Граѓаните на Солун, точно напладне организираат собир „Солун во молк за Кочани“ на централниот плоштад „Аристотел“ за да им оддадат почит на жртвите во трагичниот пожар во дискотеката

Македонците и Грците кои ја покренаа иницијативата откриваат дека планираат 60-минутен молк, по една минута за сите 59 жртви кои трагично загинаа во дискотеката „Пулс“, но и една минута молк за возачот на брзата помош, кој почина откако превезе голем број повредни лица.

Дополнително, во спомен на загинатите ќе има и црни балони, а преку социјалните мрежи објавија повик „Солун се солидаризира со Кочани“.

Познатиот бугарски актер Филип Буков демонстрираше исклучителна хуманост со својот гест на поддршка за повредените во трагичниот пожар во Кочани, Република Македонија. Во знак на солидарност, Буков се упати кон крводарителските центри во Софија, каде што успешно донираше крв и со емотивен апел повика на акција.

„Важно е многу да дадат малку, а не малку да дадат многу!“ – напиша Буков на својот Instagram профил, поттикнувајќи ги сите да се приклучат во акцијата за спасување животи.

Во знак на жалост за трагедијата, бугарското Народно собрание го спушти своето знаме на половина копје на 18 март. Истовремено, болниците „Пирогов“ и ВМА во Софија беа полни со млади луѓе кои се подготвени да помогнат.

„Кој има можност, нека оди!“ – беше порака од Буков, кој истакна дека крводарувањето не само што спасува животи, туку и има позитивен ефект на здравјето на самите дарители.

По враќањето од состанокот на членовите, градските и општинските функционери на Српската напредна партија во Офицерскиот дом во Ниш, градоначалникот на Ниш, Драгослав Павловиќ, беше нападнат од група учесници на денешниот протест, јави Бета.

Кон Павловиќ гаѓале со јајца и камења, еден маж го турнал, а друг го полил со вода.

Павловиќ не возвратил, а луѓето кои биле со него се обиделе да го заштитат покривајќи го со својата облека.

Видеото од нападот се споделува на социјалните мрежи.

Нападот се случил откако заврши протестот на студентите и граѓаните, а студентските редари се оддалечија од паркот пред Офицерскиот дом и околните улици.

Протестот на студентите и граѓаните на Ниш заврши околу 20 часот, додека средбата на членовите и функционерите на Српската напредна странка во Офицерскиот дом во Ниш заврши околу 19 часот и 30 минути.

Според неофицијални информации, на состанокот не присуствувале претседателот на Српската напредна странка, Милош Вучевиќ, претседателката на комитетите на белградската СНС, Ана Брнабиќ и претседателот на Извршниот одбор на СНС, Дарко Глишиќ.

Како што пренесе Бета, според неофицијални информации, градоначалникот на Ниш, Драгослав Павловиќ, ги известил присутните во Офицерскиот дом за отсуството на лидерот на СНС, а како причина навел „голем безбедносен ризик“.

Протестот се одвиваше со максимални безбедносни мерки, со бројни припадници на Жандармеријата и полицијата во паркот пред Офицерскиот дом и во соседните улици.

Офицерскиот дом во Ниш бил опкружен со метална ограда и не можело да се приближува поблиску од 150 метри.

И покрај големата оддалеченост, граѓаните со јајца фрлале по членовите на Српската напредна странка кои доаѓале на средба со раководството на СНС на улицата 7 Јули, а тоа се обиделе да го сторат и од другиот брег на реката Нишава.