Македонската фудбалска репрезентација ќе истрча на теренот во Вадуц со црни тренинг-маички, со кои ќе искаже почит и длабоко сочувство за загинатите и настраданите во страшната трагедија што се случи во Кочани. 

Нашите „рисови“ важат за големи фаворити на квалификацискиот натпревар против Лихтенштајн, а играчите ќе се обидат да извојуваат важна победа која ќе биде посветена на цела Македонија. 

На маичките е испишан црниот датум за нашата историја, 16.03.2025, денот кога 60 наши сограѓани трагиично го загубија животот. Натпреварот започнува во 15:00 часот. 

Репрезентацијата на Македонија до 19 години одигра нерешено без погодоци против соодветната селекција на Албанија во рамките на првиот контролен дуел одигран помеѓу овие две селекции во Корча.

Двете репрезентации одигра доста тврд натпревар, со многу борбеност и трчање. Одбраните и на двете репрезентации беа на висина на задачата, не оставајќи преголем простор за игра. Македонија одигра подобро второ полувреме во однос на првото во кое имаше повеќе од играта, но на крајот мрежите мируваа.

Втората контролна средба овие две репрезентации ќе ја одиграат на 23. март со почеток во 12. часот, исто во Корча.

Управата на македонскиот прволигаш Пелистер ја информира јавноста дека сите средства собрани од продажбата на билети за натпреварот против Вардар во ПМФЛ ќе бидат донирани на семејствата на загинатите и повредените во трагичниот пожар во Кочани.

Пелистер ќе го пречека Вардар во рамките на 25. коло, а цената на билетите ќе изнесува 200 денари. Битолчани ги повикуваат сите симпатизери и љубители на фудбалот да се приклучат на оваа хуманитарна акција и да присуствуваат на натпреварот меѓу вечните ривали.

Натпреварот помеѓу Пелистер и Вардар ќе се одигра на 29 март, со почеток во 15:00 часот.