на Брзата помош, почина откако ги превезуваше повредените од дискотеката „Пулс“ во Кочани. Неговото срце не издржа поради стресот што го доживеа од незапамтената трагедија.

„Првиот повик го доби во 2:50 часот, не знам дали во тој момент другиот возач беше на работа. Ми рече дека гори дискотека. Не знаеше што го очекува таму. Тргна со амбулантното возило, виде дека има пожар, дека одат пожарникари. Ги виде децата како излегуваат запалени од дискотеката и сами влегуваат во возилото на Брзата помош. Тој влезе во дискотеката и ги виде мртвите. Живите деца почнаа да паѓаат внатре. Мораше да ги земе и да ги пренесе во комбето“, ја почнува својата исповед Анета.

„Газдата не беше ни таму, само го видоа во еден момент како ја зема кесата со парите од пазарот и побегна од дискотеката за да не изгорат парите, а за децата не му беше гајле, тие гореа во дискотеката. И повредените деца, кои беа свесни, сами влегуваа во комбето. Мојот Илчо пренесе 32 души во комбето. Некои ги однесе до болницата во Кочани, некои во Штип, а некои во Скопје. Тоа траеше цела ноќ. Додека пристигнаа првите возила на Брза помош од Делчево, Берово и од цела Македонија, помина повеќе од еден час, толку им требаше. И тие што стигнаа по еден час, тој беше првиот што влегуваше и вдишуваше честички од пожарот“, вели Анета за српски „Ало“.

Црна Хроника

Исчезна 30-годишен скопјанец

На 15.12.2025 во 01:50 часот во Полициската станица Гази Баба, И.Т.(51) од с.Инџиково, скопско, пријави дека од домот се оддалечил неговиот син А.Т.(30).

Се преземаат мерки за пронаоѓање на лицето.

Црна Хроника

Примил мито од 50.000 евра за да влијае кај судија – МВР со детали

Полициски службеници по наредба на јавен обвинител од Основното јавно обвинителство за гонење на организиран криминал и корупција го лишија од слобода Ф.С. поради сторено кривично дело – Примање награда за противзаконито влијание.

Во периодот од октомври до 13.12.2025 година осомничениот примил вкупен износ од 50.000 евра за да посредува и да го искористи своето реално влијание за да интервенира кај судија во Апелациониот суд Скопје и за со поткуп кон судијата да влијае за да се изврши службено дејствие што не би смеело да се изврши.

Првично, осомничениот побарал 100.000 евра за да влијае за укинување на мерка притвор определена кон лице кое е недостапно на органите на прогонот и против кого ОЈОГОКК води друга постапка за кривични дела против јавните финансии, платниот промет и стопанството. На 06.10.2025 година примил дел од побараниот износ и тоа 30.000 евра, што му ги предала сестрата на лицето во бегство. На 13.12.2025 година директно побарал и примил уште 20.000 евра како дел од поткупот што го барал за да го даде на судијата.

Непосредно по примањето на паричните средства осомничениот е лишен од слобода и кај него се пронајдени парите.

Црна Хроника

Лажен полицаец измами старица за 23.300 евра, уапсен на граница

Полицијата од Опатија уапси 46-годишен хрватски државјанин кој измами 79-годишна жена за 23.300 евра. Измамникот се претставувал како полицаец и ја убедил старицата дека истражува хакерски напад врз нејзините банкарски сметки. Тој ја натера да ги подигне сите свои пари за наводна проверка на истрагата.

На 12 декември, жртвата му ги предала парите пред својата куќа, по што измамникот се обидел да ја напушти земјата. Благодарение на брза и координирана акција на полицијата, тој бил уапсен на граничниот премин во Брод-Посавина, а целата украдена сума веднаш била вратена на сопственичката.

Против осомничениот е поднесена кривична пријава, тој е предаден на надзорникот на притвор, а истрагата продолжува.