Црна Хроника

„Ме газеа, останав без воздух, тој ме спаси“ …: Болна исповед на девојката која го преживеа хорор пеколот во Кочани

Целиот регион е во жалост поради трагичниот пожар во дискотеката „Пулс“ во Кочани, во кој животот го загубија 59 лица, а повеќето од нив се деца и млади луѓе. Додека Македонија се подготвува за погреб на жртвите, се појавуваат потресни сведочења од преживеаните.

Една девојка која успеала да избега од пожарот вели дека својот живот го должи на работник од обезбедувањето. „Паднав на земја, ме газеа и не можев да дишам.

Ако не ме извлечеше обезбедувањето, сигурно немаше да бидам жива“, изјавила таа, сеќавајќи се на ужасот што го доживеала. Според неа, Мартин, чуварот на дискотеката, бил тој што ѝ го спасил животот.

Погребот на загинатите ќе се одржи на 20 март, а директорот на Центарот за управување со кризи, Стојанче Ангелов, потврди дека се обезбедени сите неопходни ресурси за организирање на погребот.

Работниците одгледуваат ровови и ги прошируваат градските гробишта, за да обезбедат место за сите трагично загинати. Сцените на работниците кои со солзи на очи копаат гробови за млади луѓе кои го загубија животот во овој страшен пожар, ги потресоа сите.

Црна Хроника

Уапсен главен уредник на турска телевизија

Главниот уредник на едниот од највлијателните турски телевизиски канали, „Хабертурк ТВ“, Мехмет Акиф Ерсој, е приведен во Истанбул како дел од проширена истрага за дрога што ги таргетира медиумските и забавните кругови, пренесуваат турските медиуми.

Канцеларијата на главниот јавен обвинител во Истанбул соопшти дека биле издадени налози за апсење на осум лица под сомнение за купување, поседување или употреба на дроги и стимуланси за лична употреба, како и за обезбедување простор за нивна употреба.

Меѓу приведените, покрај Ерсој, е и уредничката за меѓународни вести на „Хабертурк“, Елиф Каланч.

Телевизијата во кратко соопштение потврди дека Ерсој е приведен во рамки на истрагата на истанбулското обвинителство и дека е суспендиран „за да се обезбеди целосна објективност“. Одлуката за неговата суспензија ја донесе државниот Фонд за гаранција на депозити (ТМСФ), кој од септември ја управува матичната компанија на „Хабертурк“ како судски назначен стечаен управник во друга истрага за перење пари.

Овој најнов случај е дел од поширока акција во Истанбул, во која претходно беа приведени и неколку ТВ-водители под сомнение за употреба на дрога, но тие подоцна беа ослободени.

Истрагата привлекува дополнително внимание поради тоа што, за разлика од минатите случаи насочени кон критичарите на претседателот Реџеп Тајип Ердоган, сега под удар се медиумски фигури и деловни структури што се сметаат за блиски до власта, меѓу кои и „Хабертурк“.

Црна Хроника

Пијан мопедист заврши во болница по излетување од пат кај Дојран

Ноќта на регионалниот пат Стар Дојран – Нов Дојран, на потегот „Калдрма“, 22-годишниот Д.Б. од Нов Дојран изгубил контрола врз мопед „Хамачи“ и излетал од коловозот. Во незгодата се здобил со телесни повреди, по што бил пренесен во Општата болница во Гевгелија.

Полициската контрола покажала дека возачот бил под дејство на алкохол – измерени 1,60 промили. За настанот е известен јавен обвинител од ОЈО Гевгелија, а по целосно документирање ќе следи пријава за „безобѕирно управување со моторно возило“ по член 297-а од Кривичниот законик.

Црна Хроника

Опожарен автомобил на паркинг во Скопје

С.Ф. (62) од Скопје пријавил в полиција ноќеска дека на паркинг простор на подрачјето на Бит Пазар било опожарено неговото патничко возило „тојота рав 4“ со скопски регистарски ознаки.

Повредени лица нема, а од екипа на Бригадата за противпожарна заштита Скопје пожарот бил изгаснат.

Извршен бил увид и се преземаат мерки за расчистување на случајот.